¹ Ka la voasoratsy tao amin'ireo tetiarana gny Israely manontolo. Sady voasoratsy tao amin'ny bokin'ireo mpanjakan'Israely rozy. Laha gny amin'i Joda, la nalefa sesitany tagny Babylona rozy noho gny fahotany. ² Gny nipetraky voalohany tagny amin'ny tanan-drozy la gny sasany tamin'ireo tanan-drozy la gny sasany tamin'ireo Israelita, reo mpanompon'ny tempoly. ³ Gny sasany tamin'ireo avorohotan'i Joda, Benjamina, Efraima, voho Manase la nipetraky tagny Jerosalema. ⁴ Reo mpagnori-petraky la nahita gnan'i otahy anaky lahin'i Amihoda anaky lahin'i Omry anaky lahin'Imry anaky lahin'i bany, raiky amin'ireo avorohotan'i Fareza anaky lahin'i Joda. ⁵ Teo amin'ireo Solonita la Asay anakilahiny voalohany voho reo anaky lahiny. Gny avorohotan'i Zera la Jeoela. Gny avorohatan-drozy la niisa 690. ⁷ Teo amin'ireo avorohotan'i Benjamina la Salo anaky lahin'i Mesolama anaky lahin'i Hodavia anaky lahin'i Hasenoa. ⁸ Teo avao koa Jibnia anaky lahin'i Jerohama; Elaha anaky lahin'i Ozy anaky lahin'i Mikry, voho Mesolama anaky lahin'i Sefatia anaky lahin'i Regoela anaky lahin'i Jibnia. ⁹ Reo longon-drozy zay voasoratsy tao amin'ny lisitsy gny tetiharana la niisa 956. Reo johary iaby reo ro mpitariky tamin'ny fokon'ny razamben-drozy. ¹⁰ Reo mpisoro la Jedaia, Joiariba, voho Jatina. ¹¹ Teo avao koa Azaria anaky lahin'i Hilkia anaky lahin'i Mesolamaanaky lahin'i Zadoka anaky lahin'i Meraiota anaky lahin'i Ahitoba, zay raiky zay misaha gny tragnon-Dranagnahary. ¹² Teo i Adaia anaky lahin'i Jerohama anaky lahin'i Pasora anaky lahin'i Malkia. Teo avao koa Masay anaky lahin'i Adiela anaky lahin'i Jazera anaky lahin'i Mesolama anaky lahin'i Mesilemita anaky lahin'Imera. ¹³ Reo longon-drozy , zay mpitariky tao amin'ny fokon-drazamben-drozy la niisa 1.760. Tena johary nahay tamin'ny asan'ny tragnon-Dranagnaharin-drozy. ¹⁴ Teo amin'ireo Levita, la nisy gnan'i semaia anaky lahin'i Asoba anaky lahin'i Azrikama anaky lahin'i Asabia, teo amin'ireo avorohotan'i Merary. ¹⁵ La teo avao koa i Bakbakara, Haresy, Galala, voho Matania anaky lahin'i Mika anaky lahin'i Zikry anaky lahin'i Asafa. ¹⁶ Teo avao koa Obadia anaky lahin'i Semaia anaky lahin'i galala anaky lahin'i Jedotona; sady Berekia anaky lahin'i Asa anaky lahini Elkana zay nipetraky tagny amin'ny vohits'ireo Netotatita. ¹⁷ Reo mpimby varavagna la Saloma, Akoba, Talmona, Ahimana, voho reo avorohotan-drozy. saloma ro mpitariky gnan-drozy. ¹⁸ Taloha tagny la nijoro niamby gny vavahadin'ny mpanjaka tagny amin'ny sisiny antignana ho gnan'ny tobin'ireo avorohotan'i Levy rozy. ¹⁹ Saloma anaky lahin'i Kore anaky lahin'i abiasafa , zay anaky lahin'i Kora, voho reo longony bakamin'ny avororotan-drainy, reo Koraita, ro nisahana gny ami'ny asa fanompoa, niamby gny varavagnan'ny tragno lay rozy, araky gny fa niambenanireo razamben-drozy gny tobin'i Yaveh, sady fa niamby gny filira avao koa rozy. ²⁰ Finehasa anaky lahin'i Eleazara la fa nisaha gnan-drozy taloha, voho nomba gnazy Yaveh. ²¹ Zakaria anaky lahin'i Meselimia la mpiamby gny filira amin'ny tempoly, zay "tragno lay fihaogna." ²² Niisa 212 reo iaby zay voafily ho mpiamby gny vavahady eo amin'ny filira. Gny agnaran-drozy la voatahiry tao amin'ny tahirin'agnaran'ireo vahoaky tao an-tanan-drozy. Davida voho Samoela mpahita la fa nametraky gnan-drozy tamin'ny fitokisa. ²³ Ka rozy voho gny anakin-drozy ro niamby reo vavahadin'ny tragnon'i Yaveh, zay tabernakely . ²⁴ Reo mpiamby vavahady la napetraky tagny amin'ireo sisiny efatsy iaby, magnagny antignana, andrefa, avaratsy, voho antimo. ²⁵ Reo rahalahin-drozy , zay nipetraky tagny amin'ny tanan-drozy, la nifadimby tao, isan-kafitoana. ²⁶ Fa reo mpitariky efatsy gny mpiamby gny vavahady, zay Levita, la notendre mba hiamby reo efitsy voho reo tragno fitehirizam-bokatsy tao an-tragnon-Dranagnahary. ²⁷ Nandany gny haly teo amin'ny toera magnodidy gny tragnon-Dranagnahary iaby rozy, fotony tompon'andraikitsa amin'ny ffiambena io. Sady hamoha io isaky maray rozy. ²⁸ Gny sasany tamin-drozy la nisaha gny fitaovan'ny tempoly; nagnisa reo fanaky rozy lafa nampilira voho naboaky reo. ²⁹ Maro tamin-drozy avao koa ro voatendry hikarakara reo raha masy, gny fitaova ,voho reo vatsy , agnisan'io gny koba soa lisa, gny divay, gny dilolo, voho ditin-kazo mamerovero, voho reo raha magnitsy. ³⁰ Gny sasany tamin'ireo anaky lahin'ny mpisoro la nagnafarango reo raha magnitsy. ³¹ Matatia, raiky tamin'ireo raiky tamin'ireo Levita, zay lahimatoan'i Saloma Koraita, ro nisahana gny fikarakara gny mofo ho amin'ireo fagnatitsy. ³² Gny sasany tamin'ny rahalahin-drozy gny mofon'ny fagnatreha, mba hikarakara io isakin'ny sabata. ³³ Reo mpihira voho reo mpitariky gny fianakavian'ny Levita la nipetraky ato amin'ny efitragno masy lafa tsy miasa rozy, fotony tsy maintsy nagnatanteraky reo raharaha namea andro amagn'aly. ³⁴ Reto iaby reo mpitariky gny fianakavia teo amin'ire Levita, zay voatanisa tao amin'ny tahirin-tetiaran-drozy. Nipetraky tagny Jerosalema rozy. ³⁵ Gny razambeny agny Gibeona, Jeiely, zay atao hoe Imaka gny agnaram-baliny, la nipetraky tagny Gibeona. ³⁶ Abdona ro anaky lahiny voalohany, bakeo reo anaky lahiny Zora, Kisy, Bala, Nera,Nadaba, ³⁷ Gedora, Ahio, Zakaria, voho Miklota. ³⁸ Miklota ro ran'i Simeama. Nipetraky tagny agnilan'ireo rahalahin'ny tagny Jerosalema avao koa rozy. ³⁹ Nera ro ran'i Kisy. Kisy ro ran'i Saoly. Saoly ro ran'i Jonatana, Malkisoa, Abinadaba, voho Esbala. ⁴⁰ Meribala ro anaky lahin'i Jonatana. Sady Meribala ro ran'i Mika. ⁴¹ Reo anaky lahin'iMika la Pitona, Maleka, Tarea, voho Ahaza. ⁴² Ahaza ro ran'i Jara. Jara ro ran'i Alemeta, Azmaveta, voho Zimry ro ran'i Moza. ⁴³ Moza ro ran'i Binea. Binea ro ran'i Refaia. Refaia ro ran'i Elasa. Elasa ro ran'i Azela. ⁴⁴ Reo anaky lahy enin'i Azela la Azrikama, Bokero, Isimaela, Searia, Obadia, voho Hanana. Reo ro anaky lahin'i Azela.