¹ Nivola izao tagnamiko Yaveh hoe: " Mandehana sady mivilia atin'akanjo hasim-bazaha foty ka afehezo eo amin'ny andilanao izay, nefa ka atao agnaty eo rano aloha izay." ² Ka la nivily atign'akan'jo araky zay nitarihan'i Yaveh gnahy zaho, sady nifeheziko teo amin'ny andilako izay. ³ La avy tagnamiko fagnindroeny gny safan'i Yaveh, nanao hoe: ⁴ " Rambeso gny atin'akanjo zay baka nivilinao zay eo amin'ny andilanao, mintsangana ka mandehana agny amin'ireo Eofrata. Aetaho ao agnaty haram-bato izay." ⁵ Ka nandeha zaho sady nagnetaky izay tagny amin'ireo Eofrata araky zay nandilian'i Yaveh gnahy. ⁶ Afaky andro maromaro, la nivola tagnamiko i Yaveh hoe: " Mitsangana ka mandeha mimpoly agny amin'ireo Eofrata. Alao agny gny atin'akanjo zay nivolagniko haetakinao." ⁷ Ka nimpoly tagny amin'ireo Eofrata zaho sady nagnaly tao gny naetako gny atin'akanjo. Nefa ingo! Simba gny atin'akanjo; tsy mba soa sasy ie ⁸ Bakeo la avy tagnamiko gny safan'i Yaveh, nanao hoe: ⁹ " Hoy Yaveh hoe: Mitovy amin'izay gny fomba hamotehako gny fiavognavogna bevatan'ny Joda voho Jerosalema. ¹⁰ Io vahoaky raty zay manda gny hinjanjy gny volako io, zay mandeha amin'ny fahamafisan'ny fon-drozy, zay magnaraky ndragnahary hafa mba hanompo regny voho hiankohoky amy regny__ho manahaky izay atin'akanjo izay rozy zay soa fa tsy misy dikany. ¹¹ Fa manahaky gny atin'akanjo raiky mifikitsy amin'ny taolan-tehezan'olo, la manahaky koa ro fa nanaovako gny avorohotan'Israely voho gny avorohotan'i Joda hifikitsy Agnamiko__izay ro fagnambaran'i Yaveh__mba ho vahoakako, mba handay laza, dera, sady voninahitsy ho Gnahy. Nefa tsy nijanjy gnahy rozy. ¹² Ka toko ny hisafa zao teny zao ho gnan-drozy iha hoe: ' Yaveh, gny Ndranagnaharin'Israely la magnambara izao: Gny vatako iaby la ho feno divay.' Hivola agnaminao rozy hoe: ' Moa tsy hainay vatany va fa ho feno divay gny tavoara iaby?' ¹³ Ka la ambarao rozy hoe:' Hoy Yaveh hoe: Ingo, ho fenoako fahamamoa gny olo iaby any toy tany toy, reo mpanjaka zay mimpetraky eo amin'ny seza fiandrianan'i Davida, reo mpisoro, mpaminany, sady reo olon'i Jerosalema iaby. ¹⁴ Sady la ho ampifamotehiko rozy, reo ray sy reo anany miaraky__izay ro fagnambaran'i Yaveh__Tsy hamindra fo amin-drozy Zaho na hana fangoraham-po, sady tsy hagnavotsy gnazy reo amin'ny fahapotehina Zaho. ¹⁵ Mijanjigna ka mandrenesa. Ka miavognavo, fa Yaveh ro fa nivola. ¹⁶ Manomeza voninahitsy ho gnan'i Yaveh Ndranagnaharinareo mialohan'ny handaisany aizina, sady mialohan'ny hanafintohinany gny tombonareo ao an-tendrombohitsy amin'ny maikiky. Fa magnatena hazava iha, nefa hamadiky gny toera ho maiky mare Ie, ho rahona mainty. ¹⁷ Noho izay laha tsy hinjanjy iha, la hitomany regny zaho noho gny fiavognavognanao. Hanganohano voho hikoria ranomaso vatany gny masoko, fotony nobaboina reo aondrin'i Yaveh. ¹⁸ Ambarao gny mpanjaka voho gny mpanjakavavy reniny hoe: ' Manetre tena nareo ka mipetraha, fa reo satro-boninahitsy eo amin'ny lohanareo, gny firehareha voho voninahitrareo, la fa nitonta.' ¹⁹ Hikato iaby reo tanan'i Negeva, tsy misy raiky hamoha reo. Ho baboina i Joda, ho atao sesitany gny aminy iaby. ²⁰ Asondroto gny masonao ka henteo reo avy bakagny avaratsy. Aia gny andian'aondry zay nomeny gnanao, gny andian'aondry zay tena soa tarehy tagnaminao? ²¹ Ino ro ho ambaranao lafa apetrakin-Dranagnahary eo agnaminao reo zay fa nampianarinao mba ho namanao? Tsy reo va gny fiantombohan'ireo fanaintaina zay hahazo gnanao manahaky gny ampela miteraky? ²² La mety hivola anakampo iha hoe: " Nagnino ro miseho agnamiko reo raha reo?" La ho amin'ny fahanaroan'ireo fahotanao ro nampandeha reo ziponao sady nanola gnanao. ²³ Moa afaky gny hanova gny volon-koliny va gny kosy, na gny leoparda hagnova gny pentiny? Laha izay, la iha vatanao, na la zatsy gny faharatia ka, la afaky manao gny soa. ²⁴ Noho izay la hampiely gnazy regny mnahaky gny akofa zay ravan'ny tsioky gny efitra Zaho. ²⁵ Izay ro nameako gnanao, gny anjara zay fa nodidiko ho gnanao__izay ro fagnambaran'i Yaveh__fotony fa nagnaligno Gnahy iha sady nitoky tamim-pitaky. ²⁶ Noho izay avao koa la Zaho mihitsy ro hangalaky gny ziponao agnaminao, sady hiseho reo faritsy saro-palinao. ²⁷ Fa nahita gny faharatian'ny fivarotan-tenanao tegny amin'ireo havoana voho tegny amin'ireo baibo, sady fa nahita regny raha maharikoriko regny Zaho! Loza ho gnanao, ry Jerosalema! Hafiria izay vao ho malio ndraiky iha?"