¹ Nkukotengeza kini omusika nga akyaali omuto tayawulibwa na mwiru nakaddooli, goze nga niye mukama wa byona byona. ² Naye afugibwenge abamukurya e okwikya ebisera oyitamwe bye yalagire nga biikire. ³ Tutyo naiswe, nitwali tukyali, twabbaire bairu nga tufugibwa emyoyo egensi. ⁴ Naye ekisera kyenyenere nikyaire, Okanca natuma omwana wamwe eyabyalibwe omukali yabyalibwe nga akufugibwa amateeka. ⁵ Alyoke alolere abafugibwa amateeka, leke tulyoke tusobole okuwebwa abakufuka aboona. ⁶ Era kubbanga tulibaana, okanca yatumire omwoyo gwamwana wamwe omu mitima gyaiswe nga akukunga nti '' Aba itaiswe''. ⁷ Kityowena tinkyali mwiru, nye noli mwana oli musika kubwa Kanca. ⁸ Naye omunaku ziddi nimwabaire nga mukyali OKanca, mwabaire bairu babitonde ebitali bya Kanca. ⁹ Naye atibuni nitwateire okanca, okusinga nimwalegeita okanca, mwindukire mutyai okwaira emabega okusengerya emwoyo ejinaki, egisabirya, te era mwete omwiru bwaajo. ¹⁰ Mukwate olunaku mulunwyeze nebiro nemyaka. ¹¹ Ntinire tilwakuba nti okugada kwange emuli obutuba okwa bwerere. ¹² Nkubegayira aboluganda, mubenge nga nje, kuba njena ndi kanywe, temunsisangaku, ¹³ Naye maite nti olwa obunaki bwaiswe obwa mubiri nabalirire enjiri. ¹⁴ Gonze nga nabaitoweire olwa bulwaire bwange, temwanyomere gonze okunsekera, naye mwanyikirizeko omateeka wa Kanca omu kristo Yesu. ¹⁵ Kale okumatira ookwo kwemafumire kwaire ayi? ¹⁶ Ate nfukire mulobe wanywe ne nkubulurira amuzima? ¹⁷ Abo babakolesyambe nayetilwabusai; kyebendya nikyo ekyokubaigarye enzai. ¹⁸ Kisai abantu okwewumbeka omubusai enaku zonna, naye tilwanje ngandi manywe lwonkai. ¹⁹ Bana bangelabato mungyengeire okuba omu bulumi obwingi. ²⁰ Era nandyendererye okuba nanywe atibuni, nokukyesa eirowozi lyannge, kubbanga mberalikirire muno . ²¹ Mumunkobere nywe abenda okufugibwa amalteka, temuwulirya mateka? ²² Kuba kyawandikibwe nti oibulayimu yabaire nabona babire, omwei wa muzaana, nowondi waidembe. ²³ Owa muzaana yabyakibwe lwa mubiri, naye owa idembe lwa kusubira. ²⁴ Ebyo byalugero; kubbanga abakazi nizo endagano eibiri emwei ezwa okulusozi lwa sinaai, naye yabyaire abanabwiru, ejo niye agali. ²⁵ Agali oyo niye lusozi sinaai oluli omubwalabu, era kyenkanakano Yerusaleemi ekyatibuni; kubbanga mwiru awamwe nabana bamwe. ²⁶ Naye o Yerusalemi eya mwigguru niye owa idembe, niye maiswe. ²⁷ Kuba kyawandiikibwe nti, semerwa, omugumba olubyala; Yanguwa osimoola aiguru, we atali mubulumi obwa kubyala, kubongo obona boyo eyalekerweyo baingi okusingaku oyo eyali no omusaiza. e ²⁸ Naye iswe abaluganda, tuli baana bakusubira nka Oisaaka kwe ne yabaire, ²⁹ Naye nga omubisera bidi yabyalibwe olwa mubiri nka niyali akuganyizibwe eyabyalibwe olwa mwoyo, otyo nimwo kiri atibuni. ³⁰ Naye ebyawandiikibwe bisimoola bityai? nti, '' sindika omuzana no mwana wamwe; kubbanga omwana tali sikira amwe no omwana waiddembe''. ³¹ Kale abaluganda, iswe tetuli ba muzaana, naye tuli baana aba omukazi ow iddembe.