¹ Hoy Yaveh tamin'i Mosesy hoe: " Ingo fa nataoko ho toy gny Ndranagnahary ho gnan'i Farao iha. Arona zokiko ro ho mpagnambara hafatsinao. ² Iha ro hivola kila raha iaby hampiraharako gnanao. Hivola amin'i Farao i Arona rahalahinao mba hagnengany gny gn'olon' Israely hiala amin-gny taniny. ³ Fa hagnampy gny fon'i Farao zaho, sady zaho koa hanoro famantara maro mikasiky gny heriko, voho hatsereha maro amy gny Egypta. ⁴ Fe tsy hijanjy gnanao i Farao, ka hapetrako ao Egypta gny tagnako sady hampiboaky johary mpialy reo, gn'oloko voho anak' Israely, henga an' Egypta amy sazy bevata toy ⁵ Ka ho hain-gny Egyptiana reo fa zaho ro Ndranagnahary lafa hanoro gny tagnako, amy Egypta noho hangalaky Israelita reo tsy ho amin-drozy eo Zaho. ⁶ La nataon'i Mosesy voho Arona ze nampanaovin-Dranagnahary an-drozy. ⁷ Valopolo tao Mosesy, valopolo telo amby tao Arona, lafa miresaky tamin'i Farao rozy. ⁸ Ka hoy Yaveh tamin'i Mosesy noho Arona hoe: ⁹ " Lafa mivola aminao i Farao hoe: " Manaova fahagaga; hivola an'i Arona iha hoe: " Rambeso gny tehinao ka atoraho alohan'i Farao ao fa hanjary bibilava". ¹⁰ La nandeha tamin'i Farao agny Mosesy noho Arona sady nanao ze raha nandilian'i Yaveh an-drozy. Natsipin'i Arona teo alohan'i Farao voho reo mpanompony lay tehy igny ka la nanjary bibilava. ¹¹ Nikaihin'i Farao koa gn'olo kendriny noho mpanao aoliny rey ka nanao manahaky an'izay koa tamin-gny aolin-drozy. ¹² Nanoraky gny tehiny gny johary kiraikiraiky ka samby lasa bibilava iaby fe natelin-gny tehin'i Arona gny bibilavan-drozy. ¹³ Niha-mahery gny fon'i Farao, sady tsy nijanjy ie, fa nivolagnin-Dranagnahary taloha raha zay. ¹⁴ Hoy Ndranagnahary tamin'i Mosesy hoe: " Mahery fo i Farao, sady tsy hagnenky gny handehanan'olo reo. Mandehana mbo maray amin'i Farao agny, lafa ie ro miboaky ho an-drano agny igny. ¹⁵ Mijagnona mariniky rano io iha soa ho kojy gnazy ka rambeso ho an-tagna tehy nanjary bibilava igny. ¹⁶ Volagno aminy hoe: 'Yaveh, Ndranagnaharin'ireo Hebreo ro nandefa gnahy aminareo atoy, hivola hoe: " Engao gn'oloko handeha mba hanompoan-drozy gnahy an-tany efitsy agny. Fa tsy mety iha hatramizao." ¹⁷ Izao ro fasan'i Yaveh: "Amin'izao ro hahalalanao fa zaho ro Yaveh. Hikapoky gny reniranon'i Neily amin-gny tehy izay ety an-tanako zaho, ka hivaliky ra gny renorano. ¹⁸ Gny fia agnatin'ny renirano la ho maty,ka la ho maimbo gny renirano.Tsy ho afaky hino gny rano baka amin'ny renirano reo Egyptiana." ¹⁹ Ka hoy Yaveh tamin'i mosesy Hoe:Volano i Arona hoe :"Rambeso gny tehinao ka amparo miaraky amy tagnanao amy rano eeEgyptiana, voho amy reniranon-drozy reo,reo rano mandeha ,gny rano mivory voho gny dobo-ndrano,soa hanjary lio reo rano reo.Atavo zay soa hisy lio eran'ny tany iaby,ndra amy ze misy hazo,ndra vato aza. ²⁰ Nanao araky zay nandilian'i Yaveh i Mosesy voho Arona. Nampiakatsy gny tehiny Arona sady nivinagony lay rano teny amin-gny renirano, teo agnilan'i Farao voho reo mpanompony. Sady nivadiky lio gny rano iaby tagny amin-gny renirano. ²¹ Maty reo hazandrano tao agnaty renirano, sady nanomboky namofona maimbo gny renirano. Tsy afaky nino rano baka amin-gny renirano reo Egyptiana, sady feno lio manodidy tany Egypta. ²² Fa nanao manahaky zay tamin-gny olin-drozy reo avao koa reo mpanao olin'i Egypta. Koa la niha-mahery gny fon'i Farao, sady nanda tsy hijanjy gnan'i Mosesy voho Arona ie, araky zay fa nisafagnin'i Yaveh fa hiseho. ²³ La nitoliky i Farao sady nimpoly tao an-tragnony. Tsy nasiany dikany gny raha niseho teo. ²⁴ Nihaly rano magnodidy an'ny renirano io gny Egyotiana mba hinomy, nefa tsy mahazo mino amy ranon-gny ony rozy. ²⁵ Fa fito andro zay tafan-gny namangoan'i Yaveh gny renirano.