¹ Agulipa n'akoba Pawulo nti Okwikirizibwa okuwoza ensonga gyo. Awo Pawulo kaisi n'agolola omukono n'awozia nti ² Bye navunaaniibwe Abayudaaya byonabyona, kabaka Agulipa, neesiimire kubanga njaba okubiwozia atyanu w'oli; ³ era okusinga kubanga omaite empisa n'ebibuuzibwa byonabyona ebiri mu Bayudaaya: kyenva nkwegayirira ogumiinkirize okumpulira. ⁴ Kale empisa gyange okuva mu butobuto egyaasookere okubbanga mu igwanga lyaisu no mu Yerusaalemi, Abayudaaya bonabona bagimaite; ⁵ abantegeera okusooka eira, singa bataka okutegeera, bwe negenderezianga mu kitundu ekisinga obuzibu eky'eidiini lyaisu, ne mba Mufalisaayo. ⁶ Kaakano nyemereire okusalirwa omusango olw'eisubi Katonda lye yasuubizi bazeiza baisu; ⁷ lye basuubiire okutwikaku ebika byaisu eikumi n'ebibiri, nga banyiikira okuweerezanga Katonda emisana n'obwire: olw'eisuubi eryo, kabaka, Abayudaaya kyebaviire bampabira. ⁸ Kiki ekibalowoozesia nti tekisoboka Katonda okuzuukizia abafu? ⁹ Mazima nze nalowoozanga nzenka nga kiÅ‹waniire okukolanga obubbiibi ebigambo bingi ku linnya lya Yesu Omunazaaleesi. ¹⁰ N'okukola ne nkolanga ntyo e Yerusaalemi nze ne nsiibanga mu makomera abatukuvu baamu bangi, bwe naweweibwe obuyinza eri bakabona abakulu, era bwe baitibwe, ne ngikirirya okubaita. ¹¹ Era bwe nababonere zianga mirundi mingi mu makuÅ‹aaniro gonagona ne mbawalirizianga okuvoola; ne mbasunguwaliranga Inu ne mbayiganyanga okutuuka mu bibuga eby'ewanzq. ¹² Awo bwe nabbaire nga njaba e Damasiko nga nina obuyinza n'okulagirwa okwaviire eri bakabona abakulu, ¹³ mu ituntu, kabaka, ne mbona mu ngira omusana ogwaviire mu igulu ogusinga okwaka kw'eisana ne gumasamasa ne guneetooloola n'ababbaire batambula nanze. ¹⁴ Ne tugwa fenafena wansi ne mpulira eidoboozi nga litumula nanze mu lulimi Olwebbulaniya nti Sawulo, Sawulo, onjigganyiza ki? niikyo kizibu iwe okusamba ku miwunda. ¹⁵ Nze ne nkoba nti Niiwe ani, Mukama wange? Mukama waisu n'ankoba nti Niinze Yesu, gw'oyiganya iwe. ¹⁶ Naye golokoka, oyemerere ku bigere byo: kyenvire nkubonekera, nkulonde obbenga omuweereza era omujulizi w'ebyo mw'omboneire era ow'ebyo mwe nakubonekeranga, ¹⁷ nga nkuwonya mu bantu no mu b'amawanga, nze gye nkutuma okuzibula amaiso gaabwe, ¹⁸ bakyuke okuva mu ndikirirya baire eri omusana n'okuvamu buyinza bwa Setaani baire eri Katonda, kais baweebwe okutoolebwaku ebibbiibi n'obusika mu abo abatukuzibwa okw'okwikirirya nze. ¹⁹ Kale, kabaka Agulipa, tinalemere kugondera okwolesewa okw'omu igulu: ²⁰ naye nasookere okubuulira ab'omu Damasiko no mu Yerusaalemi, era n'ensi yonayona ey'e Buyudaaya n'ab'amawanga okwenenya n'okukyukira Katonda, nga bakolonga ebikolwa ebisaaniire okwenenya. ²¹ Abayudaaya kyebaviire bankwata mu yeekaalu ne bageziaku okungita. ²² Kale bwe nafunire okubbeerwa okwava eri Katonda, Okutuusia ku lunaku luno nyemereire nga ntegeeza abatobato n'abakulu, nga tintumula kigambo wabula banabbi ne Musa bye batumwire nga byaba okwiza; ²³ ne kigwanira Kristo okubonyaabonyezebwa; era iye bw’alisooka mu kuzuukira kw’abafu okubuulira omusana abantu n’ab’amawanga. ²⁴ Bwe yawozerye atyo Fesuto n'akoba n'eidoboozi inene nti Olalukire, Pawulo: okusoma okwo okungi kukukyusia okubba omulalu. ²⁵ Naye Pawulo n'akoba nti Tindalukire, Fesuto omusa einu, naye ntumula ebigambo eby'amazima eby'obuntu bulamu. ²⁶ Kubanga kabaka amaite ebigambo bino, gwe ntumulira mu maiso ge n'obugumu. Kubanga maite ebigambo bino tibyegisire eri kabaka n'ekimu; kubanga ekyo tekyakoleibwe mu bwibbi. ²⁷ Oikirirya banabbi, kabaka Agulipa? Maite ng'oikirirya. ²⁸ Agulipa n'akoba Pawulo nti Otaka kunsendasenda onfuule Omukristaayo; ²⁹ Pawulo n'akoba nti Nandisabire Katonda olw'okusendasenda okutono oba okunene ti niiwe wenka era naye ne bonabona abampulira atyanu okufuuka nga nze awabula kusibibwa kuno. ³⁰ Kabaka n'agolokoka n'oweisaza na Berenike n'ababbaire batyaime awamu nabo; ³¹ bwe bairireyo eika, ne batumula bonka na bonka nga bakoba nti Omuntu ono takolere ekisaaniire okumwitisya oba okumusibisya. ³² Agulipa n'akoba Fesuto nti Omuntu ono yandisiboire okulekulibwa, singa teyajuliire Kayisaali.