¹ Namory gny olony gny Israelita iaby Mosesy ndraiky misafa tamin- drozy hoe "toa gny raha nibaikoan' iYaveh hataonareo. ² Enin-andro no afaky anova gny asa, fa ho anareo, gn'andro fahafito la ho andro masy , andro sabatany gny fiegnena feno ,ndraiky masy ho an 'i Yaveh. ndra ino ndra ino miasa ami gny zay andro zay la hovonoiny ho maty. ³ Ao tsy hamela bolo an- tragnonareo agny nareo ami-gny andro sabata. ⁴ Nivola tami-gny reo fifondrognany gny Israelita iaby Mosesy manao hoe:"Zao ro raha nibaikoan'i Yaveh. ⁵ Mangala fagnatitsy ho an' i Yaveh , nareo iaby ze mana fahavonognam-po. Mandesa fagnatitsy ho an 'i Yaveh volamena ,volafotsy, saba , ⁶ Manga , volom-parasy ,voho volon'aondry jaky ndraiky jamala foty mandiniky , volon'aosy. ⁷ Holitsy gn' andro lahy miloko mena ndraiky holitsi dogoana; hazo akasia ; ⁸ Manaky atao ami-gny fanaovan- jiro masy hagnitsy ho any gny menaky fagnasa voho ditin-kazo magnitsy , ⁹ Vato berila ndraiky vato lafom- bily hafa apetraky ho ami-gny efoda ndraiky gny saron- tratra. ¹⁰ Gny lehilahy iaby ze mana fahaiza aminareo la ho avy ka la hamboatsy gny raha iaby ze nibaikoan'i Yaveh _ ¹¹ Gny taberinakely mbami -gny lainy ,gny lombony ,gny varangony ,gny rafitsiny , gny barany, gny tsagatsangany, voho gny faladiany ; ¹² Voho koa gny fiara mbaminy gny jogany , gny lombom-pagnavota ndraiky gny lamba hagnetaha azy. ¹³ Nandesin-drozy gny latabo mbami- jogany ,gny enta an-tragno iaby ao aminy ,voho gny mofony gny fagnatreha ; ¹⁴ Gny fanaovan-jiro ho any gny reo hazava ,mbami-gny fitaova amin'io, gny reo jirony,ndraiky gny soliky ho gnany jiro reo ; ¹⁵ Gny alitara fagnoroa miaraky ami-gny reo jogany , gny menaky fagnora ndraiky gny ditin-kazo magnitsy ;gny fefy lamba ha gnany filarany gny tabernakely ; ¹⁶ Gny alitara ho gnany reo fagnatitsy arona mbami-gny makarakaraky sabany ndraiky gny reo jogany voho enta-an-tragno ,la gny koveta bevata gny faladiany. ¹⁷ Nandesin-drozy gny fefy lamba ho any agny kianja mbaminay gny tsangatsagany ndraiky gny faladiany , voho gny lamba ho any gny filira an-kianja ao; ¹⁸ Voho gny fihantognany gny lay ho any gny tabernakely ndraiky gny kianja , miaraky tami-gny reo taliny. ¹⁹ Nanday gny akanjo voatenona maliniky hanompoa tami-gny toera masy rozy ,gny akanjo masy ho an'i Arona mpisoro ndraiky gn'anany lahy ,mba hanompoan-drozy ho mpisoro. ²⁰ Bakeo la nagneka ndraiky niala tagnatrehan' i Mosesy iaby gny fokony gny Israely . ²¹ Ka la avy gny olo iaby ze voatariky gny fony ndraiky gny ze nitinarikiny gny fagnahiny hanam-pagniriana voho nanday fagnatitsy ho an'i Yaveh ho any fagnamboara gny tabernakely ,ho ami-gny kila raha iaby mety ampisay agamin'io , ndraiky ho any gny reo akanjo masy . ²² Avy rozy ,ndra gny johary ndra gny ampela ,ze iaby soa - sitrapo Nanday gny reo fisisiky kiviro , peratsy ,gny reo ravaky , ndraiky gny reo karazan-dravaky volamena iaby rozy . Nagnoma fagnatitsy volamena ho fagnatitsy hagneva ho an'i Yaveh rozy iaby. ²³ Gny olo iaby ze nana manga , volomparasy , na volon' aomby joky , rongony fotsy maliniky , volon' aosy , holitr' aondry lahy miloko mena ndraiky holingao ka la nanday reo. 'v24 Gny olo iaby nanao fagnatisy volafotsy na saba ka la nanday any zay ho fagnatitsy ho gnan'i Yaveh, voho gny olo iaby ze mana hazo akasia mety ampisay ami-gny asa ka la nanday any zay ²⁵ Gny ampela iaby nana fahahia la nitaly volon'ondry tami-gny tagnany voho nanday ze vita taliny.manga,volomparasy,na volon'aondry jaky na rongony foty maliniky. ²⁶ Gny reo ampela iaby nentagniny gny fony ndraiky reo ze nana fahaiza la nitaly volon'aosy. ²⁷ Gny reo mpitariky la nanday vato benila voho vatosoa hafa mba atao ao ami-gny efoda voho gny reo takon-tratra; ²⁸ Nanday raha magnitsy voho menakyho ami-gny fanovan-jiro,ho gnan'ny gny menaky fagnosora,sady amy gny ditin-kazo magnitsy rozy. ²⁹ Ka la nanday fagnati-tsitrapo ho gnan'i Yaveh gny Israelita; gny johary voho gny ampela iaby ze nitinarikiny gny fony la nanday fiasa ho ami-gny asa iaby ze nibaikoan'i Yaveh tami-gny alalan'i Mosesy mba hatao. ³⁰ Hoy Mosesy tami-gny reo Israelita hoe: " Ingo,Yaveh nikaiky an'i Bezalila gnanaky lahin'i Ory gnanaky lahin'i Hora. Baka amin'gny fokon'i Joda. ³¹ Tami-gny fagnahiny I Bezalila,mba hagnome azy fahendrea,fahatara,ndraiky fahaiza ami-gny reo kila fanova taon-draha iaby, ³² mba hanao asa kanto namorogna ndraiky hiasa ami-gny volamena,volafoty, ndraiky saba; ³³ Voho mba hanampaky ndraiky nametraky gnany reo vato ndraiky hisikotsy gnany reo hazo _mba Hanover gnany reo kila asa namorogna iaby ndraiky fanaovan-draha. ³⁴ Nataony tam-pony mba hampianara zay,ka la ie ndraiky Oholiaba gnanaky joharin'i Ahisamaka, baka ami-gny fokon'i Dana. ³⁵ Nagnatriky an-drozy tami-gny fahaiza-manao raha mba nanovany kila asa iaby, ho namboatsy asa tagna,ho mpanao asa sikotry,voho ho mpamboatsy peta-poly ami-gny manga,gny volomparasy,gny volon'aondry jaky ndraiky gny lamba foty maliniky,voho ho mpandresy.Mpanao asa tanga ami-gny kila asa iaby rozy,ndraiky mpamoro asa kanto.