¹ Eyiri abakhulutu mwinywe, mbasaba nga mulala khubakhulutu basyenywe, ngo’mujulisi owe’saando cha Kurisito khandi yesi olikabana mu luyaali lucha okhukisuliwa: ² Mube baayi be byayo bya Weere ebiri assi wo’khulabirira khwenywe, okhukhola nga abalabirisi__ sikhulwokhuba mutekwa, ne khulwokhuba mu fukirira mukhudakha, nga Weere lwabadakha mube; si khu lw’olussa lwe’erubya, naye olwo’khudakha okhuweresa; ³ owutata owusito khwabo ba mwayeresewa, naye mube ebyo’khuwonerakho eyiri ebyayo. ⁴ Khandi omwayi mukhuluutu nikoola, mulifuna engule y’oluyaali eyitalichuchukha ata nawutono. ⁵ Mu mbya nasirala, enywe abasyaani basimbukha muwulirenge abakhuluutu benywe. Enywe mwesi mweesi, mwabene mwambale owuloonga akati wenywe, okhuba nti, “Weere ayinganiya abeniniya ne kayeresa esisa abaloonga.” ⁶ Nolwesyo, mube baloonga abeene, assi w’omukhono kwa’maani kwa Weere, khwabe nga abasingisa amukkulu mu sikha syaye sikhoyere. ⁷ Mu musukunekho okhweralikhirira khwenywe khulwokhuba abafwakho. ⁸ Mwerinde abeene khandi mube moni. Omusuku wenywe setani kabaabira ng’empologama yikonya omutu w’okhukusuchula. ⁹ Mu muyinganiye, mweme nimuli abomiifu mu nfukirira, khulwokhuba mu manyire muuti abasyenywe mu syalo syoosi bali okhubitaanga mu mbeera yo’khusaanda nasirala. ¹⁰ Khandi Weere we sisa syoosi, owabalanga mu luyaali lutawawo mu Kurisito, nimumalire okhusandakho wutono, acha omwene okhubakowosa, abakhole mube ba maani, bomifu khandi atali khukwa. ¹¹ Eyiri omwene yibe amaani endaalo ne’ndaalo. Amiina. Amakheeso kakamayo. ¹² No’wuyeedi wa Silla, yimbira nga mwanawama mwesikwa, mbawadiikiye mu wimbikiti, nimbakumiya nga mbawa owujulisi nti sino nje esisa sya masima ka Weere mwene. Musyomiriremo. ¹³ Owesikhaye oli mu Bbabbilooni, owadolewa alala nanywe, abatumira amakheeso nende omusyaani wange Maako. ¹⁴ Mukhesaniye nimukwichana mubirifu no’khudakha. Emirembe chibe nanywe abali mu Kurisito.