1 Abaami, muweenge abawambe benywe ebibakhoyera khandi ebirayi, olwokhuba mumanyire muuti mwesi muli nende Omwami wenywe mwikulu. 2 Mweweyo abeene mu khusaba, nga muli moni khandi nga mwebasa. 3 . Khandi mutusabire, fwesi, kho Weere anyale okhwikulawo omulyango okwo’wuweresa wefwe, khunyale okhulangirira esyaama sya Kristo, esikira nindi mu njegere. 4 . Musabe kho nyale okhulangiriraanga wulayi, nga lusinkhoyera okhukhola. 5 . Mube bakesi mungira yimukholeramo eyiri ab’erwaanyi; mukhosese nawuli nkhabi. 6 . Nawuli simulomalomakho sibeenge nisichuuye esisa, nisyoliremo omunyu, kho munyale okhumanya nga nimukowola mu nawuli otula. 7 . Titiku alibawoolera amawulire koosi akandirakho. Musyaani wefwe omulayi, omukhosi omwesikwa khandi omukhosi wasyaange mu mwami. 8 . Ndi okhumutuma yimuli olwesigendererwa syawaangu kho munyale okhumanya ebitudiirakho khandi anakumye emyooyo chenywe. 9 . Kecha nende Onesimo, omusyaani wefwe omwesikwa, oli mulala khwinywe. Becha okhubawoolera ebiitu byoosi ebyekhola ano. 10 . Omuwowe wasyaange Alisutaluuko abaweye amakheeso kaye, Maako yesi, khasiiηηene Bbalunabba. (Mufunire ebirakiro ebimudiirakho; nikecha yimuli, mu musangalire.) 11 . Yesu, olangiwa Yusito, yesi atuma amakheeso. Bano nje aba Yudaaya boηηene mu basyaange bankhola nabo khu lwo’wene’ngo wa Weere, beyekesise okhuba abangumya 12 . Epafula, nga nje mulala khwinywe khandi omukhosi wa Kristo Yesu, abatumira amakheeso. Wuli sikha alwanakana mu khubasabira, ati munyale okhuba abagumu mukhudakha khwa Weere, abawangafu khandi abamalirifu. 13 . Museemba nti akhola lukali yimuli khandi nende eyiri abo abali Lawodokiya nende Kiyerapoli. 14 . Omwicha wefwe omudakhwa Luka, omusawo, nende Dema babakheesa. 15 . Muwe amakheeso kange eyiri abaana befwe abali Lawodikiya, nende eyiri Nunfa nende e Kanisa munyumba yaye. 16 . Nibamala okhukhusomera ebbaruwa yino, wona oti lwosi yisomewa nende mu Kanisa eya Balawodikiya khandi mwesi mutyo musome eyitula Lawodikiya. 17 . Muwolere Alukipo muuti: “Khola syoosi esinyalikha woserese omulimo kuwafuna okhutula eyiri Omwami.” 18 . Ese, Paulo, mbandiika amakheso kano mu mukhono kwange. mwichulise enjegere change. Emirembe chibe nanywe.