¹ Nywe Abagaalatiya abasurusu naani eya balogere, atenga mwalangibwe mu lwatu Oyesu Kristo eyakomererwe? ² Kini nikyo Kyonkai kyenkwendya okubabulya mwa weereibwe omwoyo lwabikolwa bya mateeka obba lwakuura kwa kwekiririza? ³ Mutyo nimo mutalina magezi ababasookere omu mwoyo, aatubuni mukuma lirya mumubiri? ⁴ Mwabweinebweine okwenkana awo kwa bwereere? atenga tikwa bwereere. ⁵ Abaweerya omwoyo, akolo eby'amani omunywe, akola lwa mateeka obba lwa kuwuura kwa kwikiriza? ⁶ Mubone ibulagimu '' yaikireeze Okanca, nabaarwa okuba omwikiiriri.'' ⁷ Kale mutegere nti abantu abaikiriza nibo baana be Ibulayimu. ⁸ Ne kyawandikibwe, kyabweine eirai nti Okanca aliwa abanawanga obuikiiri lwa kuikiriza, enjiri nesoka okubakoberwa Ibulayimu nti limu wwe amawanga gonagoona nimo galiweerwa omukisa.'' ⁹ Nimo kiri abbo abali omukuikiriza baweirebwe omukisa Ibulayimu gwe yaweirebwe ni yaikiirize. ¹⁰ Kubbanga bonnabonna abesigama okubikolwa byamateeka bali ansi wakikolimo, kubbanga kyawandikibwe nti akilimirwe buli ataikyirenge kukola byonabyona ebya wandiikibwe omu kitabo kyamateeka. ¹¹ Era atubuni kimanyiibwa nti ndoowo Kanca gwawa obwekiiri olwakukuuma amateeka kubbanga,''oyoli omukweikiriza niye mweikiiriri, neye alibba omwomi.'' ¹² Naye amateeka ago tigesigama ku kukwiikiriza,''naye nti omuntu agakola ya banga mwomi omwago.'' ¹³ Kristo yatunununire okuzwa omukikolimo eky'amateeka, niya fuukiire ekikolimo ku lwaiswa kubbanga kyawandiiibwe nti Akolimirwe buli awanikibwa okumusaale. ¹⁴ Kale atubuni mu Kristo Yesu omukisa gwa Ibulayimu guika eddi abanamawanga, tusobole tuweebwe ekyasubiziibwe ekyamwoyo olwa kukiriza. ¹⁵ Ab'aluganda nkusumoola mu buntu endagaano gonze nga ya muntu buntu n'emala okukakasibwa, ndoowo ajitoolawo gonze ajongeraku. ¹⁶ Atubuni ebyo ebyasubiziibwe byakobeirwe Ibulayimu n'omwaana wamwe. Naye tukisumoola nti ''erate abaana baamwe nga baingi,'' naye eddi omwei ''nga niye mwana,'' oyo niye Kristo ¹⁷ Kini nikyo nkuteegeza amateeka gaiza nga wakairewo emyaka binai mwa asatu tigatawo ndagaano Kanca jeeyali amaare okukakasa, okusobola okudobya ekyasubiziibwe. ¹⁸ Kate oba nga obusika buzwa mumateeka, buba tibukyaali bwa kusubiza naye Okanca yabuwaire Ibulayimu olwokusubiza. ¹⁹ Kale lwaki gateekebwawo? Gatebwaawo lwa kusisa, okwiikya nga omwana gwa basubiize ekisuubizo, era galagiirwe bamalaika okwakaara mwoyo atugaitaganya. ²⁰ Naye atugaitanga kitegeeza kwakala mwomwe, naye kanca alli omwe. ²¹ Kale olwo amateeka gawaka n'ebisubizo bya kanca? tinimwo kiri kiba singa amateeka gawereibwa nga nigo gasobola okuleta obwoomi, ddala gasobola obuikiriri bwendibaire mumateka. ²² Naye ebyawandikibwa bita ebintu byona byona kukibbi, olwa ekyo ekyasubizibwe. Olwa kwekiriza okristo Yesu kisobole kiwebwe ebbe abaikiriza ²³ Naye okwekirizanga kakyaalikwiza twakumirwanga mubuge bwa mateeka nga tuli basibe olwo kwikiriza okukwaaba okuswekurwa. ²⁴ Kityo amateeka gatukuuma okwikya Okristo niyaliiza, tusobole okuwebwe obwikiiriri olwa kwekiriza. ²⁵ Naye atubuni okwikiiza nga kumaare okweiza tetukyaali ansi wa mukuumi. ²⁶ Kubbanga mu kristo Yesu nnywe nyweena muli baana bakanca. ²⁷ Olwakuba nnywena ababaatizibwe okwengera omu Kristo. Mwazwaire kristo. ²⁸ Ndoowo muyudaaya, gonze omuyonaani, ndoowo musaiza gonze mukali; olwa kubnywena nnywena muli omwei mukristo Yesu. ²⁹ Era nnywe nimwaali aba kristo. kale muli lubyaalo lwo ibulayimu. era muli basika ngo okusubiza nikwaali.