¹ Sady Davida nagnamboatsy tragno ho gnazy tao an-tanan'i Davida. Nagnoma toera ho an'ny fiaran-Dranagnahary sady nananga lay ho an'izay rozy. ² La hoy Davida hoe: " Reo Levita avao ro afaky manday gny fiaran-Dranagnahary, fa rozy roa voafilin'i Yaveh mba handay gny fiaran'i Yaveh, voho hanompo Gnazy mandrakizay." ³ La nivoarin'i Davida tao Jerosalema gny Israely iaby, mba hampiakatsy gny fiaran'i Yaveh agny amin'ny toera fa nomaniny ho an'izay. ⁴ Nivoarin'i Davida niaraky reo avorohotan'i Arona voho reo Levita. ⁵ Tamin'ireo avorohotan'i Kehata, la nisy an'i Oriela mpitariky voho reo havany, johary 120. ⁶ Tamin'ireo avorohotan'i Merary, la nisy an'i Asaia mpitariky voho reo longony, johary 220. ⁷ Tamin'ireo avorohotan'i Gersona, la nisy an'i Joela mpitariky voho reo longony, johary 130. ⁸ Tamin'ireo avorohotan'i Elizafana, la nisy an'i Semaia mpitariky voho reo longony, 200. ⁹ Tamin'ireo avorohotan'i Hebroma, la nisy gnan'i Eliala mpitariky voho reo longony, johary valopolo. ¹⁰ Tamin'ireo avorohotan'i Oziela, la nisy gnan'i Aminadaba mpitariky voho reo longony, johary 112. ¹¹ Nikaiky gnan'i Zadoka voho Abiatara mpisoro, sady reo Levita Oriela, Asaia, Joela, Semaia, Eliala, sady Aminadaba i Davida. ¹² Hoy ie tamin-drozy hoe: " Nareo ro lohan'ireo fianakavian'ny Levita.Hamasigno gny vatanareo, la nareo voho reo rahalahinareo, mba hafahanareo mampiakatsy gny fiaran'i Yaveh, gny Ndranagnaharin'Israely, ho agny amin'ny toera zay fa nomaniko ho an'io. ¹³ Tsy nanday an'izay nareo tami-voalohany. Zay ro gnantony nagnasazian'i Yaveh Ndranagnaharintsika antsika, gnantony tsy nila gnazy na nagnenky gny liliny tsika". ¹⁴ Nohon'ny izay la nagnamasy vata mpisoro reo vo Levita mba hahafahan-drozy magnakatry gny tobilin'i Yaveh, Ndranagnaharin'i Israely igny. ¹⁵ La linanjan'ny Levita reo tan-tsorokin-drozy eo tami-gny bao fiaran-Dranagnahary araky ze fa nandilian'i Mosesy__magnoriky fitsipyky reo nameo bakami-safan'i Yaveh. ¹⁶ Nisafa tamin'ireo mpitariky gny Levita Davida mba hanondro gny rahalahin-drozy ho mpihira ami-raha magneno, valiha, lokanga vo kipantsona, hanondrotsy mare ami-pifalia gny feon-drozy. ¹⁷ La tinendrin'ny Levita reo Hemana gnanaky lahin'i Joela vo gny raiky tami-gny rahalahiny reo, la Asafa gnanaky lahin'i Berekia. Nanondro longo bakamin'ireo taranak'i Merary reo vo Etana gnanaky lahin'i Koa saia avao kao rozy. ¹⁸ Nisondry tamin-drozy koa gny longo marikitry magnorikoriky an-drozy: Zakaria, Jaziela, Semiramota, Jehiela, mpiamby, Ony, Eliaba, Benaia, Mahaseia, Matitia, Elifeleho, Mikneia, Obed-edoma, vo Jeiela, mpiamby vavahady reo. ¹⁹ Hemana, Asafa, vo Etana mpihira la tinondro mba hititiky mare kipantsona saba. ²⁰ Zakaria, Aziela, Semiramota, Jehiela, Ony, Eliaba, Mahaseia, la Benaia ro nititiky valiha reo, tamin'i Alamota. ²¹ Matitia, Elifeliho, Mikneia, Obed-edoma, Jeiela, vo Azazia vo nitari-dala tamin'ny Harpa tami-gny Seminita. ²² Kenania, mpitariky Levita reo, ie ro tonian'ny gny fihira gnantony mpampianatsy hira ie. ²³ Berekia vo Elkana ro mpiamby gny Tobily. ²⁴ Sebania, Josafata, voho Eliezera, reo mpisoro, ro nitsoky reo trompetra teo alohan'ny fiaran-Dranagnahary. Obed-edoma voho Jehia ro mpiamby gny fiara. ²⁵ Sady Davida, reo loholon'Israely, voho reo mpifehy gny agn'arivo la nandeha nampiakatsy gny fiaran'ny fagneken'i Yaveh bakao an-tragnon'i Obed-edoma tamim-pifalia. ²⁶ Sady Ndranagnahary laha nagnampy reo Levita zay nilanja gny fiaran'ny fagneken'i Yaveh, la nanao soro aomby fito voho aondrilahy fito rozy. ²⁷ Nanao akanjo vita tamin'ny hasim-bazaha foty maliniky i Davida, manahaka reo Levita zay nilanja gny fiara, reo mpihira, sady Kenaia, gny mpitariky gny hira mbamin'ireo mpihira. Niakanjo efoda hasim-bazaha foty i Davida. ²⁸ Ka la nampiakatsy gny fiaran'ny fagneken'i Yaveh tamin'ny korakim-pifalia, voho tamin'ny feon-tandroky, tamin'ny kipantso, sady tamin'ny valiha voho harpa gny Israely iaby. ²⁹ Nefa laha avy tao an-tanan'i Davida gny fiaran'ny fagneken'i Yaveh, la nijilo teo lafonety i Mikala anak'ampelan'i Saoly. Nahita gnan'i Davida mpanjaka nisindraky voho nankalaza ie. Bakeo nanao tsinontsino gnazy tao am-pony ie.