¹ Awo Fesuto bwe yatuukiire mu isaza, bwe waabitirewo enaku isatu, n'ava mu Kayisaliya n'aniina e Yerusaalemi. ² Bakabona abakulu n'abakungu b'Abayudaaya ne bamukobera Pawulo bye yaloopeibwe; ne bamwegayirira, ³ nga bataka abakole obusa ku iye, amutumire okwiza e Yerusaalemi; bamuteegere mu ngira okumwita. ⁴ Naye Fesuto n'airamu nti Pawulo akuumirwa mu Kayisaliya, naye iye mweene yabbaire ng'ali kumpi okuvaayo okwaba. ⁵ N'akoba nti Kale abakulu mu imwe baabe nanze, bamuvunaane oyo oba ng'aliku ekibbiibi kyonakyona. ⁶ Bwe yamalireyo ewaabwe enaku egitaasingawo munaana oba ikumi, n'aserengeta e Kayisaliya; ku lunaku olw'okubiri n'atyama ku ntebe esalirwako emisango, n'alagira okuleeta Pawulo. ⁷ Bwe yatuukire Abayudaaya abaava e Yerusaalemi ne bemerera okumwetooloola, nga baleeta ebimuvunaanwa bingi era ebizibu, bye batasobola kulumirirya; ⁸ Pawulo n'awoza nti Tinyonoonanga mu mateeka g'Abayudaaya waire ku yeekaalu waire eri Kayisaali. ⁹ Naye Fesuto, bwe yatakire Abayudaaya okumusiima, n'aramu eri Pawulo n'akoba nti Otaka okwaba e Yerusaalemi osalirwe eyo omusango gw'ebigambo bino mu maiso gange? ¹⁰ Naye Pawulo n'akoba nti Nyemereire awali entebe esalirwaku emisango eya Kayisaali, we Å‹waniire okusalirwa omusango: tinyonoonanga eri Abayudaaya, era nga weena bw'otegeerera dala okusa. ¹¹ Kale oba nga nayonoonere era nga nakolere ekigambo ekisaaniire okunzisa, tingaana kufa: naye oba nga bano ebigambo bye banvunaana nga tebiriiwo na kimu, Wabula muntu asobola okumpaayo mu ibo. Njulira Kayisaali. ¹² Fesuto bwe yamalire okuteesia nabo mu lukiiko kaisi nairamu nti Ojuliire Kayisaali: olyaba eri Kayisaali. ¹³ Awo bwe waabitirewo enaku, Agulipa kabaka no Berenike ne batuuka e Kayisaliya, ne basugirya Fesuto. ¹⁴ Bwe baamalireyo enaku nyingi, Fesuto n'abuulira kabaka ebigambo bya Pawulo ng'akoba nti Waliwo omuntu Ferikisi gwe yalekere nga musibe: ¹⁵ bwe nabbaire mu Yerusaalemi bakabona abakulu n'abakaire b'Abayudaaya ne bambuulira ebigambo bye, nga bataka okumusalira omusango. ¹⁶ Ne mbairamu nti Ti mpisa ya Barooma okuwaayo omuntu abamuvunaana nga bakaali kubbaawo mu maiso ge, era nga bakaali kuweebwa ibbanga lyo kuwozya bye bamuvunaana. ¹⁷ Awo bwe baakuÅ‹aaniire wano, tinalwiire n'akatono, naye ku lunaku olw'okubiri ne ntuula ku ntebe esalirwaku emisango ne ndagira okuleeta omusaiza oyo. ¹⁸ Bwe bayemereire abamuvunaana ne bataleeta nsonga ye bigambo bibbiibi nga bwe nabbaire ndowooza; ¹⁹ naye babbaire ku iye ebibuuzibwa mu idiini lyaabwe n'eby'omuntu Yesu eyafiire, Pawulo gwe yatumwireku okubba omulamu. ²⁰ Nzeena bwe nabulirwe bwe naakebeire ebyo, ne mubuulya ng'ataka okwaba e Yerusaalemi okusalirwayo omusango ogwa bino. ²¹ Naye Pawulo bwe yajuliirwe okukuumibwa okusalirwa omusango eri Augusito, ne ndagira okumukuuma okutuusia lwe ndimuweererya eri Kayisaali. ²² Agulipa n'akoba Fesuto nti Nanditakire nzeena okuwulira omuntu oyo. N'akoba nti Eizo olimuwulira. ²³ Awo ku lunaku olw'okubiri Agulipa ne Berenike bwe baizire n'ekitiibwa ekinene era bwe bayingiire mu kifo awawulirirwa emisango wamu n'abaami abakulu n'abakungu ab'omu kibuga, Fesuto n'alagira Pawulo n'aleetebwa. ²⁴ Fesuto n'akoba nti Agulipa kabaka naimwe mwenamwena abali wano naife, mumubona ono, ekibiina kyonakyona eky'Abayudaaya gwe gwebegayiririra mu Yerusaalemi ne wano nga batumulira waigulu nti tekimugwaniire kubba mulamu ate. ²⁵ Naye nze ne ntegeera nga takolere kigambo ekisaaniire okumwitisya: naye iye bwe yajuliire Augusito ne nsaba okumuweerelyayo. ²⁶ Mbula kigambo ku iye eky'amazima okuwandiikira mukama wange. Kyenviire muleeta we muli, era okusinga w'oli, iwe kabaka Agulipa, bwe twamala okumukemererya kaisi mbe n'ekigambo eky'okuwandiika. ²⁷ Kubanga mbona nga kyo busiru okuweereza omusibe n'obutawulira nsonga egiri ku iye.