¹ Tutandikire ate okwetereza iswenkai? Oba tukwendya abaluwa nka abandi eziluseemba gye muli, oba nnyweze muwandikire nga zitusemba. ² Nnywe muli bbaluwa yaiswa, etusemba ewandikilwe omumyoyo jaiswa abantu bonna gye bwtejerye, gye basoma. ³ Era musetumbya okubba ebbaluwa ya Kristo, iswa cetwatetere, etawandikibwa na bwino, okutoraku omwoyo gwa Kanca ogwaonmi, tikubipande byamabale wabula kubipande bya myoyo jabantu. ⁴ Obwo nibwo bwesigwa bwe tulina okwakara omu Kristo eri Okanka. ⁵ Tikubbanga iswainka tulina obuyinza okutekereza ekigambo kyonna nga ekikuzwa gyetuli, naye obuyinza bwaiswa buzwa eri Kanca. ⁶ Oyo niye yatusobozeserye okubba abaweleza abendagano egiyaka, so ti bawoleza banyokuta? Wabula bamwoyo kubbanga enyoguta eitaa, naye omwoyo guleta bwonmi. ⁷ Naye abo nga okuwereza okwokufa okwali omu nyogutta okwesalibwe okumabale, kwaizire omu kitinisa kityo, na baana ba isirarri tebayinza na kuyinza kwetagereza maiso ga Musa olwa kitinisa chamaiso gamwe, ehali kikwaba okuggwawo. ⁸ Okuwereza okwa mwoyo tekulisinga muno okubba n'e kitinisa? ⁹ Kubba oba nga okuwereza okwomusango nityo kitinisa, okuwereza kwobwikiri kweyongera muno okusukuluma ekitinisa. ¹⁰ Ati omunsonga eyo echo echali kigira akitinisa budi, ati tekichaayina kitinisa, ekisingirawo kimwa. ¹¹ Kubba abo nga echagwirewo chali nekitinisa, echabandize kitekwa okusinga echo okubba n'e kitinisa. ¹² Kale nga bwe tuli ne'essubi eryenkana awo, tubaza namanni ganji. ¹³ So ti nga omusa ayaswekanga okumaiso gamwa, abaana ba isuraeri balemenge okwekenenya enkomeero naye echo nachali kiggwawo. ¹⁴ Naye omwoyo jabwe jakakanyiziibwe, kubbanga no kwicha ati nimwo basoma endagano egira echo kuswekakukidi kichaliwo echo kuswekaku cho kikuzwawo omu Kristi. ¹⁵ Naye n'okwicha ati, ebya Musa nikwo bikusomebbwa echokuswakakukiri mumyoyo jabwe. ¹⁶ Naye omuntu bwozukira Omukama waiswe, echokuswekaku kikuwawo. ¹⁷ Naye Omukama waiswe nigwo mwoyo, era ayewala omwoyo gwa Mukama waiswe nimwo yewala eiddembe. ¹⁸ Naye iswe iswena, netuibwaka echokuswaka okumaiso, nga tukubona akitinisa cha Mukama waiswe, tuchusibwa okwisana nkaye. Okuwika okugundi kubbanga kini kizwa eri Mukama niggwo mwoyo.