¹ Anyima Pilaato yaatwara Yesu, baamwasa, ² ka baamazire, abaasirikare baruka ecirunga cy'amawa baacimuzweeka omu mutwe, baamuzweeza n'omwendo gwa buzwa. ³ Bayiza n'ibamutangarira nibagira bati: osingire omugabe w'abayudaaya! baamuteera empi. ⁴ Pilato yaagaruka yaasowora yaabagira ati: Reeba, naaza kumubaretera, mumanye ka ntamureberewo musango. ⁵ Atyo Yesu yaturuka azwere omwendo gwa buzwa Pilaato yaabagira ati: reeba omuntu ogu! ⁶ Abaanyamurwa abakuru n'abambari ka murebire, baayomba munonga bati: mumubambe, mumubambe amusaraba! Pilato yaabagarukamu ati: mumwetwarire mumwebabire, akuba tinkumurebawo musango. ⁷ Abayudaya bamugarukamu bati, "Twine eciragiro, nabweciragiro eco asemerire kufa akuba ayegizire omwana wa Ruhanga." ⁸ Pilaato ka yawuriire ebigambo ebyo yayeyongera kutina. ⁹ Yagaruka omuri puratoria, yabuza Yesu ati; Ori owa nkayi? Konka Yesu tiyamugarukamu. ¹⁰ Pilato niko kumugambira ati: Tokungarikamu? Tokumanya ka nyine obusoborozi bw'okurekura nari kukubamba? ¹¹ Yesu yamugarukamu ati: Tokangizirewo busoborozi kuri otarabuyerwe kuruga omwiguru. N'abwekyo owakumpa niwe ayine ekibi ekirikucira ecawe. ¹² Okuruga awo Pilato yaronda oburyo bwokumurekura; konka abayudaya bayomba munonga bati: Ko ararekure omuseza ogu noba otari munywani wa Kisari. ¹³ Pilato kuyawurere ebigambo ebyo, yaturucya Yesu, yaamusitamisa acitebe eci bakusarawo emisango omumwanya ogukwetebwa Amabaare agaarire, omuruyeburayo Gabasa. ¹⁴ Izooba eryo rikaba riri ery'okwetegura okuyingurwawo ziri nka sawa mukaga. Pilato yagambira abayudaya ati: "Reba omugabe wanyu!" ¹⁵ Bayomba munonga nibagira bati: Titwine mugabe kureka kayisari. ¹⁶ Okuruga awo yaamubawa kubambwa amusaraba. ¹⁷ Baatwara Yesu, yaagenda ayeekorire omusaraba gwewe, baayika amwanya ogukwetebwa empanga y'omutwe, omu ruyeburayo Gologosa. ¹⁸ Awo niiwo baamubambire, n'abandi babiri, omwe arubazu rumwe n'ondizo arubazu orundi, na Yesu agaati. ¹⁹ Pilato yaawandika eciwandiko yaaciita amusaraba, nicigira ciiti ²⁰ Eciyandiiko eco cikasomwa Abaayudaya bengi; abw'okuba omwanya ogu Yesu yaabambirwemu gukaba guri ayeeyi n'etauni; kandi ciikaba ciwandikirwe umuruyeburayo n'omu Rulatini n'omu Rugriika. ²¹ Abaanyamurwa abakuru baagambira Pilato bati: otayandika oti, omugabe w'Abaayudaya kureka oti:akugira ati: ndi omugabe w'Abaayudaya ²² Pilato yaamugarukamu ati: eci naayandikire naaciyandikire. ²³ Abaserikare kabamazire kubamba Yesu, baatwaara emyendo zeewe, baabibaganisamu omu mifungo ina, buri musirikare yaatwaara omufungo gweewe, konka ekanzu yeewe ekaba etiine mubaziro, ekaba erucire okuruga omu maraka okwica ansi. ²⁴ N'abweco baagamba bati: tutagitagura, kureka tugitere akaruru turebe aragitwaare. Eci cikabawo ngu ecayandicirwe ciyikire citi: bakabagana emyendo zange baateera ekanzu yange akaruru. Ebyo nibyo abaaserikare baakozere ²⁵ Kandi ayeeyi n'omusaraba ogwa Yesu akaba ayeemerirewo nyina na nyinento, na Mariamu Mangadaleena. ²⁶ Yesu ka yaarebere nyina, kandi n'omweegi owu yaabere akunda ayemerire yeeyi, yaagambira nyina ati: mukekuru, reeba omwana waawe! ²⁷ Kandi yaagambira omweegi weewe ati: Reeba omukekuru waawe! okuruga awo omweegi ogwo yaamutwaara omuka yeewe. ²⁸ Anyimawo Yesu, ka yaamayire ngu byoona byaawa yaagira ati: naagira iroowo! ngu abone okwikiriza eby'ayandikibwe. ²⁹ Kandi akaba atirwewo ecisisi cizwire vini ekusarira, baagizabikamu ecangu, bacita orukaka acibungo, baacimukwatira amunwa. ³⁰ Yesu ka yaaciyerezibwe yaagira ati: caawa! yaayinika omutwe gweewe, yaayerezayo amagara geewe. ³¹ Izooba eryo rikaba riri ery'okwetegura, kandi Abaayudaya bakaba batakunda mirambo kuguma amisaraba asabato; kandi sabato egyo ekaba eri nkuru; Abayudaya nikwo kusaba Pilato kubayenda amaguru, ngu babone kuwanurwayo. ³² Abasirikare beeza baayenda amaguru g'owokubanza, n'agowa kabiri, abaabere babambirwe nawe; ³³ Konka kabayikire ari Yesu, baasanga yaakabire; tibaamuyeenda maguru. ³⁴ Konka omwe abasirikare yamucumita ecumu omu rubaazu, awonaawo arugamu esagama na ameezi. ³⁵ Oyacirebere niiwe yaaciyamize n'okuwamya kwewe n'ikwamazima; kandi naamanya kw'agamba amazima, ngu nemwe mwicirize. ³⁶ Ebyo bikabawo, ngu ecyayandicirwe ciyikiire ecikugira citi: tirikoborwa igufa. ³⁷ Kandi ecayandikirwe ecindi nicigira citi: baarireeba ogu owu baacumisire. ³⁸ Anyima ye'ebyo Yosefu owa Arimassaya, ayaabere ari omweegi wa Yesu, konka omu mubonano abw'okutiina Abayudaaya, yaasaba Pilato kamwikiriza atyo yaayiza yaatwara omurambo gweewe. ³⁹ Na Nikodemu, ayabaandize kwiiza ari Yesu omuciro naawe yaayiza aresere aby'akawowo ebirimu sumuruna n'enkaka, oburemezi bwabyo nk'eratiri ikumi. ⁴⁰ Baatwaara omurambo gwa Yesu, baaguziinga omu mweendo gwa citani egi baatiremu eby'akawowo, nka emicwe y'Abaayudaya ey'okuziika oku yaabere eri. ⁴¹ Kandi omu mwanya ogu yaabere abambirwemu akaba arimu ecituru ciyaaka eci takazikwagamu muntu. ⁴² Omwo nimwo baazikire Yesu abw'okuba rikaba riri izooba ry'okwetegura kw'Abaayudaya, kandi ecituru ecyo cikaba ciri ayeeyi.