¹ Njite Elifaz temanita tairri shepani, lriaco lrirso: ² ''Jliaji atsia canjikjedalri corrin matsiaca lripakjantacawa yacoti mikjapanperri shotsa, caolri ipjianipe jérri iparrema nacojle. ³ Corrin caconi mikjapantsa, yacoti marsocapetsa iwaopiakjeti matsiaperri. ⁴ Mitsa pjia corrin pifiocawa Dio iwana, corrin picacoadatani cayoji parso capisho panaitjaca njite corrin coadaca pirso piwaopiaca lrinaco lripeyajle. ⁵ Matsi capoa piwaopiakje caaco pjia matsi njite ishati nacotsa picaitepe. ⁶ Mikjapantsa nocaitecantja piacona, ima pjiwaca waacatsa icaitiacawa piaconawaca. ⁷ ¿Capja piwadaca pjiaca jliaji initalri icapa jalredaoca pjiomi ioya? ¿Piwadacantja pjiaca napjeyadaca njaji jiipana? ⁸ ¿Capja pjimica coajica Dio iwaopiakje lridawanda, njite capja piwada pjiaca irso jliaji yanjikjeti? ⁹ ¿Cocao jliaji pianjirri corridalritsa wanji cayoji picayosho? Pjiomi jliaji piajiri, wajin tsakja picayosho. ¹⁰ Wainaica njaji pekipenai jalreperrina itsicolre, njaji pekipenaipja pjinirri ioya. ¹¹ ¿Capja corrica lricoa pirso Dio imaiyaketa shopa pjia, njaji yacoti matsiaperri joiwipewrri pjemica? ¹² ¿Coada picadaa picaolre shenitaca pjia, coada piita njaji pitjí? ¹³ ¿Coada kerroa pjia Dio ikjoete? ¿Coada pimotoeta njaji yacoti cayo lrikjoete picaitácarro lriacona? ¹⁴ ¿Capja niinica ape inaiki mamatsicanadalritsa? ¿Capja corrica caikjaolrenalrica jliaji jicodalri inarro ioya? ¹⁵ Picapa, jliaji Dio corrin lricadaa lricaolre nanaco njaji Lriyarrope shenitaacacapewa matsidalri ioya; atee corrin tsakja mamatsicanaca Lricapaca njaji eenocoma; ¹⁶ omamikena njaji inaikinai, pakjamperri imatsicanati sho, shenitaacadawa lrimatsicana ima, ipeyocada lrimatsicana cayoji papeyo capisho pairraca ooni meeta cádanaco pacaolre. ¹⁷ Nocañjataotsa picapa; pjimi norso; Nocaiteotsa pirso njaji Nocapalri, ¹⁸ njaji yajikjeti njanirri icanantalri inacona, njaji naferrinaipemi icadalri najíicarro. ¹⁹ Naferrinaipe irso pia Dio icadaa jliaji jiipai, corri piatoa apana inaiki iofaa nini. ²⁰ Jliaji inaiki matsidalritsa caidalritsa jlirrapitaca, njite corrin lriofa carroca wia jalredaoca lrico. ²¹ Njemi mana yacoti cafainaperri, njite narsocadaa aima nanaani apada imatsiketacada iocawa naikjaolre nawayaketácarro njaji lrirsolri. ²² Jirrapitinatsa yomjécarro imatsicanati ioya; njite mayamicani inoacakjeti ricó. ²³ Lriaji lrioma lriñjao macadatsa, mitsa corrinn lrioketa, njite lriajintsa aima jirrapitinaperri inoca lrikjaolre. ²⁴ Cadaocadalri ifietani matsinaa, njite lrifietacawa jlita capoa lricaolre lrikjaote jliaji cafainadalri inolri lrikjaolre, cayoji talricanati íno capisho inoacawa oowi ricó. ²⁵ Ima lrioma lrinoacacawa Dio iapiya njite lricañjata lrinaikica padalredalri lrikjoete jliaji Itaitakjeti iminalri, ²⁶ jliaji atsia jlieco Dio ikjaolre lriwada capoa lritaitaca Dio ikjoete, jlipa lridee lridanaita jipandadalri. ²⁷ Ajadalri jipandaca jliaji lridanaita, mitsa jipandaca lriecoa njite jliawa lriiti sho, ²⁸ njite lriofa piaca yacaakre maminalrinadalri ricó; panti maminalrinadalri ricó corricawatsa coca iofawa panaya njite icaminatja nawayacaacawa. ²⁹ Corriotsa cayarroaji carroca; njite corriotsa wia carroca njaji lriyarro lrirso, corriotsa namaimatá carroca njaji lriyarroaji jalredaoca lrico. ³⁰ Corriotsa yomjé carroca cadaocadalri ioya; tiyé imjaitaotsa lriki njite lripocoda tsakja; njite Dio watsa ipjia lriawa. ³¹ Icamitsa lricadaca lricaolre nanaco njaji mikjapanperritsa, lrimañetacawa jliwacatsa, icamitsatsa lricoadawa. ³² Aimaotsa jlirrapitaca lrimatsicana ima lripjeya mayamica njite corrinatsa coancaojli lridia matsiani. ³³ Jliida imacaotsani cayoji jaicotjeda iinaca jiwa capisho lrinana ioya; njite cayoji jaico olivo iiwi jiwa capisho. ³⁴ Njaji papocoperri inaiki matsiperri corriotsa cocá carroca narso; tiye imjaitacaotsa naoya pjiomi njaji njetaji ishati sho apjetsida ioya. ³⁵ Icamitsa nawaopiaca nanaitjaca maatsi njite nanaitja cayoji nawaopia capisho; icamitsa pakjamicana ishati sho.