¹ Njite Zofar naamatita njitedalri shepani, lriaco lrirso: ² ''Nooma njoepaca pjia kjeyacalrim ima njotaca nocaolre njomi cádanaco coajica picaiteca. ³ Njomi coajica picoitaca njoa caaco cádanaco pjia, njite pima matsica noanjiacacawa naikjaote, mitsa nowaopiakje icadaa norso yacoti nocaiteoda. ⁴ Piajintsa coajica jliaji ajádalri miyaca lrico; Dio icadacaojli jliaji atsia jalredaoca lrico: ⁵ kjeyatsa matsiaca jliaji inaiki inaitjacada maatsi, njite kjeyatsa lritiima jliaji inaiki macadawalritsa. ⁶ Lrianji cadaa macadalricani, lrianji cadaa corrica coca itaita lrikjoete, ⁷ cayo cadaana jliaji inaiki, mayamiotsani njite lriñaacaotsa piketem cayoji lriñaa capisho jliaji lrimatsicanda; njite njaji inaiki icapacapeni nacaiteotsa lrinaco cayoji: ¿A kjerrena jliaji inaiki kjaidadalri? ⁸ Lriñaa caotsawa cayoji pjetapon iñaa capisho njite corrinatsa naoketá carroca; mikjapantsa jliaji jlitaponrri deepoi ricó. ⁹ Jliaji icapacadani corrinatsa lripieta carroca lricapacani; corrinatsa lriipaneta icapa carroketsani. ¹⁰ Yenipe irsotsa icaiteca nacoadawa najaji inaiki kjenaperri; narsotsa nadietaca pjiomi narsonipe narso njaji njetanipe ioya. ¹¹ Kjaidaperrica idada lrico cayoji yempetiapape sho toa, mitsa jliaji lridada kjaidadalri lriwayacacaotsawa lriinai mayami cádanaconi. ¹² Joiwi lrianji lrinaitjacavlrimatsicanawa lrinoma sho cayoji paperro capisho potiyaperri, njite lrimatsieta lrimatsicanaa lrienene yapjite, ¹³ lriwaketa lrinoma lricona, njite corrin lrimotoetana lrinoma ioya ¹⁴ mitsa jliaji lriñjanda jipitiotsa lrirsoni lrishapi ricó; lripadamawa api imaocolrialre sho lriwawalrico. ¹⁵ Jliaji inaiki matsidalritsa lrirsoatsa lriyarroaji kjeyacalrim mitsa lripeco lrioyao kjeya tsakja cayoji pacatja capisho paiñjaoda. ¹⁶ Lriperroca api imaocolrialre; api yenene inocaotsani. ¹⁷ Corriotsa lricatimataaca carrocawa nasho jliaji aima matsiaperri Dio icadalri narso njaji lrinaikite aimadan. ¹⁸ Lridietacaotsa njaji lriñaite naminanai irso njite corriotsa lritaitá carroca lriñjaca nanakjoite; corriotsa lricatimataaca carroca nasho njaji lriwaketaji lriwendecalre icoada sho. ¹⁹ Ima njerrapitetaca njaji ianiki kjenaperritsa, corrin nawapana matsia,njeta matsicalri ricó apaana iyarro narsowao corripetsa njerrapita ikjaote. ²⁰ Ima corrin lrioketa itimati lrinacowaacatsa, corrin lritaita lrimanacotaca njaji jlitalri naoya njaji icadalri icatimatani. ²¹ Lriñja pjiomi, corrin lrimaca tsoo nanakjoite; niini corrin coajica nataoñawa aima lrirso njaji lrirsonipe. ²² Lrirsowatsa aima matsicalri aima cádanaco lrinaani; niini pjiomi njaji kjeaperri naawatsa lrikjoete nainó carroni. ²³ Lrioma cádanacotja kepinacani, Dio icadaotsa Lrirroa kjaidadalri jiwacawa lrinaco; Dio icadaotsa jliwacawa lrinaco lriñja cádanacocatsa. ²⁴ Lripito cádanacotja naino shopa nanaitjanda tsipalra sho; nayawita caotsani yawitjiapoti sho nanaitjanda bronce sho. ²⁵ Jliaji yawitjiocoti nayawitashopani lrimoatsa pemajle njite jliwacaotsawa lriapiya, jlitaco kerradalri imotowa pemajle ima jliyapacawa lritaotaoni ricó; cafainaperri njaji lriwapalri íno lrinacojle. ²⁶ Nawayaca-caoptsawa pjiomi njaji lrinaani lrirsonipe; tiye corridalritsa coca ikerrata imjaitacaotsa pjioimi njaji lrirsolri, pjiomi njaji lrirsolri lriipana lrico namacaotsawa. ²⁷ Njaji eenocoma nacatjinataca lrimatsicana njite jliaji jiipai jlinicoatsa lricaitécarro ajádalri ,rimatsicana naco. ²⁸ Nawayacacaotsawa pjiomi njaji lriyarro; Dio jitaotsa lrioyana Lrirro sho cayoji oonia yapjoeta capisho njaji parsonipe. ²⁹ Icatsa jliaji lriwapalrica jliaji atsia matsidalritsa inaikica Dio iinai, Dio imatsietanda lripia.