¹ Awo oluvanyuma lw'ebyo n'ava mu Asene n'atuuka e Kolinso. ² N'abona omuntu Omuyudaaya eriina lye Akula, eyazaaliibwe mu Ponto, yabbaire yakaaiza ave mu Italiya, no mukali we Pulisikira, kubanga Kulwawudiyo yabbaire alagiire Abayudaaya bonabona okuva mu Rooma: n'aiza gye baali; ³ era kubanga babbaire n'omulimu gumu n'abbanga nabo ne bakolanga omulimu; kubanga omulimu gwabwe babbaire bakozi b'eweema. ⁴ N'awakaniranga mu ikuŋaaniro buli sabbiiti, n'asendasendanga Abayudaaya n'Abayonaani. ⁵ Naye Siira no Timoseewo bwe baaviire e Makedoni, Pawulo n'awalirizibwa ekigambo, ng'ategeeza Abayudaaya nga Yesu niiye Kristo. ⁶ Bwe baamutangiire ne bamuvuma, n’akunkumula engoye gye n'abakoba nti Omusaayi gwanyu gubbe ku mitwe gyanyu: nze ndi mulongoofu: okutandiika atyanu nayaba eri ab'amawanga. ⁷ N'avaayo, n'ayingira mu nnyumba y'omuntu eriina lye Tito Yusito, atya Katonda, enyumba ye eriraine eikuŋaniro. ⁸ Era Kulisupo, omukulu w'eikuŋaaniro, n'aikirirya Mukama waisu n'enyumba ye yonayona; n'Abakolinso bangi bwe baawuliire ne baikirirya ne babatizibwa. ⁹ Mukama waisu n'akoba Pawulo obwire mu kwolesewa nti Totya naye tumulanga, tosirikanga, ¹⁰ kubanga nze ndi wamu naiwe; so wabula muntu eyakulumbanga okukukola obubbiibi: kubanga ndina abantu bangi mu kibuga muno. ¹¹ N'amalayo mwaka n'emyezi mukaaga ng'ayegeresyanga ekigambo kya Katonda mu ibo. ¹² Naye Galiyo bwe yabbaire nga iye weisaza ly'e Akaya, Abayudaaya ne balumba Pawulo n’omwoyo gumu ne bamuleeta awasalirwa emisango, ¹³ nga bakoba nti Ono asendasenda abantu okusinza Katonda ng'amateeka bwe gatalagira. ¹⁴ Naye Pawulo bwe yabbaire ayaba okwasama omunwa gwe, Galiyo n'akoba Abayudaaya nti Singa wabbbairewo okusobya oba kwonoona okubbiibi, imwe Abayudaaya, nandibagumiinkirizirye: ¹⁵ naye oba nga waliwo okubuulyagana okw'ebigambo: n'amaina n'amateeka agali mu imwe, ekyo kyanyu: nze tintaka kusala musango gw'ebyo. ¹⁶ N'ababbinga awasalirwa emisango. ¹⁷ Bonabona ne bakwata Sosene omukulu w'eikuÅ‹aaniro ne bamukubbira awasalirwa emisango. Era Galiyo teyafiireyo mu bigambo ebyo. ¹⁸ Pawulo n'amalayo enaku nyingi egindi ate, n'asiibula ab'oluganda n'avaayo n'awanika amatanga okwaba e Busuuli, era wamu naye Pulisikira ne Akula; bwe yamalire okumwera enziiri mu Kekereya; kubanga yeerayiriire. ¹⁹ Ne batuuka mu Efeso, badi n'abalekere eyo; naye iye mwene n'ayingira mu ikuÅ‹aaniro n'awakana n'Abayudaaya. ²⁰ Bwe bamutakire okweyongera okutyama n'ataikirirya; ²¹ naye n'abasiibula n'akoba nti Ndiira ate gye muli Katonda ng'atakire, n'awanika amatanga n'avaayo mu Efeso. ²² N'agoba e Kayisaliya, n'aniina n'asugirya ab'ekanisa, n'aserengeta okutuuka Antiyokiya. ²³ Bwe yamalireyo ebiseera ti bingi n'avaayo, n'abitira mu nsi y'e Galatiya n’e Fulugiya, ng'ava kumu, ng'agumya abayigirizwa bonabona. ²⁴ Awo omuntu Omuyudaaya eriina lye Apolo eyazaaliirwe mu Alegezandereya, omuntu eyayigiriziibwe, oyo n'atuuka mu Efeso, eyabbaire omugezi mu byawandiikibwa. ²⁵ Oyo yabbaire ng'abuuliirwe engira ya Mukama waisu, ng'ayaka mu mwoyo n'atumula n'ayegeresya inu ebigambo bya Yesu, ng'amaite okubatiza kwa Yokaana kwonka: ²⁶ oyo n'atandiika okutumula n'obugumu mu ikuŋŋaaniro. Naye Pulisikira ne Akula bwe baawuliire ne bamutwala gye bali, ne batumula okumutegeerezia dala engira ya Katonda. ²⁷ Bwe yatakire okuwunguka okutuuka Akaya, ab'oluganda ne bamugumya ne bawandiikira abayigirizwa okumusembezia: bwe yatuukiire n'abayambanga inu abaikirirya olw'ekisa: ²⁸ kubanga yasinganga Abayudaaya amaani amangi mu maiso g'abantu, ng'ategeezianga mu byawandiikiibwe nga Yesu niiye Kristo.