¹ Naye Sawulo bwe yabbaire akaali Atumula ebigambo eby'okukanga n'eby'okwita abayigirizwa ba Mukama waisu, n'ayaba eri kabona asinga obukulu, ² n'amusaba ebbaluwa egy'okwaaba e Damasiko, eri amakuÅ‹aaniro, bw'alibonayo abantu ab'engira, oba nga basaiza oba bakali, abasibe abaleete e Yerusaalemi. ³ Awo bwe yabbaire ng'atambula, ng'alikumpi okutuuka e Damasiko, amangu ago omusana oguva mu gulu ne gumwakira okumwetooloola, ⁴ n'agwa wansi, n'awulira eidoboozi nga limukoba nti Sawulo, Sawulo, onjiganyirya ki? ⁵ N'akoba nti Yani iwe, Mukama wange? Iye n'akoba nti Ninze Yesu, gw'oyiganya iwe: ⁶ naye golokoka oyingire mu kibuga; wakobera ebikugwaniire okukola. ⁷ Naye ababbaire batambula naye ne bemerera nga basamaalirire, kubanga baawuliire eidoboozi naye ne batabona muntu. ⁸ Sawulo n'agolokoka wansi, amaiso ge bwe gaazibukire, n'atabona kintu: ne bamukwata ku mukono ne bamuleeta e Damasiko. ⁹ N'amala enaku isatu nga tabona, era nga talya, waire nga tanywa. ¹⁰ Yabbaireyo omuyigirizwa mu Damasiko, erinnya lye Ananiya; Mukama waisu n'amukoba mu kwolesebwa nti Ananiya. N'amukoba nti Bona, nze nzuuno, Mukama wange. ¹¹ Mukama waisu n'amukoba nti Golokoka oyabe mu ngira eyetebwa Engolokofu, obuulirizie mu nyumba ya Yuda omuntu eriina lye Sawulo ow'e Taluso; kubanga, bona, asaba; ¹² era aboine omuntu, eriina lye Ananiya, ng'ayingira, ng'amuteekaku emikono azibule. ¹³ Naye Ananiya n'airamu nti Mukama wange, omuntu oyo nawuliire ebigambo bye mu bangi, obubbiibi bwe yakolanga abatukuvu be abali e Yerusaalemi bwe buli obungi: ¹⁴ ne wano alina obuyinza obuva eri bakabona abakulu okubasiba bonabona abakusaba eriina lyo. ¹⁵ Naye Mukama waisu n'amukoba nti Yaba; kubanga oyo niikyo ekibya ekironde gye ndi okutwalanga eriina lyange mu maiso g'amawanga na bakabaka n'abaana ba Isiraeri. ¹⁶ Kubanga ndimulaga ebigambo bwe biri ebingi ebimugwaniire okubonyaabonyezebwa olw'eriina lyange. ¹⁷ Ananiya n'ayaba n'ayingira mu nyumba, bwe yamutekereku emikono n'atumula nti Ow'oluganda Sawulo, Mukama waisu antumire, Yesu eyakubonekeire mu ngira gye wafulumiremu, ozibule, oizulibwe Omwoyo Omutukuvu. ¹⁸ Amangu ago ku maiso ge ne kuba ng'okuviireku amagamba, n'azibula, n'ayemerera n'abatizibwa: ¹⁹ bwe yatoire emere n'afuna amaani. N'abba n'abayigirizwa ababbaire mu Damasiko enaku nyingiku. ²⁰ Amangu ago n'abuulira Yesu mu makuÅ‹Å‹aaniro ng'oyo niiye Omwana wa Katonda. ²¹ Bonabona abaamuwuliire ne beewuunya ne bakoba nti Ti niye ono eyanyaganga mu Yerusaalemi abaasabanga eriina eryo? niikyo ekyamuleetere ne wano abasibe abatwale eri bakabona abakulu. ²² Naye Sawulo ne yeeyongeranga okubba n'amaani n'akwatisianga ensoni Abayudaaya ababbaire batyama e Damasiko, ng'ategeerezia dala nti oyo niiye Kristo. ²³ Awo bwe wabitirewo enaku nyingi, Abayudaaya ne bateesia okumwita. ²⁴ Naye amagezi gaabwe Sawulo n'agamanya. Ne bateeganga ne ku nzigi emisana n'obwire okumwita. ²⁵ Naye abayigirizwa be ne bamutwala obwire ku kisenge, ne bamwikiriria mu kiibo. ²⁶ Bwe yatuukiire e Yerusaalemi n'ageziaku okwegaita n'abayigirizwa: ne bamutya bonabona, nga bakaali kwikiriya nga naye muyigirizwa. ²⁷ Naye Balunaba n'amutwala n'amuleeta eri abatume, n'abanyonyola bwe yaboine Mukama waisu mu ngira, era nti yatumwire naye, ne bwe yabuuliire n'obugumu mu Damasiko mu liina lya Yesu. ²⁸ N'abbanga wamu nabo ng'ayingiranga ng'afulumanga mu Yerusaalemi, ²⁹ ng'abuuliranga n'obugumu mu liina lya Mukama waisu: n'atumula n'awakananga n'Abakerenisiti: naye ne bageziaku okumwita. ³⁰ Ab'oluganda bwe baategeire ne bamutwala e Kayisaliya, ne bamusindika e Taluso. ³¹ Awo ekanisa eyabbaire mu Buyudaaya bwonabwona no mu Galiraaya no mu Samaliya n'ebba n'emirembe, ng'ezimbibwanga; era ng'etambuliranga mu kutya Mukama waisu no mu isanyu ery'Omwoyo Omutukuvu ne yeeyongera. ³² Awo olwatuukire Peetero bwe yabbaire ng'abita wonawona, n'aserengeta eri abatukuvu ababbaire batyama mu Luda: ³³ n'asangayo omusaiza eriina lye Ayineya eyabbaire yaakamala ku kitanda emyaka munaana, olw'endwaire y'okukoozimba. ³⁴ Peetero n'amukoba nti Ayineya, Yesu Kristo akuwonya: yemerera, weeyalire. Amangu ago n'ayemerera. ³⁵ Bonabona ababbaire batyama mu Luda ne mu Saloni ne bamubona ne bakyukira Mukama waisu. ³⁶ Awo wabbairewo mu Yopa omukali omuyigirizwa, eriina lye Tabbiisa (okutegeezebwa kwalyo ayetebwa Doluka): omukali oyo yabbaire aizwire ebikolwa ebisa n’abintu bye yagabanga. ³⁷ Olwatuukire mu naku egyo n'alwala n'afa: bwe baamalire okumunaabya ne bamuteeka mu kisenge ekya waigulu. ³⁸ Era kubanga Luda kyabbaire kumpi ne Yopa, abayigirizwa bwe baawuliire nga Peetero aliyo, ne bamutumira abantu babiri nga bamwegayirira nti Tolwa, tuukirira gye tuli. ³⁹ Peetero n'agolokoka n'ayaba nabo. Bwe yatuukiire ne bamutwala mu kisenge ekya waigulu: na banamwandu bonabona ne beemerera kumpi naye, nga bakunga nga boolesia ebizibawo n'ebivaalo Doluka bye yakolanga ng'akyali nabo. ⁴⁰ Naye Peetero n'abafulumya bonabona n'afukamira n’asaba; n'akyukira omulambo n'akoba nti Tabbiisa, yemerera. N'azibula amaiso ge; awo bwe yaboine Peetero, n'agolokoka n'atyama. ⁴¹ N'amuwa omukono n'amuyimusia; awo bwe yamalire okweta abatukuvu ne banamwandu, n'amuleeta, nga mulamu. ⁴² Ne kitegeerwa mu Yopa kyonakyona; bangi ne baikirirya Mukama waisu. ⁴³ Awo olwatuukire n'alwayo enaku nyingi mu Yopa mu nyumba ya Simooni omuwazi w'amawu.