¹ Aciro cokubaanza omu sande Mariamu Mangadaleena yaayiza acituru kare, butakaciire; yaareeba ibaare ririgire aciituru. ² N'abw'eco yaayiruka, yaayika Simooni Petero n'omweegi ondiizo owu Yesu yaabere akunda, yaabagira ati: baayiere Mukama weetu omu cituru, kandi titukumanya awu baamutiire ³ Petero yaturuka n'omwegi ogu ondiizo kuza aciituru. ⁴ Bombi baayiruka; konka omwegi ogu ondiizo yaasiga Petero, yaamutanga aciituru. ⁵ Yaayinama yaaringurizamu, yaareeba emyeendo ya citaani etirwe awo, konka tiyatayamu. ⁶ Anyimawo Simooni petero yaayiza amukuratiire yaataya omu cituru; yaareeba emyeendo ya citaani etirwe awo ⁷ N'omutanda ogwabere guri amutwe gweewe, gutatekerwe amyendo ezo eza citaani, kureka gukubirwe gutekerwe akwaagwo gwonka. ⁸ Omweegi ogwo ondiizo ayaabere ari acituuru naawe yaatayamu, yaareeba, ⁹ yaayikiriza eby'ayandicirwe ngu asemerire kuzooka omu bafere. ¹⁰ Anyumawo abeegi abo baagaruka omu maka gaabo. ¹¹ Konka Mariamu Mangadaleena yaaguma ayemerire acituru naara; ka yaabere naara yaayinama yaaringuriza omu kituru; ¹² Yaareeba ba'Mareeka babiri bazwere ebikwera baacitamire amurambo gwa Yesu gubere gutirwe, omwe amusego n'ondiizo amirambikirizo. ¹³ Baamubuuza bati: mukazi iwe noorizibwaci? yaabagarukamu ati: abw'okuba batwere Mukama wange, kandi tinkumanya awu bamutweere. ¹⁴ Ka yaamazire kugamba atyo, yaayinduka yaareba Yesu ayeemerire; konka tiyamanya ka ari Yesu. ¹⁵ Yesu yaamubuza ati: mukazi we noorizibwa ci? noroonda owa? Mariamu yaatekateka ngu n'imuyingi ow'ogu omusiri yaa-mugira ati: mukama wange, ka oraabe niwe omutweere, ngambira awo mutiire nze kumwiyayo. ¹⁶ Yesu yaamugarukamu ati: Mariamu yaayinduka, yaamugarukamu omu Ruyeburayo ati: Rabooni! ( amakuru gaco ngu Omwegesa) ¹⁷ Yesu yaamugira ati: otankwata, akuba tinkatembere omu iguru ari Taata; konka genda abiseemwe obagire oti: naatemba omu iguru ari isebona kandi iso wanyu, ari Ruhanga weewe kandi Ruhanga waanyu. ¹⁸ Mariamu Mangadaleena yaagenda, yaagambira abeegi ati: nareeba Mukama weetu, yaabatekereza n'ebi yaamugambira. ¹⁹ Eryo izooba omwigoro, aciiro cokubanza omu sande, abeegi bakab becingirene omu nzu abw'okutiina Abayudaaya; Yesu yaayiza yaabemeera agaati, yaabagira ati; mugire obusinge! ²⁰ Ka yamazire kugamba atyo, yaaboreeka engaro zeewe n'orubazu rweewe. abeegi, ka baarebere Mukama waabo, basemerwa. ²¹ Yesu yaabagira ati: mugire obusinge! nk'oku Taata yantumire, nanyowe niico nkubatuma. ²² Ka yaagambire eco, yaayica, omwico ati: mwaciire omwoyo orikwera. ²³ Boona abu murisasira ebibi, baribisasirwa kandi abu muribigumyawo biribagumawo. ²⁴ Konka Tomasi, omwe ari ikumi na babiri, akwetebwa Didumo, akaba atarowo, obu Yesu yaayiza. ²⁵ Abeegi abandi baamugira bati: twareeba Mukama weetu, konka iwe yaaba yaabagira ati: ka ndaabe ntarebere nkozo zemisumaari omu biganza byeewe, nkazitamu engaro zaange, nkata n'eciganza cange omu rubazu rweewe tindiciriza ²⁶ Ka yaarabirewo ebiro munaana, nabwo abeegi beewe bari omunzu, kandi na Tomasi ari amwe nabo, okwiciriga. Yesu yaayiza enyigi zicingwire, yaabemeera agaati, yaagira ati: mugire obusinge. ²⁷ Yaagambira Tomasi ati: reeta orugaro rwaawe, oreebe ebiganza byange; oreete n'eciganza caawe, ociite omu rubazu rwange; oreke kuba atiine kwiciriza, kureka ayiine ²⁸ Tomasi yaagarukamu yaamugira ati: Mukama wange! kandi Ruhanga wange! ²⁹ Yesu yaamugira ati: wayikiriza abw'okundeeba. biine omugisha abikiriza batiine eci barebere. ³⁰ Aroowo n'eby'okureeberawo ebindi bingi, ebi Yesu yaakozere omu meeso g'abeegi beewe ebitayandikirwe mu citaabo eci. ³¹ Konka ebi biyandikirwe ngu mwikirize ka Yesu ari Kristo omwaana wa Ruhanga kandi ngu, ka murayikirize, mugire amagara omu ibara ryeewe.