¹ Nawona mukulu akhawonero khamaani khandi nga khamakana: malayika musaanfu nende olumbe olusembayo amakhabi musaanfu__ olusembayo, khulwokhuba mulwo etiima lya Weere liriba lyolereeye. ² Khandi nawona esyali sifwana ng’okuyanja kw’emonero okutawuywe no’muliro, nga kwemire ambi no’kuyanja, abo abali nibawanguye okusolo ne’sifwanani syakwo khandi amukulu wakwo ngo’wuungi we’ritta lyakwo. Badiira amalere akabayeresewa nende Weere ³ khandi bemba olwembo lwa Musa omukhosi wa Weere khandi no’lwembo lwomwaana wekoondi: “Bikali khandi byamakana nje ebikholwa byawo, Omwami Weere obakhira boosi. owakaniya khandi owamasima nje engira chawo, Omwene’ngo we’mirembe chosi choosi. ⁴ Omwami, nanu otalikhutya, No’khuleeta oluyaali khu liita lyawo? Khulwokhuba ewe weηene oli mwolerefu. Ebyalo byoosi biricha byakhwinamira mu moni chawo, khulwokhuba ebikholwa byawo bikololofu bimalire byakisuliwa.” ⁵ Bino nibiweye newunja mwikulu enyumba ya Weere, nga nje ensanduku eyo’wujulisi, eyekuliwawo. ⁶ Okhutula mu nyumba ya Weere mwatulamo bamalayika musaanfu n’olumbe amakhabi musaanfu. Nga bambasiiwe enguwo nyonjo, echimekhamekha nga bambasiiwe otujwenge twe feesa khu birifu okhwewodokhaniya. ⁷ Nawo sirala khu bilonge bine ebilamu byawa bamalayika bano musaanfu amabbakuli ke’feesa musaanfu akechusiwa ne’tima lya Weere, obawo endaalo ne’ndaalo. ⁸ Khandi enyumba ya Weere yechusiwa n’omwoosi okutula khu luyaali lwa Weere nende khu maani kaye, yawuma omutu yeesi owakhanyala okhwingira mu nyumba ya Weere okhwola nga olumbe amakhabi musaanfu olwa malayika musaanfu niluweeye.