¹ Ne wagwa enjala mu nsi, egendi so ti eyo ey'oluberyeberye eyagwire mu naku gya Ibulayimu. Isaaka n'ayaba eri Abimereki kabaka wa Abafirisuuti mu Gerali. ³ bba mu nsi eno, Nzeena naabbanga wamu naiwe, era naakuwanga omukisa; kubanga iwe n'eizaire lyo ndibawa imwe ensi gino gyonagyona, era naanywezanga ekirayiro kye nalayiirire Ibulayimu itaawo; ² Mukama n'amubonekera, n'atumula nti Toserengeta mu Misiri; tyama mu nsi gye nakukobereku: ⁴ era nayalyanga ezaire lyo ng'emunyenye egy'omu igulu, era ndiwa ezaire lyo ensi gino gyonagyona; no mu zaire lyo amawanga gonagona ag'omu nsi mwe galiweerwa omukisa; ⁵ kubanga Ibulayimu yawuliranga eidoboozi lyange, ne yeekuumanga bye namukuutiranga, ebigambo byange, amateeka gange, n'ebiragiro byange. ⁶ Isaaka n'atyama mu Gerali: ⁷ abasaiza baayo ne bamubuulya ku mukali we; n'atumula nti niiye mwainyoko we: kubanga yatiire okutumula nti Mukali wange; abasaiza baawo baleke okungita olwa Lebbeeka: kubanga yabbaire musa okubona. ⁸ Awo olwatuukire, bwe yabbaire yaakamalayo ebiseera bingi, Abimereki kabaka wa Abafirisuuti n'alingirira mu dirisa, n'abona, era bona, Isaaka yabbaire ng'azanya no Lebbeeka mukali we. ⁹ Abimereki n’ayeta Isaaka n'amugamba nti Bona mazima niiye mukali wo: weena watumwire otyo nti niiye mwainyoko wange? Isaaka n’amukoba nti Kubanga nabbaire ntumula nti Ndeke okufa ku bubwe. ¹⁰ Abimereki n'atumula nti Kino kiki ky'otukolere? omumu ku bantu yaadigonere no mukali wo nga talowoozerye, weena wandituleetereku omusango. ¹¹ Abimereki n'akuutira abantu bonabona, ng'atumula Buli eyakwatanga ku musaiza oyo oba mukali we talirema kwitibwa. ¹² Isaaka n'asiga mu nsi eyo, n'afuna mu mwaka ogwo emirundi kikumi: Mukama n'amuwa omukisa. ¹³ Omusaiza n'akula ne yeeyongerayongeranga okutuusya bwe yabbaire omukulu einu: ¹⁴ era yabbaire n'embuli gye n'ente gye, n'abaidu baagi: n'akwatisya Abafirisuuti eiyali. ¹⁵ Awo ensulo gyonagyona abaidu ba itaaye gye baasimiire mu naku gya Ibulayimu itaaye, Abafirisuuti babbaire nga bagizibire era nga bagiizwirye eitakali. ¹⁶ Abimereki n'akoba Isaaka nti yaba tuveeku; kubanga otusinga inu amaani. ¹⁷ Isaaka n’avaayo, n'asimba eweema gye mu kiwonvu eky'e Gerali, n'atyama omwo. ¹⁸ Isaaka n'ayerula ensulo gy'amaizi, gye baasimiire mu naku gya Ibulayimu itaaye; kubanga Abafrrisuuti bagizibire Ibulayimu bwe yamalire okufa: n'agyeta amaina gagyo ag'amaina bwe gabbaire itaaye ge yagituumire. ¹⁹ Abaidu ba Isaaka ne basima mu kiwonvu, ne babona omwo ensulo y'amaizi amalamu. ²⁰ N'abasumba ab'e Gerali ne bawakanya abasumba ba Isaaka, nga batumula nti' Amaizi gaisu: n'atuuma ensulo eriina lyayo Eseki; kubanga bawakaine naye. ²¹ Ne basima ensulo egendi, era yoona ne bagiwakanira: n'agituuma eriina lyayo Situna. ²² N'akyuuka okuvaayo, n'asima ensulo egendi; yoona ne batagiwakanira; n'agituuma eriina lyayo Lekobosi; n'atumula nti Kubanga watyanu Mukama atugaziyirye, feena tulyalira mu nsi. ²³ N'avaayo n'aniina e Beeruseba. ²⁴ Mukama n'amubonekera obwire obwo, n'atumula nti Niinze Katonda wa Ibulayimu itaawo: totya, kubanga nze ndi wamu naiwe era nakuwanga omukisa, era nayongeryanga ezaire lyo ku bw'omwidu wange Ibulayimu. ²⁵ N'azimba ekyoto eyo, n'akoowoola eriina lya Mukama, n'asimba eyo eweema ye: n'eyo abaidu ba Isaaka ne basimayo onsulo. ²⁶ Abimereki kaisi n'ava mu Gerali n’ayaba gy'ali, no Akuzasi mukwanu gwe, no Fikoli omukulu w'eigye lye. ²⁷ Isaaka n'abakoba nti Kiki ekibaleetere gye ndi, bwe mubba nga munkyawa, era mwambingire gye muli? ²⁸ Ne batumula nti Twaboneire dala nga Mukama ali naiwe: ne tutumula nti Wabbeewo ekirayiro gye tuli, wakati waisu naiwe, era tulagaane endagaanu naiwe; ²⁹ obutatukolerangaku kabbiibi, nga ife bwe tutakukwatangaku, era nga bwe tutakukoleranga kantu wabula ebisa, era ne tukusindika n'emirembe; atyanu niiwe oyo Mukama gw'awa omukisa. ³⁰ N'abafumbira embaga, ne balya ne banywa. ³¹ Ne bagolokoka amakeeri mu makeeri, ne balayiragana: Isaaka n'abasebula, ne bamuvaaku n'emirembe. ³² Awo olwatuukire ku lunaku olwo, abaidu ba Isaaka ne baiza, ne bamubuulira ku nsulo gye babbaire basimire, ne bamukoba ati Tuboine ensulo. ³³ N'agituuma Siba; eriina ly'ekibuga kyeriva libba Beeruseba ne Watyanu. ³⁴ Esawu bwe yabbaire nga yaakamala emyaka ana n'akwa Yudisi omwana wa Beeri Omukiiti, ne Basimansi omwana wa Eromi Omukiiti: ³⁵ ne banakuwalya Isaaka ne Lebbeeka emeeme gyabwe.