¹ Awa nga wakairewo emyaka ikumi naina nasomoka ate yerusaalemu amwe no Balunabba nga ntwaire no Tito. ² Nabireyo lwa kubonekerwa, ni mbanjura enjiri, eje mbuulira mu b'amawanga. Nabazire nabo abatenderezebwa, mu Cama beteje enjiri eje mbulira mu bamawanga, tilwakulwa nga ninkola mba nga akora obwerere. ³ Naye wadde Otito, gwe nali naye, eyali omuyonaani, tiyawalirizibwe kukomolebwa. ⁴ Naye olwa baluganda ababubeyegi bebanggirya Mukama, abaingira mu Cama okubbega eiddembe lyaswe lye tulinalyo mu Kristo Yesu, okwikala omu bwiiru. ⁵ Abo titwabagondereku nakadyoli amazima ga njiri gasobole okubakumirwa nywe. ⁶ Naye abo abatwalibwa okuba ekintu era muwendo, nga mbali, ku nje ndowo njawulo, Kanca tasosola muntu, abo nkukoba, abali batenderezebwa tibalina ce mbazaku. ⁷ Naye omungeri eyendi, ni babona nga nakumisibwe enjiri yabo abatali bakomoole, nga Peetero ni ya kumisibwe eya bakomoole. ⁸ Lwakuba oyo eyakolere Peetero olwa bukwenda bwa bakomoole, niye yakoleire no mu nje olwa ba mawanga. ⁹ Era mbetegerye ekisa kya nawerebwe, Yakobo no keefa no Yokaana, abatenderezebwa okuba empagi, ni ba tuwa, nje no Balunabba, omukono oguuyo okuba ekimwe naiswe, iswe twabe eri abamawanga, bo bbaba eri abakomoole. ¹⁰ Konkai, batusaba twinzukirenga abooro, ekyo ekiwanyene nokyo nkwensuga okukola. ¹¹ Naye keefa ni yanzire omu antiyokiya namuwakanye nga tubonanga amaiso na amaiso, olwakuba yali mukyamu ddali. ¹² Kubbanga abantu abamwe abazwire ewa Yakobo mbali nga bakyali kwiiza, yalyanga nabanamawanga, naye ni baizire, ni yeyawula nabawukanaku, nga atina abakomoole. ¹³ Era na Bayudaaya abandi bonna abali naye, ni ba mweyimbyaku mu bukurupya, no balu nabba nokusikibwa nasikibwa obukulupya bwabwe. ¹⁴ Naye ni nabwene nga tiba kutambura butererwa mumazima aga enjiri, ni nkobera keefa mu maiso gabwe empisa zabawanga ezitali za kiyudaaya, owalirirya otya abamawanga okwabiranga ku mpisa eza kiyudaaya? ¹⁵ Iswe Abayudaaya omububyale tituli bamawanga abonooni, ¹⁶ Kyonkai tukimaite kusai nti omuntu tawebwa bwikiriri lwa bikolwa bya mateeka wazira okwikiriza Yesu, tusobole tuwebwa obwikiriri olwa kwikirira Kristo. Naye tilwa bikolwa bya matteka, lwakuba olwa bikolwa ebya mateeka ndowo ali no mubiri aliwebwa obwi kiriiri. ¹⁷ Naye oba omu kwefubaku kwaiswe okuwebwa obwikiriri mu Kristo, iswe abenyenere twasangibwe okuba abonyoni, kale Kristo muwereza wa kibi? Mbe nakadyoli! ¹⁸ Lwakuba ni nyibba ate abye nanagire, neranga nje nkai obupa omwononi. ¹⁹ Lwakuba olwamateeka nafire ku mateeka, nsobole okuba omulongoki eri Okanca. ²⁰ Nakomererwe amwe no Kristo, naye ndi mwomi, ti kubwange, naye Okristo, mwomi munje, era obwomi obwendinabwo ati omumubiri, ndinabyo lwakwikiriza omwana wa Kanca eyantakire niyewayo oku lwange. ²¹ Tindibya kisa kya Kanca, lwakuba obwikiriri bwamwe bubba mu mateeka, nga Kristo yafirire bwerere.