¹ Njite Job shepani, lriaco: ² ''Piwapaotsa pjimi matsia norso, niini nomaotsa cayoji nocaite capisho pirso, cayo tsakjaotsa noma picaiteca norso picatimatácarro njoa. ³ Pitarrawatoatsa pikjoete caaco cádanacaoatsa njomao pirso; niini kerroenaotsa pjia caco cayaminaotsa njoa. ⁴ Ima njoa corrin nocaitepeca apada naco. Niini panaya pimakena nocapaca. ⁵ Iwapa cadaa jimi norso, icamitsaotsa maacoca sha ifio capoa naiwana njaji yacoti jimirriotsa nocaiteca inaco. ⁶ Nowaopia cadaa nanaco njaji njorrapitalri, njowacatsa ifiowa noiwana waacatsa njite pjiomi nodada itetjewa. ⁷ Njaji inaiki matsiperritsa corrin coajicana, icamitsa naofacawa wia jelredaoca lrico napekirritacawa njite narso pja aima nanaaniwa. ⁸ Nacapa coajica neenipe itaoñawa matsia njite nadakenai tsakja, corrin coca canacai narso icamitsa naofacawa namaodacatsa nainai. ⁹ Corrin pada matsidalri inotana; njite corrin tsakja Dio jirrapitetana. ¹⁰ Njaji lripirra toro matsia nanaitjaca neenipeo; njite nja na-vacan corrin neenipe jiwaca naoya. ¹¹ Nameenaca neenipe tsope toa papocoa njite nja neenipe pjiomi narrapaca. ¹² Nacanta nañaa cádanaco narso njaji tambor shoperri njite arpa tsakja, catimana felroma imaolrena sho. ¹³ Corrin coca canacaica narso caafi cádanacona, njite corrin coajicana mayami cádanacona. ¹⁴ Naaco Dios irso cayoji: ''Pjiena waoya ima corrin waoma wajica coajica Pioma picanantaca fa ¹⁵ ¿Cocao jliaji Itaitakjetinalri, wácarrontja lrirso matsiadalri? ¿Cocantja lrimatsiaca warso watatja cadantja Lriinai? ¹⁶ Picapa, njaji inaikica njaji nacaite narsoca aima nanaani kjaida capoa nadejica njaida shotsa. Corrin noma noajica coajica nacaiteca njaji inaiki maatsiperri. ¹⁷ Caidalritsa Dio iwayaketaca kjeyanadatsa njaji inaiki matsiperri cayoji malritsi imá capisho, njerrapita tsakja aima matsiperri. Corrin Dio jirrapitetacana kjeyapidana. ¹⁸ Corrin kjeyapidaca Dio ipecona cayoji caolri ipjia capisho ipeco teecoa njaji malritsiwi metapemi. ¹⁹ Njite picaite cayoji: Dio iwaketa namatsicana njaji lrienipe nacaoñácarro.'' ²⁰ Picada jliwacá carrotsa icaoña nja lrimatsicana lriajícarro coajica. Picadaa lricapácarro lritji sho coajica lriwayacawa lrimatsicana imá, njite picadaa Jidaati iminalri icadaa lricaoñaca lrimatsica icoadatsa. ²¹ Ima, ¿Coadetsantja lrirso njaji lrienipe mayami cayaminani? ²² ¿Capja pada itaita icanantaca Dio apada yajikjeti naco, ima Jliatsa icaite naacona njaji iofacape eenolricojle? ²³ Mayami njaji apadapena atsianai kjaida cadana toana, catimaperri njite imaodacacapetsa, ²⁴ matsiaperri idada lrico, kepé peritsa, marsocapetsa iyamikjeti. ²⁵ Apadapena, maatsitsa naofacawa irroati rico njite mayamina lripjeya toa naajica cocaca jliaji matsiadalri. ²⁶ Pacoacatsa naorsoacawa jiipai rico; njite acorro iñjana pacoacatsa nacayosho njaji apjetsida ²⁷ Icapa, noajintsa matsia coajica iwaopiakje njite coajica iomaca inaitjaca norso maatsi. ²⁸ Ima picaiteca cayoji; ¿A kjerreo panaya lriipana jliaji talricanati yenipe? ¿A kjerreo lripanaita jliaji inaiki matsidalritsa lriofacawa lrico pia? ²⁹ ¿Capja corri catoa pitatja pjimio njaji inaiki jiyapajicapetsa? ¿Corri toa piaji lrinaco jliaji nataitalri nacaiteca pjimi, ³⁰ corrica coajicajliyapacawa jliaji inaiki matsidalritsa Dio irroa ioya, njite nadeecani teeco Lrirroa ioya? ³¹ ¿Coca itaita icaiteca nanaco njaji matsiperritsa lrinaitjalri jliaji inaiki matsidalritsa lrirsocatsa? ¿Coca caotsa icaoñani naikjaote njaji lrinaitjaji matsiperritsa? ³² Mitsa nadawa caotsani irrirri lrico; njite nacadacaotsa inaiki iwapácarro lricaonam. ³³ Matsia watsa lrianjiacacawa nadawa capoani pacoaca cawa lrico jiipai; pjiomi njaji inaiki naomaotsa cayocana lricayosho njite cayoperri lricayosho aima pia tsakja lripjeya pia. ³⁴ ¿Njite coaji tsakja pioma picatimataca njoa nasho njaji yacoti miperrimtsa, njite icamitsa pidietaca norso yacoti mikjapamperritsa?''