¹ Enaku bwe gyabitirewo etaanu, kabona asinga obukulu Ananiya n'aserengeta n'abakaire abamu n'omuntu omutumuli Terutuulo: abo ne bakobera oweisaza ebigambo Pawulo bye yaloopeibwe. ² Bwe yayeteibwe, Terutuulo n'atandika okumuloopa ng'akoba nti Kubanga twabbaire tufunire emirembe mingi eri iwe, n'ebigambo ebibbiibi nga birongoosebwa mu igwanga lino olw'okulabirira kwo, ³ tubikirirya enaku gyonagyona no mu bifo byonabyona, Ferikisi omusa einu, n'okwebalya kwonakwona. ⁴ Naye ndeke okutumula okukukooya, nkwegayirire otuwulire mu bigambo bitono olw'obusa bwo. ⁵ Kubanga twaboine omuntu ono nga mubbiibi inu, ajeemesia Abayudaaya bonabona abali mu nsi gyonagyona, era niiye mukulu w'ekitundu ky'Abanazaaleesi: ⁶ yagezeryeku okwonoona yeekaalu: ne tumukwata, ne tutaka okumusalira omusango ng'amateeka gaisu bwe gali: ⁷ naye omwami omukulu Lusiya n'aiza n'amututoolaku mu mikono gyaisu n'amaani mangi, ⁸ bwe yalagiire abamuvunaana okwiza gy'oli: bwewamwebuulirya wenka wasobola okutegeera bino byonabyona bye tumuvunaana. ⁹ Era n'Abayudaaya ne bamuloopa bumu nga bakoba nti bityo bwe biri. ¹⁰ Awo oweisaza bwe yamuwenyere okutumula, Pawulo n'airamu nti Kubanga maite ng'oli mulamuzi w'eigwanga lino okuva mu myaka mingi, nkuwozerya ebigambo byange n'omwoyo omugumu; ¹¹ kubanga oyinza okutegeera ng'enaku gikaali kubita ikumi n'eibiri! kasookede niina e Yerusaalerni okusinza: ¹² so bakaali kusanga mu yeekaalu nga mpakana n'omuntu oba nga njeemesia ekibiina waire mu ukuÅ‹aaniro waire mu kibuga. ¹³ So tebasobola kukakasia w'oli ebigambo bye banvunaana atyanu. ¹⁴ Naye kino nkyatula w'oli nti Engira nga bweeri gye babita engikirirya, ntyo bwe mpeereza Katonda wa bazeiza baisu, nga ngikirirya byonabyona ebyawandiikiibwe mu mateeka no mu bya banabbi; ¹⁵ nga ndina eisuubi eri Katonda, era naabo beene lye basuubira, nti walibbaawo okuzuukira kw'abatuukirivu era n'abatali batuukirivu. ¹⁶ Era nyiikira mu kigambo ekyo okubbanga n'omwoyo ogubula musango eri Katonda n'eri abantu enaku gyonagyona. ¹⁷ Awo emyaka mingi bwe gyabitirewo ne ngiza okuleeta eby'abaavu eri eigwanga lyaisu n'ebiweebwayo: ¹⁸ bwe nabbaire mu ebyo Abayudaaya abamu abaviire mu Asiya ne bansanga mu yeekaalu nga ntukuzibwa, nga mbula kibiina waire oluyoogaano; ¹⁹ abagwaniire okubba w'oli n'okunumirirya oba nga balina ekigambo ku nze. ²⁰ Oba bano batumule beene ekibbiibi kye baboine bwe nayemereire mu lukiiko ²¹ wabula olw'eidoboozi lino erimu lye natumuliire waigulu, nga nyemereire mu ibo, nti Olw'okuzuukira kw'abafu nsalirwa omusango gye muli ku lunaku luno. ²² Naye Ferikisi, kubanga iye yabbaire abasinga okumanya ebigambo eby'Ebyengira, n'abalwisaawo ng'akoba nti bw'aliserengeta Lusiya omwami omukulu, ndisala omusango gw'ebigambo byanyu. ²³ N'alagira omwami okumukuuma n'okumuwa eibbanga; n'obutaziyiza muntu yenayena ku mikwanu gye, okumuweereza. ²⁴ Naye enaku bwe gyabitirewo Ferikisi n'aiza no mukali we Dulusira, Omuyudaaya, n'ayeta Pawulo n'amuwulirizia ku bigambo eby'okwikirirya Kristo Yesu. ²⁵ Bwe yabbaire ng'ateeza eby’obubutuukirivu, n'eby'okwegenderezia, n'eby'omusango ogugenda okwiza, Ferikisi n'atya n'airamu nti Yaba atyanu; bwe ndibba n’eibbanga, ndikweeta. ²⁶ Era n'asuubira Pawulo okumuwa ebintu: kyekyaviire yeeyongeranga okumutumiranga okulogyanga naye. ²⁷ Naye bwe wabitirewo emkyaka ibiri, obwa Ferikisi ne buweebwa Polukiyo Fesuto; Ferikisi bwe yatakire Abayudaaya okumusiima, n’aleka Pawulo nga musibe.