¹ La nandesin-drozy nilitry gny fiaran-Dranagnahary la napetran-drozy tagnivony lay eo ze nataon'i Davida ho an'izay. Bakeo nanolotry fagnatitsy oroa voho fagnati-pihombogna teo agnatrehan-Dranagnahary rozy. ² Lafa vitan'i Davida gny soron'ny fagnati-pihombogna, la nitahy gny vahoaky tamin'ny agnaran'i Yaveh ie. ³ Nizarazara mofo, ambin-kena, voho mofo mamy misy voaloboky tamin'ireo Israely iaby, na lahy na vavy ie. ⁴ Nanondro Levita sasantsasany mba hanompo eo agnatrehan'ny fiaran'i Yaveh i Davida, sady mba hankaza, hisaotsy voho handrengy gnan'i Yaveh, gny Ndranagnarin'Israely. ⁵ Reo Levita reo la Asafa gny mpitariky, sady faharoe magnaraky gnazy i Zakaria, Jeiela, Semiramota, Obed-Edoma, sady Jeiela. Reo ro nanondro lonkanga voho harpa. Asafa ro nampagneno gny Kipantsona, zay magneno mare. ⁶ Benaia voho Jahaziela mpisoro ro mpitsoky tsy tapaky gny trompetra, teo agnatrehan'ny fiaran'ny fagneken-Dranagnahary. ⁷ Sady tamin'izay andro izay Davida ro nanondro voaloahany gnan'i Asafa voho reo rahalahiny mba hihira io hiran'ny fisaora gnan'i Yaveh io. ⁸ Toloro fisaora i Yaveh, kaiho gny agnarany; ampahaizo eo amin'ireo firenena gny asany. ⁹ Mihira Gnazy, mihira fandrengea Gnazy; ambarao reo asany mahagaga iaby. ¹⁰ Mirehareha amin'ny agnarany masy; ao hifaly gny fon'ireo zay mila gnan'i Yaveh. ¹¹ Ilao Yaveh voho gny heriny; ilao mandrakariva gny fagnatrehany. ¹² Tiarovy reo raha-mahagaga nataony, reo fahagaga voho reo lalagna bakamin'ny tsihoviny, ¹³ avorohotan'Israely mpanompony, nareo vahoakan'i Jakoba, zay nofiliny. ¹⁴ Ie ro Yaveh, Ndranagnaharintsika. Amin'ny tany iaby reo lalany. ¹⁵ Ataovo ao an-tsay mandrakariva gny fagnekeny, la gny teny zay nandiliany an'ireo avorohota arivo hifandimby. ¹⁶ Mahatiaro gny fagnekeny zay nataony tamin'i Abrahama, voho gny voaliny tamin'Isaka Ie. ¹⁷ Izay ro nihamafisiny tamin'i Jakoba manahaky gny fitsipiky, sady tamin'Israely manahaky gny fagneke mandrakizay. ¹⁸ Hoy ie hoe: " Hagnome anreo gny tanin'i Kanana ho anjara lovanareo Zaho." ¹⁹ Nisafa an'izay Zaho laha mbo kely isaky nareo, tena kelikely vatany, la vahiny tami-gny tany ao. ²⁰ Nandeha tami-gny firenena ho ami-gny firenena rozy, mbakami-fanjaka raiky magnami-hafa agny. ²¹ Tsy nisy ndra ia ndra aia nengany hampijaly an-draozy; mpanjaka reo la sinaziny nohon'ny gnamin-drozy. ²² Hoy ie hoe: " Ka mitolo an'ireo ze hinosotro, va ka magnisy raty an'i mpagnambara hafatro reo." ²³ Mihira ho an'i Yaveh, gny tany iaby; atoro san'andro san'andro gny famonjeany. ²⁴ Atoro ami-gny firenena reo gny voninahiny, la ami-gny firenena iaby reo gn'asany mahatseriky. ²⁵ Fa bevata Yaveh ka tokony ho renge mare, voho tokony hatahora agnabon'ireo Ndranagnahary hafa iaby ie. ²⁶ Gnantony devoly Ndranagnaharin'ny gny firenena na iaby reo, fa Yaveh ro nanao gny lagnitsy. ²⁷ Ami-gny fagnatrehany eo gny famirapirata vo gny voninahitsy. Vo ami-gny toerany eo gny hery vo gny hafalia. ²⁸ Magnomeza an'i Yaveh, gny fakon'ny gn'olo, magnomeza voninahitsy vo hery gnan'i Yaveh; ²⁹ Omeo gnan'i Yaveh gny voninahitsy mandriky gnagnarany. Magnandesa fagnatitsy la mandehana agnilany eo, Manongaleha amin'i Yaveh ami-gny famirapiratany masy. ³⁰ Mangitingitiha agnilany eo gny tany iaby. Zao tontolo zao avao koa la fa naory; tsy afaky hazogny zay. ³¹ Ao ho faly gny lagnitsy, la ao hazoto gny tany; ao rozy hisafa ami-gny firenena reo he: " Manjaka Yaveh." ³² Ao hierotry gny riaky , la ze mameno an'izay la hikoraky am-pifalia. Ao ho faly baiboreo, vo ze iaby amin-dreo eo. ³³ La ao hazo agn'ala ao reo hikoiky am-pifalia agnatrehan'i Yaveh eo, fa ho avy hitsara gny tany ie. ³⁴ Misaora gnan'i Yaveh, fa soa Ie, gnantony maharitry zisiky farany gny fagnenkeny matoky. ³⁵ Bakeo misafagna hoe: " Vonjeo rahay Ndranagnahariny gny famonjeanay. Avorio miaraky rahay la vonjeo ami-gny firenena hafa reo, mba ho afaky hagnome fisaora ho gnan'ny gnagnaranao masy vo gny voninahitry ami-gny fandrengea gnanao rahay." ³⁶ La ho renge zisiky, zisiky farany Yaveh, Ndranagnaharin'Israely igny. Hoy gn'olo iaby hoe: " Amen" vo nandrengy gnan'i Yaveh. ³⁷ Nohon'izay Davida la namela gnan'i Asafa vo rahalahiny reo tagnilany fiaran'ny fagnarahan'i Yaveh igny, mba hanompo lalandava agnatrehan'ny fiarany eo araky ze takin'ny gn'asa san'andro san'andro. ³⁸ Agnisan'izay Obed-edoma miaraky ami-gny longony valo ambenim-polo reo. Obed-edoma gnanaky lahiny Zedotona, miaraky ami-Hosa, ro mpiamby vavahady. ³⁹ Zadoka mpisoro voho gny vo mpisoro namany reo la tami-gny toera agnabo eo ta-Gibeoma ao mba hanompo agnatrehan'ny tabernakelin'i Yaveh eo. ⁴⁰ Hagnome fagnatitsy oroa lalandava ami-gny maraindray vo haliky ho gnan'i Yaveh agnabon'alitara eo ho gnan'ny fagnoroa gny rakitry rozy, araky ze iaby sinoratry ami-gny lalagnan'i Yaveh ao, ze nameany ho lily ho gnan'Israely. ⁴¹ Hemana vo Jedotona la nisondry tamin-drozy, niaraky tamign'ambiny reo ze finily tami-gnagnara, mba hagnome fisaora gnan'i Yaveh, gnantony maharitry zisiky farany gny fagnenkeny matoky. ⁴² Hemana vo Jedotona ro mpiandraikitry gny tragnon'ny ze mitsoky Antsiva reo, kipantsona, la raha magneno hafa ho gnan'ny hira masy. Gnanaky lahin'i Jedotona reo ro niamby gny vavahady. ⁴³ Bakeo gn'olo iaby nimpoly tan-tragnon-drozy agny iaby, la Davida nimpoly mba hitahy gn'ankohonany.