¹ ¿Capja corrica jlirrapitaca jliaji inaiki anji jalredaoca lrico? ¿Capja corrica njerrapitaca jalredaoca icoam jliaji atsia cayoji njerrapita capisho njaji tsolrodaonai? ² Njite cayoji narsodalri ioma capisho matsinaa japerriapji dainomajlena, cayoji nainaida idenjica ioma capisho lridenjicalre icoada ³ icatsa cayoca njoa njorrapitá-carro aima kérri kjenacalri naco; nacadaa norso deepi pakjamperri matsiperri sho. ⁴ Nocoa cádanaco notatjacawa norsowaaca cosho kenaotsa jálreca noicao, ikena jalripa pjaaca lrinaitjacacawa jliaji deepi. Mapjina nocaboconjecawa no-amaki ricó. ⁵ Pakjamica nodada acorro sho njite jiiipai italre inaitja nodada naco copje ifí sho; merrica nóya njite caacaicani. ⁶ Kjeya njeyapacawa noya njaji jalredaoca kjeya pja lrioya jliaji inaitjacada yamacati; njite corrinatsa coca nowapa matsiadalri. ⁷ Njite Dio yanjintsa médacatsa jliaji nocafica cayoji persa capisho pacaolre; corrinatsa notji icapá-carro ketsa matsiadalri ⁸ Dio icapa njoa panaya lritjí sho, mitsa tjewa corrinatsaotsa lricapá carroca njoa; lrianjiotsa lrioma njoa, mitsa corrinatsa acarroca njoaji. ⁹ Cayoji iyadaoca iwayacaaca capisho njite corrinatsa nadia carroketsa, icatsa cayoca njaji iorrocolri irrirri lrico. ¹⁰ Corrinatsa nadia carroketsa naapana lricojle; njite lriofacawa lrico pia corrinatsa lrianjicani. ¹¹ Caishopa panaya corriotsa maacó carroca njoa; caacoatsa njoa inona cádanaco njoa; njite nocaite lriacona jliaji njorrapitalri nocafica lrico. ¹² ¿Capja Manoa-ca njoa o maaficalri cafainadalri ooni lricone niini picadaca iwapacada njoa? ¹³ Nocaite cádanaco: no-amaki imaiyaketaotsa njoa, njite nopajle icadaotsa metamica noanji lrioya jliaji njorrapitalri, ¹⁴ njite pjia, pifieta njoa njotaponialre ricó njite pifieta njoa nasho njaji picadalri nocapa notji ricó; ¹⁵ niini matsia pja norso nopatoitaca nowedalrico mayamicarro njoa wadentja caafi catoa njoa mepedalri-minatsa. ¹⁶ Corrinatsa noomaca jliaji nocafica; corrin nooma caafi canatja njoa caidalriwenatsa; pimakena njoa njowacatsa ima mikjapanketsa nofacawa jalredaoca lrico. ¹⁷ ¿Cocao jliaji atsia piwapácarro picapan, njite piwaada-carron tsakja, ¹⁸ Piwapa carroni piyompinaco icoami njite piwi picapa lrimatsiaca kjeyapida? ¹⁹ ¿Coshodaotsa lriwiaca Picapacawa norso, lripjeya toa pimacaca njoa lricoacawa noamarretaca noanomjatsa? ²⁰ Nonaitja cadantja nomatsicanawa, ¿cocantja nanaitja Pirso, Pjia iwapacada njaji inaiki? ¿Coada picadaa njoa piomaoda picapaca ikjaolre, njite panaya picapena coanjica jirrapitinaca njoa Pirso? ²¹ ¿Coada corrin pjiyapeta pioyawa pjiomi njaji nomatadacawa Pirso njite pjita nooya pjiomi njaji nomatsicana? Keyetsa nopjeya norsoa carroatsa jiipai italre naco; Pianjotsa pioma njoa matsia, mitsa corrinatsa pacapá carroca njoa.