¹ Baitu, namaliriire omu mwoyo gwange, obutaiza erate na bujune gye muli. ² Kubbanga nje ni mbaletera okweinnatira, ale wabule ansanyusa niye naani, oyo gwendeteire okweinnatira? ³ Ekyo nakiwandiikire nindiiza neme okweinnatirwa abo abagwana okusanyuca, kubbanga mbeesiga nnywe nywena nga essanyu lyange niryo lyamwe nywena. ⁴ Kubbanga omu kuwalalibwa okwingi, nokulumwa omwoyo nnabawawandikiire namaligga gainji. ⁵ Baitu, ni wabbawo omuntu eyaletere okweinnatira, abba tiyeinnatirye ninji, wabula nnywe nywenna, ate tinywena, ndeme okubazitoweera omuno. ⁶ Kubbanga ali atyo, ekibonerezo ekyo kyawereibwe abaiji kimumala. ⁷ Nikyo kizwa kibagwanira nnyowe okumuganyirambe mpozzi aleme okumirwa ennaku zaamwe nga zimusukireku obwinj. ⁸ Nikyo nzwire mbegayiira okugumya okwendya jaali. ⁹ Kubbanga era nkyo nazwiire mpandiika, ndyoke mbagezesye le nrteje, oba nga muli bagondu omubigambo byonna. ¹⁰ Buli gwe saasira ekigambo nanje mmusasira kubbanga nanje kyensonyiwire, oba nga nsonyuwire nkisonyiwire kulwanywe omu maiso ga Kristo. ¹¹ Ositaani alemengo okutwekuddumbaryaku, kubbanga tituli nga abatakweteja obuliirani bwamwe. ¹² Baitu ni naizire omu tulowa olwa njiri ya Kristo, era olwiji ni lwanzigulirwewo omu Mukama waiswe. ¹³ Omwoyo gwange tigwaculeire kubbanga tinayajiryeyo tito omuganda wange. Nikyo nazwire mbasiibula ninyaba omu makedooni. ¹⁴ Baitu Okanca yebalibwe, atutwaala buliizo nga abawanguli omu Kristo, era natukolyesya okumumanyisya omu bantu boona, nga akawoowo akasanira wonna. ¹⁵ Kubbanga tuli kaloosa kasai eka Kristo edi ewa Kanca omu abo abacungurwa no mwaba a babula. ¹⁶ Eli baabure tuli kaloosa omukufa akaleeta okuya, baitu eji bacungura tuli kaloosa akazwa omubwomi akaleeta obwomi. Era ebyo naani abiyinza? ¹⁷ Kubbanga tituli nga badi abasinga obwinji, abatabuli bakigambo kya Kanca, baitu nga abantu bamazima abalikibwa Okanca, nitutyo omumaiso ga Kanca nimo tubaza omu Kristo.