¹ Kubba tumaite nti oba ng'ennyumba yaiswe eyansiisira ey'omunsi eryonolebwa, tuli ne eyayombokeibwe ezwa eri Okanca, ennyumba etayombokebwa na mikono, eyamirembe seregenyi eya mwi iguru. ² Kubba tusindira omu enu nga twegomba okuzwalikisibwa ennyumba yaiswe erizwa omwiguru. ³ Nitulizwalikisibwa tutalisangibwa nga tuli. ⁴ Kubba iswe abali omu nsisira enu tusinda nga tulemeerwa, ti kubba tutaka okweyambula naye okuzwalikisibwa ogwo ogufa leke gumiribwe. ⁵ Naye eyatukoleire ekyo niye Kanca, eyatuware omwooyo okubba omusingo. ⁶ Nikyo tuzwa tuguma ennaku zona zona, era tumanya nti ni tubba omu mubiri tubba alai no Mukama waiswe. ⁷ Kubba tutambula olwa kwikiriza naye ti mu kubona. ⁸ Tuguma, era kinu nikyo tusinga okutaka okuzwa omumubiri gunu, nokubba Omukama waiswe aliyo. ⁹ Era nikyo tuzwa tufuba oba nga tukyali munu oba nga tuli alai okusiimibwa ye. ¹⁰ Kubba iswe iswena iswena kitusaanira okubonesebwa Okristo gyalilamuura emisango, buli muntu aweebwe ekimusaamira okusinzira oku bisai oba oku bibbi byeykoore nga akyaali omu mubiri. ¹¹ Okulwekye, ni tumanya okutiina Omukama waiswe tusendasenda abantu, naye Okanca amaite ni tuli era nsuubira nga nanywe mumaite omu myoyo zaanywe. ¹² Titwetumbya tte egye muli, naye okubawa nywe kye mwasinziirangaku okwenyumirizanga oku lwaiswe leka mubenga n'ekyokubairamu abenyumiriza olw'ebyo ebiboneka, naye ti mu mwoyo. ¹³ Kubba oba nga tulalukire, tulalukire eri Okanca, oba nga twegendereza, twegendereza kulwa nywe. ¹⁴ Kubba okwendya kwa Kristo nikwo kutufuga nga tulowooza nga ntuli ng'omwe yabafirire bona bona, bona bona nikyo bazwire bafa. ¹⁵ Naye yafiririre bona bona, aboomi baleke nga okubba aboomi okulwabwe bonkai, naye oku bwoyo eyabafiiririre n'azuukira. ¹⁶ Okutaandiika no lwa leero nikyo tuzwa nituta manya muntu yenna yenna okusinziira oku mbona ya muntu, Okumanya niwankubbaire omukwekeera twatwaire Okristo omu mbona ya muntu, naye ati titukamumanya tte tutyo. ¹⁷ Nokulwekyo omuntu yenna yenna n'abba omu Kristo, aba kitonde kiyaaka, ebya irai nga biweirewo, bona nga bifukire biyaaka. ¹⁸ Naye byona byona bizwa eri OKanca eyatugatagainye naye omwenyini oku bwa Yesu Kristo natuwa iswe okuweereza okwa kugaitaganya. ¹⁹ Nikwo okoba nti Okanca yaali mu Kristi nga agaitaganya eni naye omwenyini nga tababaara bibbi byabwe era yatubikisirye iswe ekigambo ekya kugaitaganya. ²⁰ Nikyo tuzwa tubba ababaka omukifo kya kristo, Okanca nga aisana nga akubeegayira okwakala omu iswe, tubegayiira omukifo kya Kristo mugaitangane n'Okanca. ²¹ Ataamaite kusiisa, yamufiire ekibbi oku lwaiswe, iswe leke tufuuke obwikiriiri bwa Kanca omu ye.