¹ Pawulo ne yeekalirizia amaiso ab'olukiiko n'akoba nti Abasaiza ab'oluganda, nze neegendereza n'omwoyo gwonagwona omusa mu maiso ga Katonda okutuusya ku lunaku luno. ² Pawulo kaisi amukoba nti Katonda alikukubba, iwe ekisenge ekyasiigibwa okutukula; era otudde okunsalira omusango ng'amateeka bwe gali, n'olagira okunkuba ng'amateeka bwe gatalagira? ³ Pawulo kaisi n'amukoba nti Katonda alikukubba, iwe ekisenge ekyasiigiibwe okutukula; era otyaime okunsalira omusango ng'amateeka bwe gali, n'olagira okunkubba ng'amateeka bwe gatalagira? ⁴ Ababbaire bamuyimirire okumpi ne bakoba nti Ovuma kabona asinga obukulu owa Katonda? ⁵ Pawulo n'akoba nti Mbaire timumaite, ab'oluganda, nga niiye kabona asinga obukulu: kubanga kyawandiikibwe nti Totumulanga kubbiibi ku mukulu w'abantu bo. ⁶ Naye Pawulo bwe yategeire ng'ekitundu ekimu kya Basadukaayo n'eky'okubiri kya Bafalisaayo, n'atumulira waigulu mu lukiiko nti Abasaiza ab'oluganda, nze ndi Mufalisaayo mwana w'Abafalisaayo: nsalirwa omusango olw'eisuubi n'okuzuukira kw'abafu. ⁷ Bwe yatumwire atyo ne wabbaawo okutongana Abafalisaayo n'Abasadukaayo, ekibiina ne kyawukanamu. ⁸ Kubanga Abasadukaayo bakoba nti wabula kuzuukira, waire malayika, waire omuzimu: naye Abafalisaayo baatula byombiri. ⁹ Ne wabbaawo okukaayana kungi: abawandiiki abamu ab'omu kitundu eky'Abafalisaayo ne bemerera ne bawakana nga bakoba nti Tetubona kibbiibi ku muntu ono: era kyabbba kitya oba ng'omuzimu gwe gutumwire naye oba malayika? ¹⁰ Bwe wabbairewo okutongana okungi, omwami omukulu ng'atya Pawulo nga baaba okumukutulamu, n'alagira ekitongole okwiika wansi okumutoola wakati mu ibo olw'amaanyi, okumuleeta mu kigo. ¹¹ Awo mu bwire obwokubiri, Mukama waisu n'ayemerera w'adi n'akoba nti Guma omwoyo: kuba nga bwe wategeezerye ebigambo byange mu Yerusaalemi, era kikugwaniire okutegeeza otyo no mu Rooma. ¹² Bwe bwakyeire amakeeri, Abayudaaya ne balagaana ne beeyama obweyamu nga bakoba nti tebaiza kulya waire okunywa wabula nga bamalire kwita Pawulo. ¹³ Abeekobaanire bwe batyo ne basuka ana. ¹⁴ Abo ne baiza eri bakabona abakulu n'abakaire ne bakoba nti Okwekolimira twekolimiire obutakomba ku kantu wabula nga tumalire okwita Pawulo. ¹⁵ Kale atyanu imwe n'olukiiko mukobe omwami omukulu amuleete wansi gye muli ng'abataka okwongera okumanya amazima g'ebigambo bye: feena, yabba nga akaali kusembera, tweteekereteekere okumwita. ¹⁶ Naye omwana wa mwanyina wa Pawulo n'awulira olukwe luno, n'aiza n'ayingira mu kigo, n'akobera Pawulo. ¹⁷ Pawulo n'ayeta omumu ku baami n'amukoba nti Twala omulenzi ono eri omwami omukulu; kubanga alina ekigambo okumukobera. ¹⁸ Awo odi n'amutwala n'amuleeta eri omwami omukulu n'amukoba nti Pawulo omusibe yanjetere n'anegayirira okukuleetera omulenzi ono, ng'alina ky'ayaba okukukukobera. ¹⁹ Omwami omukulu n'amukwata ku mukono ne yeeyawula mu kyama n'amubuulya nti Bigambo ki by'olina okunkobera? ²⁰ N'akoba nti Abayudaaya bateeserye okukwegayirira okuleeta Pawulo amakeeri wansi mu lukiiko ng'ayaba okutumula okumubuulya amazima g'ebigambo bye. ²¹ Kale iwe tobaikirirya: kubanga abantu baabwe bamuteegere okusinga ana abeekolimiire obutalya waire okunywa wabula nga bamalire okumwita; boona atyanu beeteekereteekere nga balindirira iwe okubasuubizia. ²² Awo omwami omukulu n'asiibula omulenzi, bwe yamalire okumukuutira nti Tokoberaku muntu ng'onkobeire ebigambo bino. ²³ N'ayeta babiri ku baami n'akoba nti Mutegeke abasirikale bibiri okwaba e Kayisaliya, n'ab'oku mbalaasi nsanvu, n'ab'amasimu bibiri, mu saawa ey'okusatu ey'obwire; ²⁴ era bababonere ensolo kaisi beebagazieeku Pawulo era bamutwale mirembe eri Ferikisi oweisaza. ²⁵ N'awandiika ebbaluwa engeri eno nti ²⁶ Kulawudiyo Lusiya asugiirye oweisaza omusa einu Ferikisi, ²⁷ Omuntu oyo bwe yamalire okukwatibwa Abayudaaya, bwe babbaire baaba okumwita, ne ngiza n'ekitongole gye babbaire ne mbamutoolaku, bwe nategeire nga Murooma. ²⁸ Era bwe natakire okutegeera ensonga gye bamulangire okumuloopa, ne mutwala mu lukiiko lwabwe. ²⁹ Ne mbona ng'aloopeibwe bya kubuuzibwa eby'omu mateeka gaabwe, naye nga wabula nsonga yo kumwita waire okusibibwa. ³⁰ Bwe bankobeire nti bamusalira olukwe, amangu ago ne muweererya gy'oli; era ne ndagira abamuloopere okumuloopera mu maiso go. ³¹ Awo basserikale nga bwe balagiirwe ne batwala Pawulo ne bamuleeta mu bwire okutuuka mu Antipatuli. ³² Naye ku lunaku olw'okubiri ne baleka ab'oku mbalaasi okwaba naye ne bairayo mu kigo: ³³ abo bwe baatuukire e Kayisaliya ne bawa ebbaluwa oweisaza era ne bamwanjulira Pawulo. ³⁴ Bwe yamalire okugisoma, n'abuulya eisaza gye yaviire; bwe yakobeirwe nti yaviire mu Kirukiya, ³⁵ n'akoba nti Ndikukobera abakuloopa bwe balibbaawo boona: n'alagira okumukuumira mu nyumba ya Kerode.