¹ Ka Yaveh mivola tamin'i Mosesy hoe: " Androany ro hahitanao zay hataoko amin'ny i Farao. Ho hitanao zay, fa hagnenga gnazy reo handeha ie nohon'ny gny tagnako mahery. Noho gny tagnako mahery, handramby an-drozy hiala amin'ny gny taminy ie." ² Ndragnahary nivola tamin'i Mosesy ka nanao hoe: " Izaho ro Yaveh, ³ Amin'ny gny maha-Ray tsitoha Gnahy ro nisehoako tamin'Abrahama, Isaka, voho Jakoba, fa amin'ny gnagnarako, Yaveh, la tsy nahay Gnahy rozy. ⁴ Nametraky fifagnenkegna tamin-drozy koa Zaho, mba hagnomeza an-drozy gny tamin'i Kanana, tany zay nitoeran-drozy amin'ny mahampiavy gnazy, tamy zay nivezevezean-drozy. ⁵ Ka nahare gny fitaraignan'ny gny Israely zay nandevozin'ny gny Egyptiana avao koa Zaho, ka tiaroko gny fagnenkeko. ⁶ Noho ny zay, volagno reo Israelita hoe: " Izaho ro Yaveh. Hagnafatsy anareo amin'ny gny fagnandevozan'ny gny Egyptiana Zaho, ka ho afahiko amin'ny heriny nareo. Hagnavotsy anareo amin'ny fampisehoa gny heriko Zaho, voho amin'ireo fitsara mahery. ⁷ Halaeko ho oloko nareo, ka Zaho Ndragnaharinareo, zay nangalaky anareo teo ambanin'ny gny fagnandevozan'ny reo Egyptiana. ⁸ Handesiko agny amin'ny gny tany zay fa nampitamaniko tamin'i Abrahama, Isaka voho Jakoba nareo. La homeako ho fanagnanareo zay. Izaho ro Yaveh". ⁹ Laha nivola amizay tamin'ireo Israelita Mosesy, la tsy nijanjy gnazy rozy nohon'ny gny hakivian-drozy mahakasiky gny fagnandevoza mare an-drozy. ¹⁰ Ka nivola tamin'i Mosesy Yaveh ka nanao hoe: ¹¹ " Mandehana volagno Farao, mpanjakan'i Egypta, mba hagnenga gny vahoaky gn'Israely hiala ao amin'ny gny taniny. ¹² Hoy Mosesy nivola tamin'i Yaveh hoe: " Laha tsy nijanjy Gnahy reo Israelita, nagnino Farao ro hijanjy gnahy, fotony tsy mahay mandaha-drehaky zaho"? ¹³ La nivola tamin'i Mosesy voho Arona i Yaveh. Nagnomea lily an-drozy ho an'ireo Israelita voho ho an'i Farao, mpanjakan'i Egyptiana Ie, mba handay reo Israelita hiala gny tany Egypta. ¹⁴ Reto gny lohan'ny gny fianakavian'ny gny razamben-drozy, reo anakilahin-dRobena, talagnolon' Israely, la i Hanoka, Palo, Herzona, voho Karmy. Reto gny lokon'ny gny razamben'i Robena. ¹⁵ Reto gnanakilahin'i Simeona, la Jemoela, Ohada, Jakinasy, Zahara, voho Saoly__gny anaky gnampela Kananita. Reo ro razamben'ny gny fokon'i Simeana. ¹⁶ Reto hisahy reto gnanakilahin'i Levy, miaraky amin'ny gny taranan-drozy. Rozy reto la i Geesona, Kehata, voho Merary. Niay hatramin'ny faha 137 tao i Levy. ¹⁷ Reto gnanakilahin'i Gersona la i Libny voho i Simey. ¹⁸ Reto gnanakilahin'i Kaheta la i Amrama, Jizara, Hebroma voho i Oziela. Niay hatramin'ny faha telo amby telopolo amby zato tao i Kehata. ¹⁹ Reto gnanakilahin'i Merary la i Maly voho Mosy. Reo ro nanjary razamben'ny gny fokon'ireo Levita miaraky amin'ireo taranany. ²⁰ La nanambaly an'i Jekebeda i Amrama, anabavin'ny babany. Niteraky an'i Arona voho Mosesy taminy ie. Nisy 137 tao i Amrama la maty bakeo. ²¹ Reto gnanakilahin'i Jezara la i Nafega, voho Sitry. ²² Reto gnanakilahin'i Oziela la i Misaela, Elzafana, voho Sitry. V 23 Nanambaly an'i Eliseba i Arona, anakampelan'i Aminadaba, anabavin'i Nasona. Niteraky an'i Nadaba, Abiho, Eliazara, voho i Itamara taminy ie. ²⁴ Reto gnanakilahin'i Kora la i Asira, Elkana, voho Abiasafa. Reo gny razamben'ny fokon'ny gny Karaita. ²⁵ Eleazara, anakilahin'i Arona, nanambaly gny raiky tamin'ireo anakampelan'i Potiela. Niteraky an'i Fineasa taminy ie. Reo gny lohan'ny gny vavean'ireo Levita, miaraky amin'ireo taranany. ²⁶ Reo johary roe reo la i Arona voho Mosesy zay nivolagnan'i Yaveh hoe: " Andeso miala gny tany Egypta reo Israelita amin'ny gnalalan'ireo vondro-delahy mpialy." ²⁷ Arona voho Mosesy nivola tamin'i Farao, mpanjakan'i Egypta, mba hagnenga an-drozy hamoaky reo Israelita bakao Egypta. Gny Mosesy voho Arona avao reo. ²⁸ Lafa nivola tamin'i Mosesy tamin'ny gny tany Egypta Yaveh, ²⁹ la hoy Ie taminy: " Izaho ro Yaveh. Volagno amin'i Farao, mpanjakan'i Egypta zay iaby hovolagniko aminao. ³⁰ Fa Mosesy nivola tamin'i Yaveh hoe: " Tsy mahay mivola zaho, ka manao ahoa gny hijanjignan'i Farao gnahy?