¹ Oopina mjaida njoa, coancadanaco ketsa mayamiotsa; irrirri iwapaketsa njoa. ² Niini njaji icacaperri noicao; njite nocapa notji sho coajica naometa mana njoa. ³ PIcaite norso yacoti ajádalri, Pjia caotsa inaitja norso matsia; o ¿capja niini pjatoa apada itaitacada ikitsindataca njo? ⁴ Ima Pjia, Dio, oopi picada majicácarro njaji nocoema, macadatsa njamaca njoa. ⁵ Pjiomi njaji iacape nakitsinda ikjoete, neenipe jirrapitacaotsa mawitacai lrikjaote jliaji nanaitjalri. ⁶ Mitsa Lricadaa nacaitepeoda inaco njoa njaji inaiki, njewita noecoa naco. ⁷ Corrinatsa notaita nocapaca matsia inonacalri ikjaote; meperrina njoa pjiomi nodada lrico, idanapiatim sho ketsa njoa. ⁸ Njaji inaki inaitjacape matsia cafainaotsa nacapaca jliaji nacapalri nonaco; jliaji inaiki mamatsicanafdalritsa kerroa watsana nakjoete njaji inaiki inaitjacape maatsi. ⁹ Jliaji inaiki inaitjacada matsia corriotsa lrimacácarro jliaji lrinaitjalri; jliaji corridalritsa inaitja maatsi lricapi sho kjaidaa pjacaotsani. ¹⁰ Mitsa pjiomi sha, inoena panaya; corrin noketa apada atsia irsocada yajikje inakjoite. ¹¹ Oopi njeyapawa njaji nojalredaocate; njaji nowaopialri piatja nonaitjaca oopi nawayacawa, icatsa cayo pjiomi njaji nomalri pia nocaolre ricó. ¹² Njaji inaiki joiwiperri icaaca paicawa nacaite deepicani jaalre cadana toa; nacaite tsomikena jaalrécarroni. ¹³ Nowaopia cayami nofacarroda caotsa jliaji irrirrí; nomatsietaca cayamiwa nomá carroatsa cadaocawerrico; ¹⁴ nocaite cayami irrirrí irso: ''Icatsa njonirrica pjia,'' njite noaco narso njaji acorro: ''Icatsa njodoaca pjia o nopjerro,'' ¹⁵ ¿Njite a kjerreo jliaji matsiadalri nowapalri? ¿Coca itaita icapaca pada nanakjoite njaji matsiadalri nowapalri? ¹⁶ ¿Capja lritaita lriorrococa noinai jliaji matsiadalri nowapalri irrirrí ipananoma lricojle jiipai carroena njoa?''