¹ Nolwesyo, khuba Kurisito kasanda mu mubiri kwaye, mwambale mwabene mwesi nembasa nasirala, khulwokhuba oyo owasanda mu mubiri kwaye kasikhola khulwe sibi. ² Esitulamo, syabawo mu wulamu wo’khusyalo olwe’sibi nga akendera khu wekombi wo’mubiri, naye khu lwo khudakha khwa Weere. ³ Khulwokhuba omalire endaalo nyiingi echibitire no’khola abatamanyire Weere bibadolakho okhukhola__ nibabawo mu wiiti, owekombi, mu wumeesi, wo’kuliira, no’wumeesi wo’mumikholo, okhudokaana no’khwinamira emisambwa mibi. ⁴ Babaasa baati sy’okhuwuka si mweduba alala nabo mu mukhula kwesifwaabi, khandi babakuchikhakho amanyeko. ⁵ Naye baliteekwa okhuwa embalirira yaali oyo omwetekefu okhukhengera omusango abalamu na’bafu. ⁶ Sakira yino nje ensonga yakira enjiri yawuulirwa nende eyiri abafu wunanu, kho sinyalikhe okhukhengerwa mu sigero syabaatu khu lwe’mbya cho’mubiri, ne ba omulamu okhwema khu Weere khu lwo’mwoyo. ⁷ Enjakamo ye biitu byoosi yiri ambi. Nolwesyo mube moni khandi balengaala mu bibaaso kho munyale okhwekalikhira. ⁸ Amukulu wa byoosi, mudakhane mulala khu mulala okhwoloberera, khulwokhuba okhudakha khuwiikha esibika sy’ebibi. ⁹ Musangalanirenge eyiri wuli mulala khuwuundi atali khweηuluηunya. ¹⁰ Wuli mulala khwiywe akhosese esiwanwa syoosi sikawewa okhuweresa abandi, nga abayeresa munfukirira ye sisa sya Weere mu ngira echitali nasirala. ¹¹ Nisiba nti omutu alomaloma, basikhole nga mulala olomaloma emboosi chene echa Weere. Nisiba nti omutu yeesi aweresa, basikhole n’amaani Weere kakabaweresa, kho sibe nti Weere afumwa mu byoosi okhubitira mu Yesu Kurisito. Oluyaali lube yaali na’maani endaalo choosi. Amiina. Okhusanda Olwokhuba OmuKurisitaayo ¹² Beecha bange badakhwa, mutesindukha khu lwokhukhemewa khwo wuchuuni wumuli okhubitamo oti faana esitu sikeni esibekholekhirekho. ¹³ Ne musangaale muuti musaandira alala mu Kurisito, kho munyale okhwichula ensangaalo oluyaali lwaye ni lulyeyekesa. ¹⁴ Nisiba mbo munyekewa khulw’erita lya Kurisito, muli ne’nkhabi, khulwo’luyaali lwo mwoyo nende Weere awumulira khwinywe. ¹⁵ Ni musaanda, si siri nga omwiti oba omwibi oba nga omukholi we sibi oba oweyingisise mu mirimo chabandi. ¹⁶ Nende siri siityo, no’saanda nga omu Kurisitaayo, otaba no’khuswala, naye fumiya Weere khulwokhuba wafuna erita eryo. ¹⁷ Khuba nje’sikha esyokhukhengerwa nga bachakira khu nyumba ya Weere; ne nisiba mbo sisokha nafwe, biriba bitye eyiri abo abatafukirira enjiri ya Weere? ¹⁸ Khandi, “nisiba mbo syomeranu eyiri abalungifu okhuwonesewa, siriba siitye eyiri abatamanyire Weere nende abakholi b’ebibi?” ¹⁹ Manu olwo, abasaanda olwokhudakha khwa Weere bakhoyire beweyo abeene eyiri omulongi wawe omwesikwa khandi bachiririre mu moni okhukhola ebirayi. 1