¹ La hoy Yaveh tamin' i Mosesy hoe: "Magnamboara vato pisaky roa manahaky gny voalohany. Hosoratako ao gny safa ze tagnatiny gny vato pisaky voalohany, la gny vato nivinakinao. ² Mivonogna mandra-maray ndraiky miakara ambohitsin' i Sinay agny, la atoro ahy an-dingolingom-bohitsy egny gny vatanao. ³ Tsy hisy olo hiaraky hiakatsy aminao. Ka enga hisy olo hafa ho hita gny am-bohitsy egny. Ao tsy hisy ndra biby fihary ndra aomby aza hiaraky agnatrehany gny vohitsy." ⁴ La namboarin' i Mosesy gny vato pisaky roa manahaky gny voalohany, ka la nifoha marandray ie ka roso niakatsy Sinay agny, araky ze nibaikoan' i Yaveh azy. voho nandesin' i Mosesy tan-tagnany tegny gny vato pisaky. ⁵ La nidrotso tami-gny rahona Yaveh ka nitsanga niaraky tamin' i Mosesy teo, voho nanogno gnagnara Hoe " Yaveh ' ie. ⁶ La nandalo tan-gnatrehany Yaveh ka nagnambara hoe: " Yaveh ? An-dranagnahary mamindra fo ndraiky feno fatokiam-pagnenkea ndraiky fagneva m-patokisa, ⁷ Mintanjaky gny tsy fivoliham-pagnenkea zisiky ami-gny taranaky arivo mifandimby, mamela heloky, fahadisoa, ndraiky fahota Ie. Nefa hagnalio ze meloky Ie. Hamaly gny helokiny gny raiky ami-gny anaky Ie ndraiky ami-gny anakiny gny reo anaky, zisiky ami-gny taranaky fahatelo ndraiky faha efatsy. ⁸ La nanondriky gny lohany malaky tami-gny tany i Mosesy ka nivavaky. ⁹ ka hoy ie: " Androany laha nahita hatea ta masoanao aho, Tompoko, mba mandehana eo agnivonay , fa mahery hatoky olo reo. Mamela gny helokay ndraiky gny fahotany, voho rambeso ho lovanao rahay." ¹¹ Ankatoavo ze nibaikoako anao androany horaisiko hiala tsy ho agnatrehanao gny Amorita, Kananita ,Hetita, Perisita, Hivita, ndraiky gny Jebosita. ¹² Ka mitandrema mba tsy hanao fifagnekea ami-gny olo ami-gny tany ze andehananao agny iha , fandrao lasa fandrika agnaminao raha zay. ¹³ Fe koa ,ravao gny alitaranay , potepoteho tsangam- batony ,vo poteho gny joga , aserahan-drozy . ¹⁴ Voho iha tsy hanompo an- Dranagnahary hafa , fa Yaveh , mana gnagnara hoe Saropiaro , la an-Dranagnahary saropiaro. ¹⁵ Ka mitandrema mba tsy hanao fifagnekea ami- gny olo ami-gny tamy ao , fotony rozy mamily gny tegnany ami- gny reo an Dranagnahary , voho manao soro ho gnany reo an- Dranagnahariny rozy .ka gny raiky amin-drozy hagnambara aminao , ka la ihina gny sasany ani -gny sarony iha . ¹⁶ Ka ndra la hangalaky gny sasany ami- gnanany ampela ho any gnanakao johary aza iha ,la mbo hamily gny tegnany ami -gn' an Dranagnahary avao gny anak 'ampelany, akamaromaso gny anakao johary ami- gny an- Dranagnahary . ¹⁷ Ka manao ndranagnahary namboarimboary ami-gny vy ho anao. ¹⁸ Ao ho itandremamao gny firavoravoany gny mofo tsy misy masirasira .Araky gny nibaikoako anao, hafitoa ro hinananao gny mofo tsy misy lalivay ami- gny fotoa hisy ami-gny hasosora Abiba ,fotony tami-gny vola abiba ro nibebahanareo baka Egypta tagny. ¹⁹ Gny reo lehilahy antitsy iaby la gn'ahy ,eka na gny antitsy iaby ami gny biby harenao aza ny omby sy ondry. ²⁰ Ka voatery himpoly hividy gn' apondra ndralky gn' oandry , ka lafa tsy ampolinao vily zay la hofolahina gny feony , voatery hampolinao vily reo lahy be ami-gn'anakao lahy.Voho ao tsy hisy olo hiseho angnatrehanao an-tagnampolo . ²¹ Mety hiasa agnatiny enign-andro iha fa ami gn' andro fahafito la voatery minjano iha . Eka na la ami- gny taom- pamafaza ndraiky taom-pinjija aza ka voatery mijano iha . ²² Tsy maitsy hiamby gny herignandrony gny fifalifalia ami-gny fagnatera gny voaloham-bokatsy ami-gny famofoham-bary iha ,voho tsy maintsy hitandry gny andro fifalifalia ami- gny famoria ami-gny fiafarany gny taona iha . ²³ Ka iseho intelo isan-tao agnatrehany gny tompo Yaveh gny joharinao iaby ,Ndranagnahariny gny Israely . ²⁴ fa handroaky firenena alohanao eo aho voho hagnitatsy gny sisin-taninao . tsy misy hagniry gny hana gny taninao ho gn'azy lafa miakatsy miseho agnatrehany Yaveh Ndranagnaharinao intelo isan-tao iha . ²⁵ Tsy hagnomea liom-biby atao fagnatitsy miaraky ami- gny lalivay iha na hagnega gny hena baka ami- gny fagnatitsy ami-gn-andro fifalifaliany gny paska ho tra -marandray . ²⁶ Ka la andesinao an-tragnoko ao gny soa mare amy-gny voaloham-bokatsy baka ami- gny sahanao . Voho iha tsy hiketriny anak'aosy ami-gny rononon-dreniny. ²⁷ La hoy Yaveh tamin'i Mosesy hoe" sorato ao safa reto , fa zaho hanao antoky gny tegnako ami- gny safa nivolagniko reo, voho fa nareo fagnekea taminao ndraiky Israely." ²⁸ Niaraky tamin' i Yaveh folo efatsy amby andro ndraiky folo efatsy amby haliky tagny Mosesy :tsy mihina na ninon-drano ie.la nisoratiny tami- gny vato pisaky reo safa fagnekea ,tsy ino zay fa gny lily folo. ²⁹ Ka lafa nidrotso baka am-bohitsy sinay agny miaraky tami-gny reo vato pisaky roa misy lilim-pagnekea tan- tagnany tegny Mosesy ,ka la tsy hainy fa lasa nipiripiriaky gny holitsiny gny tarehiny lafa misafa tami-dranagnahary . ³⁰ Lafa nahajery an'i Mosesy i Arona ndraiky Israelita ,ka la nipiripiriaky gny holitsiny gny tarehiny .ka navaka gny handiniky azy rozy. ³¹ Fa Mosesy nikaiky an- drozy , voho arona ndraiky gny reo mpitariky iaby ami-gny fivondrogna koa niakatsy nagnagnaminy eo voho misafa tamin-drozy Mosesy. ³² Tafaranay zay, namonjy an'i mosesy gny fokonolon'Israely iaby , ndraiky ie nagnambara gnany reo lily namean'i Yaveh azy baka amam- bohitsy sinay tagny. ³³ Lafa vita gny safan 'i Mosesy tamin-drozy ,la nasiany voaly gny tarehiny. ³⁴ Ndra ombia ndra ombia ro handehanan'i Mosesy agnatrehan'iYaveh mba hisafa aminy ,ka la nangalaky gny voaliny ie, mandra- piboahany.ka lafa niboaky ie ,la nivola tami- gny ro Israelita ze nibaikoan'azy ho safagniny. ' ³⁵ ka lafa hitany gny Israelita gny fipiripiriakiny gny tarehin'i Mosesy la nisinorany gny tarehiny ndraiky gny voaly mandrakim-poliany ao mba hisafa amin'I Yaveh.