¹ Bwanyuma y'ebi Yesu yaagaruka yaayeyoreka abeegi beewe anyanza y'aTiberi; kandi oku niyo yaabeyorere. ² Simooni Petero na Tomasi orikweetwa Didumo na Nasanaeli, owa kaanani eya Galilaaya na batabani ba Zebedaayo, nabeegi beewe abandi babiri, bakaba bari amwe. ³ Simooni Petero yaabagira ati: ninza kusowa enfe. baamugira bati: netwe nitugenda neewe, baagenda baaza omuryaato; konka eciiro eco tibagira eci bakwaaca ⁴ Ka bwabere nibuca, yesu yaayemera akibari; konka abeegi tibamumanya kwarabe aruwe. ⁵ Yesu yaababuuza ati: buca mwiine ecy'okurya? Bamugarukamu bati: nangwa! ⁶ Yaabagira ati: mutege akatimba arubazu rwaburyo rw'eryaato; nimwiiza kubikwaata, baatyo bakatega, tibabaasa kwiiya katiimba mu meezi abw'enfe kuba nyingi. ⁷ Omwegi ogu, owu Yesu yaabere akunda yaagambira Petero ati: Mukama weetu simooni Petero, ka yaawurire ngu ni Mukama weetu, yaazwaara omweendo, abw'okuba akaba azwere busa, yaayenaga omu nyaanza. ⁸ Abeegi abandi beeza omu ryaato, nibakuura akatiimba kiizwiire enfe, akuba bakaba batari are ne ciburi, nka enta cikumi. ⁹ Ka bayikire acyaburi, bareebawo omuro gw'amakara, gurowo enfe, n'omugaati guri arubazu. ¹⁰ Yesu yaabagira ati: mureete enfe azimwasowa atiaaaaaaaa; ¹¹ Simooni Petero yaaguruka omu ryaato, yaakuura akatimba yaakayica acyiburi kizwiire enfe mpango cikumi na makuumi ataano na bisatu; konka n'obu birabe byabere biri bingi biti, akatimba tikaracwekere. ¹² Yesu yaabeta ati: mwiize murye, kandi tarowo n'omwe a'beegi beewe owa gerezewo kumuza ati: ori owa? abw'okuba bakamanya ka ari Mukama waabo. ¹³ Yesu yaayiza yaakwata omugaati, yagubayereza, kandi n'enfe atyo. ¹⁴ Ogu nigwo murundi gw'akasatu ago Yesu yarebekere abeegi beewe, amazire kuzooka omu baafiire. ¹⁵ Ka bamazire kurya, Yesu yaabuuza Simooni Petero ati: Simooni mutabani wa Yowaana, nonkunda okucira aba? yaamugarukamu ati: eego, Mukama wange; n'omanya nk'oku nkukunda. Yesu yaamugira ati: Riisa abana b'entaama z'ange. ¹⁶ Yesu yaamuuza obw'akabiri ati: Simooni, mutabaani mweene Yowaana, onkuunda? Yesu ati Riisa entaama zange. ¹⁷ Yaamubuuza ogw'akasatu ati: Simooni mutabani wa Yowaana, onkunda? Petero yaasasa abw'okumubuuza ogw'akasatu ati; nonkunda yaamugira ati: Riisa entaama zange. ¹⁸ Buzimaziima ninkugambira nti: obuwabere ori omusigazi, okaba oyekoma, oza aworikwenda woona, konka ku oriiba muzeeyi, orugora emikono yaawe, ondiizo akukome, akutwaare eyi otakweenda. ¹⁹ ecyo akacigamba kw'oreka omuriingo ogu arifeeramu, oku guriyimbisisa Ruhanga. bwanyima y'eco yaamugira ati: nkurata. ²⁰ Petero, ka yaayindukire yaareeba omweegi ogu, owu Yesu yabere akunda, akaba akuratire niwo ayabere ayegamire Yesu omu kifuba nubarya, obu yaamubuza ati: mukama wange, n'owa arukuza kukweyakana? ²¹ Petero, ka yaamurebere, yaabuuza Yesu ati: Mukama wange, ogu ariba ata? ²² Yesu yaamugarukamu ati: ka nakwenda ngu ogumewo okwica awu ndigarucira, n'ofa ci? iwe nkuratira; ²³ Ecigambo eco caamara omu b'isemwe, ku omwe ogu atarifa, konka Yesu taramugambire ku atarifa; kureka ati: ku n'akweenda ngu agumewo okwica awu ndogarucira, noofa ci? ²⁴ Ogu nuwe mweegi okuwamya ebyo, kandi niiwe yaabiyandi; kandi nitumanya ngu okuwamya kweewe n'ukwamazima. ²⁵ Kandi arowo n'ebindi bingi ebi Yesu yaakozire; kuri noogira ngu byoona bikawandikwa buri ciimwe, nintekateka nti: ebitabo ebyakuwandikire bikasangana omunsi.