¹ Sady avy tagnamiko gny safan'i Yaveh, nanao hoe: ² " Ka mangalaky valy ho an'ny vatanao, sady aza miteraky johary na ampela amin'ny vatanao amy toy toera toy. ³ Fa i Yaveh nivola izay tamin'ireo anaky lahy voho anak'ampela zay teraky teto amy toy toera toy, tamin'ireo regny zay nanday gnan-drozy, voho tamin'ireo ray zay nahavy gnan-drozy ho teraky eto agnabony toy tany toy, ⁴ Ho faty amin'ny aretim-pahafatesa rozy. Tsy hitomania rozy na ho alevy. Ho lasa manahaky gny zeziky amin'ny tany rozy. Fa amin'ny alalan'ny sabatsy voho gny mosary ro hiafaran-drozy, sady gny fatin-drozy la ho lasa sakafo ho an'ireo voron'ny lagnitsy voho reo bibin'ny tany.' ⁵ Fa avy tagnamiko gny safan'i Yaveh, nanao hoe: " Ka militsy amin'ny tragno zay misy fitomania. Ka mandeha mba hitomagny na hampise fangoraha ho gnan-drozy, fa nalako teo amin'izay vahoaky izay gny fiadagnako, gny fitiavako tsy miova voho gny famindram-poko__izay ro fagnambaran'i Yaveh. ⁶ Gny johary voho gny kely la samby ho maty eto amy toy tany toy. Tsy ho alevy rozy, sady tsy hisy na raiky aza hitomany an-drozy na hanapaky gny tenan-drozy na hagnaratsy gny lohany ho an-drozy. ⁷ Ao tsy hisy na ia na ia hizara sakafo amin'ny fisaogna mba hampionona an-drozy noho reo fahafatesa, sady ao tsy hisy hagnome kapoaky fampionogna ho an'ny babany na ho gnan'ny reniny mba hampionona an-drozy. ⁸ Ao iha tsy ho agny amin'ny tragno fanasa mba hipetraky hiaraky amin-drozy mba hihina na hino.'

9 Fa Yaveh tompon'ny maro, Ndranagnaharin'Israely, nanao hoe:' Ingo, eto agnatrehan'ny toera toy , andronareo sady amy toy toera toy, hampitsahatsy gny feon'ny fifalia voho gny feon'ny fisinisinia zaho, gny feon'ny mpampiakatsy voho gny feon'ny ampakary.' ¹⁰ Sady iha hitatitsy reo teny iaby reo amin'ireo vahoaky reto amin'izay andro izay, sady hivola agnaminao rozy hoe: ' Nagnino Yaveh ro nandidy toy loza bevata hagnohera antsika toy? Ino ro helokay voho fahotanay zay nanotanay tamin'i Yaveh Ndranagnaharintsika? ¹¹ Ka ambarao rozy hoe:' Fotony nagnenga gnahy reo razambenareo__izay ro fa nambaran'i Yaveh__sady nagnagny amin'ny ndranagnahary hafa rozy sady nanompo voho niankohoky tamin-drozy. La nagnenga Gnahy rozy sady tsy nita gny liliko. ¹² Nefa gny vatanareo la fa nanday faharatia maro noho reo razambenareo, ka igno, samby nandeha tamin'ny hamafisan-dohany gny olo kiraidraiky araky gny fo ratiny; tsy misy na raiky aza minjanjy Gnahy. ¹³ Ka ho alako eto amy toy tany toy ho agny amin'ny tany zay tsy mbo fahainareo na reo razambenareo, sady hanompo reo ndranagnahari-kafa andro aman'aly agny nareo, fa tsy hagnome fankasitraha ho gnanareo Zaho.' ¹⁴ Ka noho izay, ingo, avy sady gny andro__izao ro fagnambaran'i Yaveh__lafa tsy ho ambaranao sasy hoe: ¹⁵ " Laha mbo velo koa i Yaveh, gny nanday gny vahoakan'Israely bakagny amin'ny tanin'i Egypta.' Fa hoe: ' Laha mbo velo koa i Yaveh, gny nandaisa reo vahoakan'Israely bakagny amin'ny tany avaratsy voho bakagny amin'ireo tany zay fa nampieleza gnazy reo.' Fa ho ampoliko agny amin'ny tany zay nomeko gny razambeny rozy. ¹⁶ Ingo! Handefa mpagnarato maro zaho__zao ro fagnambaran'i Yaveh__ka hagnarato reo olo rozy. Afaran'izay la handefa mpihaza maro zaho mba hihaza ho gnan-drozy egny amin'ny tendrombohitsy voho vohitsy iaby, sady egny an-tsefatsefaky gny haram-bato rozy. ¹⁷ Fa gny masoko la ho egny amin'ny lalan-drozy iaby; tsy afaky gny hietaky eo agnatrehako rozy. Tsy afaky gny hietaky eo agnatrehan'ny masoko gny helokin-drozy. ¹⁸ Hanonitsy abo roe heny gny heloky voho gny fahotan-drozy ho gnan'ny fandotoan-drozy gny taniko tamin'ny sampy vetavetan-drozy aloha Zaho, voho gny famenoan-drozy sampy maharikoriko gny lovako." ¹⁹ Yaveh o, Iha ro fiarovako mafy voho fialofako, toera azoko antoky amin'ny androm-pijaleako. Ho agny Agnaminao reo firenena bakagny amin'ny faran'ny tany sady hivola hoe: ' nandova fitaky vatany gny razambenay. Tsisy dikany reo; sady tsy ahita tombontsia ao amin-drozy. ²⁰ Manao ndranagnahary ho gnan'ny vatan-drozy va gny olo? Nefa tsy ndranagnahary rozy. ²¹ ' Noho izay ingo! Ho ampahaiziko gnan-drozy amin'izay fotoa izay, ho ataoko hain-drozy gny tagnako voho gny heriko, ka ho hain-drozy fa Yaveh ro agnarako.