¹ Wunanu, nga, niwasiingisiwa nende Kristo, muteenge emyooyo chenywe khu biitu bya’mukulu, Kristo yikeekhala khu mukhono omulungi okwa Weere. ² . Mute ebibaaso byenywe khu biitu bya’mukulu, okhulekha khu biitu ebye’syaalo. ³ . Olwokhuba mwafwa, khandi owulamu wenywe wunanu wekisa nende Kristo mu Weere. ⁴ . Nga Kristo, owulamu wenywe, awonekha, manu mwesi mutyo muliwonekhera alala naye mu luyaali. ⁵ . Khulwesyo, mwiite, byosi byoosi ebiri mu wulamu wenywe owo wutu: owudaamba, owutaasi wolerefu, okhwekoomba, okhwekoomba okhubi nende okulalukho, okhuli nga okhwebilongalongwe. ⁶ . Olwabino, etima lya Weere liicha. ⁷ . Mwakenderanga mu makira kano, mu wulamu wu mwalimo. ⁸ . Naye wunanu muteekwa okhwetusa abeene mu biitu nga bino: etima, owuwalaba, okhuyiinga, okhulomaloma eby’ensoni nolulimi luchaafu okhutula mu minwa chenywe. ⁹ . Mutabachana abeene na’beene, nga nimwetusakho owuutu wenywe wukhale nende ebikholwa waabyo ¹⁰ khandi nga mwetakho owuyaakha wenywe, owuli okhukholewanga mu khumanya mu sifanaanyi syo’mulongi wasyo. ¹¹ . Ano yiwuma muYonaani oba omuYudaaya, owakhebewa oba otakhebewa, omuteende, no’mutaanu, dimbidi omuwambe oba omulekhule, naye Kristo nje byoosi, khandi ali mu byoosi. ¹² . Nolwesyo, nga abaatu ba Weere abangale, abolerefu khandi abadakhiwa lukali mweyambase abeene esasaakisi, esisa, owutu owulonga nende okhwesimiirisa. ¹³ mulekhaniremo khandi mulekheremo wuli otula owudinyu wumunyala okhuba nawo khu wuli mulala. Mulekheremo nga Omwami nikabalekheramo. ¹⁴ . Khandi mu bino byoosi mutemo okhudakha, okhubayimbaaniya alala mukhuyimbaana khwenywe. ¹⁵ . Manu emirembe cha Kristo kha chifuke mu myooyo chenywe, khasita nga abanasikanda abo’mubiri mulala mwalangiwa khu mirembe. Manu mwebase. ¹⁶ . Emboosi ya Kristo khayikhale mwinywe wulayi wene nga nimusomesa khandi nimulawulanaanga syamulala nende esabbuli, enyembo nende enyembo cho’mwooyo nende okhusiima mu myooyo chenywe eyiri Weere. ¹⁷ . Khandi oba mukhola, oba mu mboosi oba musikholwa, mukhole byoosi mu liita lyo’mwami Yesu, nimwebasa Weere Bbaabba okhumubitiramo. ¹⁸ . Abakhasi, mwewengeyo eyiri bawamwe yenywe, nga nisikhoyera mu mwami. ¹⁹ . Abasaacha mudakhenge abakhasi benywe khandi mutaba bawalaba nabo. ²⁰ . Abaana, muwulire abeewusi benywe muwuli siitu, olwokhuba sino sisangaasa Omwami. ²¹ . Abewusi basaacha mutanyolesanga abaana benywe, kho bakhaye okhuwaamo amaani. ²² . Abawambe, muwulirenge abaami benywe abo’khusyaalo mu nawuli situ; khandi musikhole, silwokhuba mbo babateeyekho emoni oba mbo mudakhiwe, naye no’wumalirifu wo’mwoyo okutya Omwami wefwe. ²³ . Nawuli simukhola, musikhole no’mwooyo kwoosi, nga abakholera Omwami sosi baatu. ²⁴ . Khasita mumanyire muuti mulifuna owusikha okhutula eyiri Omwami koti omusaara. Omwami Kristo nje yimukholera. ²⁵ . Omutu yeesi okhola owubi yeesi alisasulwa olwowubi waye khandi yiwuma okhwekhubbira.