¹ Hoy Yaveh tamin'i Mosesy hoe:" Mandena amin'i Farao agny,fa gny fony noho gnan'ny mpanompony reo la fa nihereziko.Nataoko zay mba hisehoan'ny gny famantara mikasiky gny heriko amin-drozy eo. ² Nataoko avao koa zay soa mba hagnambaranao reo anakao voho gny zafinao,gny raha nivitako,gny hahenjan'ny gny fomba nagnandesako gnan'i Egypta voho gny fomba nagnomezako famantara lako mikasiky gny heriko tamin-drozy.Zay raha zay ro hahaizanao fa zaho ro Yaveh." ³ Ka la namonjy gnan'i Farao i Mosesy noho Arona sady nivola hoe:"Zao gny safan'i Yaveh Andriamagnitsy gny Hebreo:"Im-piry gny handagnanao tsy hiambany agnamiko eto?Engao gn'oloko handeha mba hanompo Gnahy. ⁴ Fa laha mbo manda tsy handefa oloko reo iha,la handefasako valala gny taninao hamaray avao. ⁵ Hameno gny tany iaby ireo ka tsy misy olo hahita tany.Hihina ze sisa tavelan'ny havandra reo.Hihina ze hazo tavela mitiry am-baibo egny ho gnanao koa. ⁶ Ho feno gnazy gny tragnonao,voho gnan'ny mpanomponao reo,noho gnan'ny Egyptiana koa aza.Raha mbo tsy nihitan'ny gny fijerin'ny babanareo noho gny razanareo,mbo tsy nisy nindraiky liany naha tan-tany eto an-drozy hatramizao."Bakeo lasa Mosesy nienga an'i Farao. ⁷ Ka hoy mpanompon'i farao reo tagnaminy:"Hatramin'ny ombia johary io ro hangorohoro antsika avao?Engao Israelita reo handeha soa hanompo an'i Yaveh Ndragnaharin-drozy zao.Tsy hainao moa fa rava Egypta? ⁸ La nandesy tamin'i Farao ndraiky Arona noho Mosesy,zay nivola tamin-drozy hoe:"Mandena manompo gnan'i Yaveh Tomponao. Fa ia iaby moa gnolo handeha io? ⁹ Hoy Mosesy hoe:"Handeha hisondry amin'ny tanora voho gny antitsy rahay,voho gnanakay johary voho gnanak'ampelanay.Handeha miaraky amin'aondry voho aosy voho aomby reo rahay,fotony tsy maintsy hisinisiny amin'i Yaveh zahay." ¹⁰ Fa hoy Farao tamin-drozy hoe:"Ho tahin'i Yaveh lahy nareo,laha ohatsy ka alefako handeha nareo voho gnanakareo reo.Sady hitako fa mana vetsivetsy raty nareo. ¹¹ Aha!Mandena,gny johary agnaminareo avao,ka manompoa gnan'i Yaveh,fa zay raha ilanareo io."La nandesy niboaky bak'amin'i Farao ao i Mosesy voho Arona. ¹² Hoy Yaveh tamin'i Mosesy:"Amparo amin'ny tany Egypta gny tagnanao ho amin'ny valala reo,soa hanafiky gny tanin'ny Egypte rozy ka hihina gny raha tomiry,noho ze raha mbo tavela tsy torotoron'ny havandra igny. ¹³ Natsangan'i Mosesy tamin'ny tany Egypta gny tehiny,ka nanday tsioky bak'antignanan'i Egypta Yaveh tamin'ny antoandro noho gny haly.Lafa avy gny maraindray,nandesin'ny tsioky bak'antignana agny gny valala. ¹⁴ Nandeha nameno gny tany Egypta iaby gny valala,feno azy gny faritsy manontolo.Mbo tsy nisy valala maro mihoatsy an'izay sady tsy hisy hitovy agnaminy ndra mbia mbia. ¹⁵ Maiky gny tany manontolo fotony feno an-drozy.Nihanin -drozy ze raha tavela tamin'ny havandra rey.Tsy nisy raha nitiry sasy,ndra hazo ,ndra gny fambolea am-baibo egny. Nameno gny tanin'i Egypta manontolo,la tsy nisy tavela ndra raha maintso ndra hazo ndra raha tomiry am-baibo agny. ¹⁶ Bakeo,nampikaiky an'i Mosesy voho Arona,ka hoy ie:"Nanota tamin'i Yaveh Ndragnaharinareo zaho noho tagnaminareo koa aza. ¹⁷ Ka amizao la mamela gny hadisoako amin'ny raha mahazo gnahy toy,sady mangataha amin'i Yaveh Tomponareo soa halany agnamiko fahafatesa toy." ¹⁸ Lasa niboaky bak'amin'i Farao ao Mosesy sady nangataky tamin'i Yaveh. ¹⁹ Nanday tsioky mahery bak'andrefa koa Yaveh,nanday valala reo hivory amin'ny riaky mena agny,tsy nisy valala tavela ndra raiky amin'ny fari-tanin'Egypta ao. ²⁰ Mbo niherezin'i Yaveh avao gny fon'i Farao,ka mbo tsy nabotony avao Israelita reo. ²¹ Nivola tamin'i Mosesy ndraiky Yaveh hoe: "Atsangano magn'andagnitsy agny gny tagnanao,soa haiky gny tanan'i Egypta,haiky la tsy hifankahita. ²² Nananga gny tagnany magn'an-dagnitsy agny Mosesy,ka lasa maiky faratampony eran'ny Egypta manontolo.tagnatiny telo andro. ²³ Tsy nisy olo nifankatia ndra raiky,tsy nisy niboaky tragno agnatiny telo andro zay. Kanefa,nana fahazava koa reo Israelita teo amin'ny toera nifitahan-drozy ²⁴ Nampikaiky an'i Mosesy i Farao, ka hoy hoe: " Mandehana manompo an'i Yaveh. Azonao andesy miaraky agnamin ao iaby ndra gny fianakavianao, fa aondry voho aosy noho aomby reo ro tsy maintsy ajano. ²⁵ Ka hoy Mosesy hoe: " Tsy maintsy omenao biby rahay, hanaovanay soro, hovonoanay ho an'i Yaveh Tomponay. ²⁶ Tsy maintsy handesinay iaby harinay reo, tsy hasiangy tavela ndra. Andesiny reo mba hanompoanay an'i Yaveh Ndranaqgnahary. Fotony tsy hainy hoe tompoany amin'ino moa Yaveh mandra-piavianay agny. ²⁷ Fe mbo niherezin'i Yaveh avao gny fon'i Farao, ka tsy nengany handeha rozy. ²⁸ Ka hoy farao tamin'i Mosesy: " Miala gnahy iha! sady mitandrema amin'ny raha raiky toy, tsy ino zay fa gny tsy hahitanao gnahy sasy, fotony ho maty iha amin'ny fotoa tokony hahitanao gny tarehiko." ²⁹ Marina zay, hoy Mosesy.' Tsy hahita gny tarehinao sasy zaho."