¹ Lafa tafapetraky tan-tragnony ao gny mpanjaka, la hoy i tamin'i Natana mpagnambara hafatry hoe: " Ingo, mipetraky agnaty tragno sedera zaho, nefa gny fiaran'ny fagnenken'i Yaveh la nijano ambany lay ao". ² La hoy Natana tamin'i Davida hoe: " Mandehana, atavo ze am-panao, ao fa mitahy gnanao Ndranagnahary". ³ Nefa tami-haliky igny avao la niavy tami-Natana gny safan-Dranagnahary, nanao an'izao hoe: " ⁴ Mandehana, la safagno i Davida mpanompoko hoe: " Zao ro safagnin'i Yaveh: Tsy hagnory tragno ho gnahy mba hifitahako iha. ⁵ Fa mbo tsy nifitaky tan-tragno ao zaho namotitsy tamin'andro ze nagnandesako gnan'Israely niakatsy ka zisiky amizao andro zao. Fa koa, nifitahy tagnaty lay ao zaho, la Tabernakely, tami-gny toera samihafa. ⁶ Tami-gny toera iaby ze fa nifalozako tamin'Israely iaby, sa va zaho fa nisafa na inosino tami-gny mpitarik'Israely reo ze tinondroko ho mpiamby gn'oloko, nanao an'izao hoe: " Nagnino nareo ro tsy nagnery tragno sedera ho gnahy? ⁷ Henanizao la, safagno Davida mpanompoko hoe: ' Zao ro safagnin' Yaveh tompon'ny gny maro: zaho ro nangalaky gnanao bakami-tany toe-tr'aomby, bakami-fagnaraha aondry, mba ho mpanapaky amin'Israely oloko iha. ⁸ Nitahy gnanao zaho ndra taia taia nandehananao la namono an'i fahavalonareo tsy ho agnilanao eo, la hameako agnara, manahaky gnagnaran'ny ze bevata reo agnabon'ny gny tany etoy iha. ⁹ Hanondro toera raiky ho gnan'Israely oloko zako la hametraky gnan-drozy ao, mba hifitahan-drozy ami-gny toeran-drozy ao manoka la tsy ho marikariky sasy olo raty fagnahy reo tsy hampijaly an-drozy, manahaky gny nataon-drozy taloha sasy. ¹⁰ Manahaky gny nataon-drozy namotitsy tamin'andro ze nandiliako mpitsara reo mba ho amign'Israly oloko eo. Bakeo hampivaha fahavalonao reo iaby zaho. Tovon'izay la safagniko aminao fa zaho, Yaveh, la hagnory tragno raiky ho gnanao. ¹¹ Ho avy zay lafa tanteraky gny fotoanao ze handehananao agny ami-razambenao reo, la hananga an'ireo taranaky manolo gnanao zaho, vo ho gnan'ny gny raiky ami-taranakao reo, la zaho ro hametraky gny fanjakany. ¹² Hagnory tragnoko gnahy ie, la zaho ro hametraky gny seza fiandriagnany zisiky farany. ¹³ Ho babany zaho, la ie ho gnanako. Tsy halako aminy gny fahatokian'ny gny fagnenkeko, manahaky an'izay tamin'i Saoly ze nandily talohanao. ¹⁴ Hapetrako ho ami-tragnoko eo vo ami-gny fanjakako zisiky farany ie, vo gny seza fiandriagnany la hipetraky zisiky farany." ¹⁵ La nisafa tamin'i Davida Natana la mitatitsy teny iaby reo taminy agny, ka la nisafa taminy mifotsy gny fahita raiky iaby iaby ie. ¹⁶ La nilitsy Davida mpanjaka la nifitaky tagnatrehan'i Yaveh eo; hoy i heo: " Ia moa zaho; Yaveh Ndranagnahary, la ino gny longoko, ro la nandesinaoho amizaofikasa zao zaho? ¹⁷ Fa rara kelikely tagnatrehanao eo zay, Ndranagnahary. Nisafa gnami-gny longon'ny mpanomponao ze mbo ho avy Iha, la nampiseho gnahy an'ireo avorohotany ho avy, Yaveh Ndranagnahary. ¹⁸ Ino sasy ro azoko, zaho Davida, safagny aminao? tinolotrao voninahitsy gny mpanomponao. Tinolotrao fagnenkea manoka gny mpanomponao. ¹⁹ Yaveh, nohon'ny gnami-mpanomponao, vo mba hahalefy gny fikasa manoka, ro nanovanao an'izao raha bevata zao mba hampisehosehoa an'ireo gn'asanao bevata iaby. ²⁰ Yaveh, tsy misy manahaky gnanao, vo tsy misy Ndranagnahary lafa tsy Iha, araky ze fa Njanjinay lalandava. ²¹ Fa ia gny firenena agnabon'ny gny tany tsy manahaky gn'Israely olonao, ze navotanao, Ndranagnahary, bakagny Egypta mba ho olo gnanao, mba hanao agnara ho gnanao amign'asa bevata vo mahatseriky reo? Firenena reo la rinoakinao tsy ho agnilany gn'aolonao eo, ze navotanao tamin'i Egypta. ²² Nataonao ho olonao manoka zisiky farany Israely, la Iha, Yaveh, la lasa Ndranagnaharin-drozy. ²³ Ka henanizao, Yaveh la hipetraky zisiky farany gny fampagnantegna ze nataonao mifotsy gny mpanomponao vo gny longony. Ataovo araky ze fa nisafagninao. ²⁴ La Hipetraky zisiky farany gnagnaranao voho bevata; ka hivola gn'olo hoe: "Yaveh tompon'ny gny maro ro Ndranagnaharin'Israely, laha apetraky agnatrehanao eo, gny tragnoko, Davida mpanomponao. ²⁵ Fa Iha, Ndranagnahariko, la fa nagnatoro tami-gny mpanomponao fa hagnory tragno ho gnazy Iha. Zay ro gnantony, nahitako, zaho mpanomponao, fahazotoa hivavaky aminao. ²⁶ Ka henanizao, Yaveh, Iha ro Ndranagnahary, la fa nanao an'izay fampagnantegna soa zay tami-gny mpanomponao. ²⁷ La sitrakao gny hitahy gny tragnon'ny gny mpanomponao, mba hitohizan'izay zisiky farany agnatrehanao eo. Iha, Yaveh, ro nitahy an'izay, ka ho voatahy zisiky farany zay."