¹ I Bezalila vo Oholiaba sady reo olo manan-talenta iaby zay fa nomen'i Yaveh fahaia manao vo fahakinga mba ahaiza gny fomba fiasa amin'ny fagnamboara gny toera masy la nanao gny asa arak'izay iaby nadidin'i Yaveh. ² Nampikaihin'i Mosesy i Bezalila, Oholiaba, noho reo olo manan-talenta zay nomen'i Yaveh fahaia-manao, sady zay nentanin'ny fony ho avy ka hanao gny asa. ³ Rozy la nahazo reo fanatitsy iaby bakamin'i Mosesy, zay nandesin'ireo Isiraelita ho amin'ny fagnamboara gny toera masy. Isaky maraindray la mbo magnome fagnati-tsitrapo ho gnan'i Mosesy reo olo. ⁴ Koa reo olo manan-talenta iaby niasa teo amin'ilay toera masy la niala tamin'ny asany zay nataony. ⁵ Sady nisafa tamin'i mosesy gny mpanao asa tana hoe: " Nanday mihoatsy noho zay ampy amin'ny fagnaova gny asa zay nandidian'i Yaveh ho ataonay reo olo." ⁶ Koa Nagnome baiko i Mosesy fa tsy tokony hisy handay fanatitsy amin'ny fagnamboara gny toera masy sasy ao amin'ny toby na raiky aza. Sady nijano nanday fanomeza reo olo. ⁷ Nana fitaova mihoatsy noho zay ilainy amin'ny asa iaby rozy. ⁸ Ka la nagnamboatsy tabernakely amin'ny lamba vita amin'ny rongony foty vo manga, volomparasy, vo volon'ondry jaky sady miendriky Kerobima reo mpanao asa-tana iaby tao amin-drozy. Izay la asan'i Bezalila, lay mpanao asan-tana tena mahay. ⁹ Gny halavan'ny lamba kiraidraiky la valo ambin'ny folo hakiho, sady gny sakany la efatsy hakiho. Mitovy habe reo lamba iaby. ¹⁰ Natambats'i Bezalila gny lamba limy, sady reo limy hafa la natambany avao koa. ¹¹ Nanao talivaravagna manga teo amin'ny faran'ny sisin-damba tamin'ny sisiny raiky fa voatampaky ie, sady nataony manahaky izay koa sisin-damba tamin'ny vitrany faharoa. ¹² Nanao talivaravagna dimam-polo tamin'ireo lamba voalohany ie sady dimam-polo gny talivaravagna egny amin'ny sisiny tamin'ny lamba faharoa voavitra. koa reo talivaravagna la mifanandrify aby. ¹³ Nanao farango volamena dimam-polo ie sady nakambany niaraky tamin'izay reo lamba hitambatsy ho raiky gny taberbaky. ¹⁴ Nanao lamba vita tamin'ny volon'osy i Bezalila ho lay handrakofa gny tabernakely; nahavita lamba raiky ambin'ny folo isa ie. ¹⁵ Gny halavan'ny lamba kiraidraiky la telopolo hakiho, sady gny sakany lamba raiky efatsy hakiho. Mitovy habe reo lamba raiky ambin'ny folo reo. ¹⁶ Nakambany kiraidraiky reo lamba limy sady gny eny hafa la nakambany manoka. ¹⁷ Nasiany talivaravagna limam-polo tamin'ireo ambin-damba voavitra voalohany, sady dimam-polo tamin'ireo ambin-damba izay nakambany tamin'ireo vitrany faharoa. ¹⁸ Nahavita farango saba dimampolo i Bezalila mba hagnakambana gny lay ho raiky. ¹⁹ Nagnamboatsy fandrakofa vita amin'ny holitr'aondry lahy miloko mena ho an'ny tabernakely, vo fandrakofa hafa vita amin'ny hiditsy mba ho eo ambonin'izay eo. ²⁰ Sady nagnamboatsy rafitsy mitsanga vita amin'ny hazon'ny akasia i Bezalila ho amin'ny tabernakely. ²¹ Gny halavan'ireo zana-kazo kiraidraiky la folo hakiho. sady gny sakan'ireo zana-kazo la raiky vo sasany hakiho. ²² Gny rafitsy kiraidraiky aby la misy zana-kazo roa mba hampipitiky gnazy reo miaraky. Nataony manahaky izay iaby reo rafitsy gny tabernakely. ²³ La nataony manahaky izao reo rafitsy iaby ho an'ny tabernakely: rafitsy roapolo ho an'ny ilany atimo. ²⁴ Nanao tomboky volafoty efapolo i Bezalila mba atao eo ambanin'ireo rafitsy roapolo. Nisy faladiany roa tao ambanin'ny rafitsy raiky mba hampipitiky an'ireo rafitsy iaby, sady faladia roa avao koa ambanin'ireo rafitsy kiraidraiky hafa mba hipitikihan'ireo. ²⁵ Sady gny ilany faharoan'ny tabernakely, teo amin'ny ilany avaratsy, la nasiany rafitsy roapolo ²⁶ Vo faladia volafoty efapolo. Misy faladia roa ambanin'ilay voalohany, faladia roa ro ambanin'n'ilay hazo fisaky magnaraky, la manahaky izay avao. ²⁷ Nagnamboatsy rafitsy eny i Bezalila ho an'ny lambosin'ny tabernakely andrefa. ²⁸ Nasiany rafitsy roa eny amin'ireo zorony tabernakely. ²⁹ Reo hazo pisaky reo la nisondry bakagny, fa nipitiky tamin'ny mason-drojo raiky egny an-tampony. Nataony manahaky izay gny roa tamin'ireo ho an'ny zorony roa. ³⁰ Sady nisy rafitsy valo, nisondry tamin'ireo faladiany volafoty. En'ambin'ny folo gny isan'ireo faladiany, faladiany roa ambin'ny rafitsy voalohany, faladiany roa ambanin'ny rafitsy manaraky, sady manahaky zay avao. ³¹ Nanao bar avita amin'ny hazo akasia i Bezalila__limy ho an'ny rafitsy gny ilany tabernakely, ³² bara limy ho an'ny rafitsy amin'ny ilan'ny tabernakely hafa, sady bara limy ho an'ny rafitsy ao an-dambosin'ny tabernakely miakandrefa. ³³ Nataony teo agnivon'ireo rafitsy lay bara, zay hoe, antenanenany ambony, mba hahatrara gny farany roa. ³⁴ Norakofany volamena reo rafitsy. Nagnamboatsy gny mason-drojon'ireo tamin'ny volamena ie, mba hampiasa hitandraky an'ireo bara, sady norakofany tamin'ny volamena reo bara. ³⁵ Ka la nagnamboatsy lamba vita amin'ny rongony foty vo manga, volon'aondry jaky sady sady miendriky Kerobima, zay asan'ny mpanao asa-tana za-draharaha i Bezalila. ³⁶ Nagnamboatsy andry vita amin'ny hazo akasia ie, sady norakofany volamena reo. Nanao farangom-bolamena ho an'ireo andry avao koa ie, sady nanefy faladiany volafoty efatsy ho an'ireo. ³⁷ Nagnamboatsy fefy lamba ho an'ny filirany amin'ny lay ie. Natao tamin'ny manga, volomparasy, sady volon'aondry jaky, tamin'ny fampiasa rongony foty maliniky izay, zay asan'ny mpanao peta-kofehy. ³⁸ Nagnambaotsy fefy lamban'ireo andry limy tamin'ny farango avao koa ie. Norakofany volamena gny tampon'ireo vo reo fihatognany. Reo faladia limy la natao tamin'ny saba.