¹ Ale nka nituta n'okuweereza kuni, o'lakusaasira kwa Kanca, titwiiririra. ² Naye twaagaine eby'ensoni ebikisibwa, nga titutambuura mu bu kuusa, so titukyamaite kigambo kya Kanca, naye olw'oku bonesya amazima tuleke buli muntu atulowoolyeeku nk'omwooyo gwaamwe guta mumaiso ga Kanca. ³ Era newankubaire ng'enjiri yaiswe esweeke bwaaku, esweeke bwaaku edi abo ababuure. ⁴ Nibaabo abataikirirya, osetaani omufuzi w'emirembe gini gye yazibiremitima gyaibwe, n'aba kuba ziyiza okubo na omusana gw'enjiri yekitiibwa ya Kristi, oyo nikyo kifaananyi kya Kanca. ⁵ Kubbanga titwebuura fenkai, wabula Oyesu Kristo nga niye Mukama waiswe, isweena nga tuta bairu baanywe ku lwa Kanca. ⁶ Kubbanga Kanca niyakubaza nti, ''leka omusana gumulike omulikirya,'' eyayakire omumitima gyaiswe, okuleeta omusana gw'okutegeera ekitiibwa kya Kanca mu maiso ga Yesu Kristo. ⁷ Naye obugaiga obwo tuta nabwo mu bibya eby'ebumba, amaanyi amaingi omuno galyooke gazwenge eri Kanca, so tiniite. ⁸ Tubonyabonyezebwe mu buli ngeri, naye titumaarwawo, tusoberwa, naye tituwaamu suubi. ⁹ Tweeganyizibwa, naye tulekebwa, tummeigebwe naye tukuzikirira. ¹⁰ Buliiza tutambulanga tuta mu mubiri, okufa kwa Yesu, era n'obulamu bwa Yesu bolyooke bubonesyebwe mu mubiri gwaiswe. ¹¹ Kubbanga iswe abalamu tuweebwayo enaku zoona eri okufa okutulanga Oyesu, era n'obulamu bwa Yesu bulyooka bubone syebwe mu mubiri Gwaiswe ogufa. ¹² Nibwe kityo, okufa kukoora mwiswe, naye obulamu munywe. ¹³ Naye nga tuta n'omwooyo gudi ogwokwikiiri, tubaza. ¹⁴ Nga tumaite ng'oyo eyazuukire Mukama waiswe Yesu era niiswe alituzuukiza amwe n'Oyesu, era alitwanjuura amwe naanywe. ¹⁵ Kubbanga byoona bita ku nywe, ekisa ekyo nka ni kyeeyongera okubuna omubantu abaingi, kyongera okuleeta okweebalya Kanca n'okumuweesya ekitiibwa. ¹⁶ Ni kyetuzwa tulema okwiririra, naye niwankubaire omuntu waiswe ow'okungulu n'awaawo, naya omuntu waiswe ow'omunda afuuka omuyaaka buliizo nabuliizo. ¹⁷ Kubbanga okuboonaboona kwaiswe okutalemeera, okwa kiseera kya kaakani, kwongeyongera muno okutukoura ekitiibwa ekikulemeera okwa mirembe n'emirembe. ¹⁸ Iswe nga tukuloleera ebikuboneka, wabula ebitaboneka, kubbanga ebiboneka bya kiseera, naye ebitaboneka bya mirembe na mirembe.