Okhucha E ‘Yerusalemu ¹ . Nikhwamala okhukawukhana nabo, khwatulayo khwengira eryato munyanja lyewunja esikobero sye Koosi, oluddalo lulondakho khwacha e Rodo nokhutulawo khwacha e Patara. ² . Khwakaana emeeri niyambukha niyicha e Foyiniki yikhwaninakho yadira olukendo. ³ Nikhwali khucha okhwewunja Kupulo ngababita emukulu wayo, emeeri yatwosa mu Busuuli. Khwakoba e Ttuulo, emeeri yefwe yiyali niyicha okhutwikhula emikuku chayo. ⁴ . Yikhwakana abeeki eyo, khwasikala nabo ejjuma enamba. Okhubitira mu Mwoyo basaba Paulo okhutacha e Yerusalemu. ⁵ Naye ebikha byefwe nibiweye, khwasingira khwawawo khulukendo lwefwe. Abeeki boosi nabakhasi bawe na’baana batuwerekesa khwatula mu siko, khandi batwoosa khu sikobo yikhwasigama okhusaba. ⁶ . Nikhumalire okhusewulana, khwanina khu meeri, nabo bakowoolayo engo. ⁷ Khwachanakana nolukendo okhutula e Ttuulo, khwakoba e Putolemaayi, yikhwakhesaniya nabasyefwe, yikhwadoηηa nabo okhumala oludaalo. ⁸ . Nikhuwawo oludaalo lulondakho, khwola e Kayisaliya khandi khwaba mu nyumba ya Firipo omuwuulisi we’njiri, mulala khu bo’musanfu. ⁹ . Kali nabakhana banne abali nibatadeekha abalakula. ¹⁰ Nikhwali khwakhamalayo endaalo, nabbi olangiwa Agabasi katula assi e Buyudaaya. ¹¹ . Kelungikha kecha yikhuli, kawukula olukhoba lwa Paulo, kawowa amakhono kaye namakulu nalwo, nawoola ati, “Omwoyo mwolerefu awoola ati, ‘Mungira yinno nje a Bayudaaya ba Bayerusalemu yibacha okhuwowa omwene no’lukhoba lunno khandi bamuweeyo eyiri abateende.’” ¹² Nikhwawulira binno, effwe na’batu abali awo khwekwedda Paulo okhutacha e Yerusalemi. ¹³ . Naye Paulo kakowolamo ati, “Lwasi mumoosa amasika ni mukhalaka omwoyo kwange? Ndi mwetekefu olwo’khutawoyewa khwonηηene, naye ata no’khufwira mu Yerusalemu khu lwerita lwo’Mwami Yesu.” ¹⁴ .Nattanyala okhufukirira, khwabiwaakho khandi khwawoola khuuti, “Okhudakha khwo’Mwami khukholewe.” ¹⁵ Sinno nisyawa, khwetekekhera khandi khwanina khwacha e Yerusalemu. ¹⁶ . Abeeki bandi abatula e Kayisaliya bosi batweyimbakho khandi batuyira mu ddala lya Manasoni, yikhwali nokhuba. Kali musaacha otula mu Kupulo khandi nga mulala khu beeki batangira. Okhwola Khwa Paulo e’Yerusalemu. ¹⁷ Nikhwola e’Yerusalemu, abasyefwe batusangalira lukali. ¹⁸ . Khuludaalo lulondakho Paulo nende efwe abadoηηire khwacha okhuwona Yakobo, nabakhulutu boosi baliiwo. ¹⁹ . Paulo kabakhesa, kabakaniyayira lukali lwene Weere bikali nakholire mu Bateende okhubitira mu wuweresa waye. ²⁰ Nibawulira sinno, bakiniya Weere. Nibamala nibawoolera Paulo baati: “Woona, mwaana wefwe, maliffu kanga aka’Bayudaya abanyalire okhufukirira, ni khandi nga bafwira khulako. ²¹ . Bawoolerwa baati osomesa a Bayudaaya boosi abamenya alala na’bateende bakalukhane okhutula khu Musa, nibabawolera okhutakheba abaana bawe oba okhumenya niboseresa emiduunga che si‘Yudaya. ²² Khunakhole khutye? Paka banawulire baati wichire, ²³ nolwesyo khola nga lu khukhuwoola. Aliwo abatu bane abali ninafwe abamalire okhulayira. ²⁴ . Yira banno batu, munyale okhwelabya khandi osasule amakobi, khu banyale okhubekewa emitwe chawe. Awo wuli otula amanye niyawuma amasima mubibakhulomalomakho, ne mbo ewe wamwene siwalekha owulilira mu malako. ²⁵ Ne eyiri abafukirira Bateende, khubawandikiye nikhubekesa esibaaso syefwe khuuti bakhoyire okhulekhana nemere ye’misambwa, okhutula khu mabanga okhutalya enyama yebyayo bimike nende esifwaabi syo’wudamba.” ²⁶ . Oludaalo lulondakho Paulo kawukula abatu kacha okhwelobya nabo. Namala acha mu nyumba ya Weere okhuwa endaalo echokhulabisiwa chiriwa khandi esiwewayo sinyale okhutusiwa khulwa wuli mulala khubo. Paulo Addiriwa ²⁷ Endaalo musanfu nichali chiri ambi okhuwa, balala khu Bayudaaya bandi okhutula mu Asiya bawona Paulo mu nyumba ya Weere. Basangulusa esidiikha sya batu, bamala bamudiira. ²⁸ . Nibakhumula baati, “Basaacha ba Yisirayiri, mutuyeede! Ono nje omusaacha osomesa abatu boosi wuli awutu nabakawula kawula namalako kefwe mu sifwo sinno. Notusakho esyo, aletire a Bayoonani ambi ne nyumba ya Weere anyasise ne’sifwo syolerefu sinno.” ²⁹ . (Bali bawene Turofilimu omu’Efweso nali naye mu siko esyo nali nende Paulo oludaalo lwali khu’wukhye nibasibasise baati Paulo amuletire mu sifwo syo’lerefu.) ³⁰ Esiko syoosi syadumbukha na’batu batula mu wuli luwande niberukha. Baddira Paulo, bamubirikisya nibamutusa mu nyumba ya Weere, ebikha byene ebyo emiryango chebiriwa chekalwa. ³¹ . Nibali bakesakho okhumwitta, emboosi cholera omukhulutu wabasirikale chiiti esiko sya Yerusalemu sitawukhire. ³² Kanguyirawo okhuwukula balala khu basirikale na’bamaye bekhirira eyali okudiikha kwali kukhubba Paulo, manu okudiikha kwa batu bali bamukhubba nibawona abasirikale na’bakhongo bawe nibecha balekherawo okhukhubba Paulo. ³³ . Omukhulutu wa basirikale kola nadiira Paulo kalagira bamuwowe nenjegere chibiri. Namala ateeba ati ono kali nje nanu ni khandi kali akholire si. ³⁴ Abandi mu kudiikha bakhumulanga esitu sirala na’bandi esindi ne omukhongo nga lukali natengisa bibawolanga mukukhero nga syadisya masima okhwema khukukhero, kalagira ati Paulo bamuyire mu daala lyaye oba (Husiriwa sya Barakisi) ³⁵ . Ne Paulo nikola khu madara kanina amukulu, abasirikale bamukinga olwesidiikha okhwemeeda mukhutawukha no’wululu. ³⁶ . Okunawungi kwa batu okwalondangakho kwemeeda okhukhumula kuuti, “Mu’mumalewo!” Paulo Alomaloma Eyiri Esidiikha ³⁷ Abasirikale nibali ambi okhumwingisa mu barakisi, kasaba omukhulutu wa basirikale ati, “Mwankhafukirira nalomalomakho esitu syoosi yoli?” Omukhongo kamuteeba ati, “Olomaloma oluyonani?” Naye kabakowolamo ati. ³⁸ . “Siniwe Omumisiri owaleeta akhediimo watangirira ambi ano abeeti eliffu chine wabayira musichimi?” ³⁹ Paulo kabakowolamo ati, “Ese ndi mu Yudaaya, otula mu Tarusisi mu Silisia omwiwulwa we’siko sikhulutu. Nkhusaba nomalomekho eyiri abatu.” ⁴⁰ . Namalire okhufukirirwa nende omulukhutu wabasirikale owo’wunyala, Paulo kema khumadara kakhosesa owuwonero okhuwunjeesa abatu. Nibawuleye bosi boosi, kabawolera mu lwi’Bbulaniya: