¹ Ndakha enywe mumanye nga ninfudumbukhana khulwenywe nende abo abali mu Lawodikiya, nende abo bosi boosi bakhutawukananiyangakho oweeni. ² . Esichiririrwa syange siri mbo banyale okhukhubbirisiwa mu mwooyo khandi becha alala mu khudakha, khobanyale okhuba nende owuyiinda owiichufu owuweeyeyo mu khumanya, kho banyale okhumanya esyaama sya Weere, esyeriita, Kristo, ³ nga mu ye nje omwekisa owuyiinda wamakesi nende okhumanya. ⁴ . Mbawoolera sino kho akhaye okhubawo yeesi onyala okhubabacha nende amayiingani-akafuka wulayi. ⁵ . Olwokhuba asyakhaba mbo sindi nanywe mu mubiri, ndi nanywe mu mwooyo khandi ndi musangaafu okhuwona entekekha yenywe endayi nende nga nimuli abomiifu munfukirira yenywe mu Kristo. ⁶ . Kho manu, wusa nga nimwafuna Kristo Yesu nga Omwami, muchanakane no’khumumenyamo, ⁷ muyire emisi khandi mu mweyombakhiremo, mwomiirire mu nfukiirira nga nimwasomesewa khandi nimwidikha wiidikha nende okhwebasaanga. ⁸ . Muwonere elala muuti yiwuma obayira mu wuwambe okhubitira mu makesi kowubacha, akaliwo khu lwemidunga cho’wutu nende ebye’syaalo sino okhulekha khu Kristo. ⁹ . Olwokhuba mu Kristo owichufu wosi woosi owa Weere nje mu wamenya mu ngeri eyomubiri, ¹⁰ khandi muwereseewe owiichufu woosi mu Kristo, nga nje omutwe kwa’mukulu okhukhira amaani koosi nende owunyala. ¹¹ . Mwesi muye mwamala okhukhebewa, mukhutusakho esibi syo’wutu, okhulekha okhukhebewa okhukholewa nende amakhono kabaatu naye nende okhukhebewa okhukholewa nende Kristo, ¹² . nimumalire okhusiikhiwa naye mu khubatiisiwa khandi mwasiingira naye okhubitira mu nfukiirira mu maani ka Weere, owamusiingisa okhutula mu baffu. ¹³ . Nimwali nimwafiira mu bibi byenywe nende muwutaasi wukhebe wenywe owesibi sye syaalo, Weere kabakhola abalamu nende Kristo. Katulekheramo ebibi byeffwe, ¹⁴ namalire okhukhengamo elako eyandiike, nende bilako lidakha, eryali niritatulikho khandi eryali niryemire okhutuyiinganiya; kalitusawo, kalikhomerera khu musalabba. ¹⁵ . Khandi namalire okhutusawo ebyo’khulwaana amaani nende owunyala, kabahola esyohwerolera, kabasenakirira hulwo musalabba. ¹⁶ . Nolwesyo atabawo obakhengera omusango olwesyo simulya oba simunywa, oba khu lwo’muyumo okwediini, omwesi omuyaakha okuwonekhire oba oludaalo lwa Sabbiiti. ¹⁷ . Bino siisiko sye biitu ebyali nokhwiicha; ne amasima kakaaniwa mu Kristo. ¹⁸ . Mutakesangakho yeesi osangalira mu byo’wubacha byo’mubiri nende omutu ngo’yo acha mu bingi mu ebyo byaba nawene, nende ebibaaso byaye ebitaasi byo’mwooyo bimuniiniya amukulu nende ebiitu bilongalongwe. ¹⁹ . Akotire okhwediira khumutwe, khu mubiri kwoosi, okhuyeedewa khandi okhudiiranira alala enyiingo nende ebyomiisa, nga Weere nasikhola okhukhula. ²⁰ . Nga nimwafwa nende Kristo khu bikhulutu bye syaalo sino, lwasi, oti fwaana musiiri nakwo, musichiira khu malako kakwo: ²¹ “Mutadiira! Mutakhoomba! Mutediirakho!”? ²² . Bino byoosi biweraawo mu khusikhirira n’okhukhola, olwokhuba biri khu musingi kwe’biragiro byo’wutu nende ensomesa. ²³ . Ebiragiro nga bino masima biri nende embonekha eyamakesi, nende ensaba yaawe-wusa yibateeyewo, ebyo’wubacha byawe ebyo’mubiri nende okhukhola khu mubiri ne’tima, naye nga biwumamo omugaso mu byo’khusomesa okhweyingisa mu byo’wudamba.