¹ Ne Babita mu Anfipoli ne Apolooniya ne batuuka e Sesaloniika ewabbaire eikuŋaaniro ly'Abayudaaya: ² awo Pawulo nga bwe yabbaire empisa ye n'ayingira mu ibo, mu sabbiiti isatu n'awakana nabo mu byawandiikibwa, ³ ng'abikula ng'ategeeza nti Kristo kyamugwaniire okubonyaabonyezebwa n'okuzuukira mu bafu; era nti Oyo Yesu nze gwe mbabuulira niiye Kristo. ⁴ Abamu ku ibo ne baikirirya ne beegaita ne Pawulo no Siira; n'Abayonaani abeegenderezia ekibiina kinene n'abakyala abakulu ti batono. ⁵ Naye Abayudaaya bwe baakwatiibwe eiyali ne batwala abantu ababbiibi ab'omu bakopi ne bakuÅ‹aanyisia abantu ne basasamazia ekibuga. Ne bazingiza enyumba ya Yasooni ne bataka okubaleeta mu maiso g'abantu. ⁶ Bwe bataababoine, ne bawalula Yasooni n'ab'oluganda abamu okubatwaire mu maiso g'abakulu ab'omu kibuga nga batumulira waigulu nti Bano abavuunika ensi baizire ne wano; ⁷ ne Yasooni yabasembezerye. Bano bonabona bajeemera amateeka ga Kayisaali nga bakoba nti Waliwo kabaka ogondi, Yesu. ⁸ Ne basasamazia ekibiina n'abakulu ab'omu kibuga bwe baawuliire ebyo. ⁹ Bwe baamalire okweyemererya Yasooni n'abantu, ne babalekula. ¹⁰ Amangu ago ab'oluganda ne basindika obwire Pawulo ne Siira okwaba e Beroya: boona bwe baatuukire eyo ne bayingira mu ikuÅ‹aaniro ly'Abayudaaya. ¹¹ Naye bano babbaire basa okusinga ab'e Sesalonika, kubanga baikiriirye ekigambo n'omwoyo omwangu einu, buli lunaku nga basagira mu byawandiikibwa oba nga ebyo bwe biri bityo. ¹² Abamu bangi kyebaaviire baikirirya, era n'abakali abakyala Abayonaani n'abasaiza ti batono. ¹³ Naye Abayudaaya ab'e Sesalonika bwe baategeire ng'ekigambo kya Katonda kibuuliirwe Pawulo era mu Beroya, era ne baizayo ne beesomera ebibiina ne basasamazia. ¹⁴ Awo amangu ago ab'oluganda ne basindika Pawulo okwaba okutuuka ku nyanza: Siira no Timoseewo ne babba eyo. ¹⁵ Naye abaawerekeire Pawulo ne bamuleeta mu Asene, ne balagirwa okukoba Siira ne Timoseewo baize gy'ali amangu nga bwe basoboire, ne baaba. ¹⁶ Naye Pawulo bwe yabbaire mu Asene ng'abalindirira, omwoyo gwe ne gumuluma bwe yaboine ekibuga nga kizwiire ebifaananyi. ¹⁷ Awo n'awakaniranga mu ikuŋaaniro n'Abayudaaya n'ababbaire batya Katonda era no mu katale buli lunaku n'abo abaamusisinkananga. ¹⁸ Awo abantu abamu abafirosoofo, aba Epikuliyo na Abasutoyiiko, ne bamusisinkana. Abamu ne bakoba nti Ataka kutumula ki abujabujana ono? Abandi ne bakoba nti Afaanana ng'abuulira balubaale abayaaka: kubanga yabbaire ng'abuulira Yesu n'okuzuukira. ¹⁹ Ne bamutwala ne bamuleeta ku Aleyopaago nga bakoba nti Twasobola okutegeera okuyigiriza kuno okuyaka kw'otumula nga bwe kuli? ²⁰ Kubanga oleeta ebigambo ebiyaaka mu matu gaisu: kyetuviire tutaka okutegeera amakulu g'ebigambo bino. ²¹ (Abaasene bonabona n'abageni abaabbangayo tibaakolanga kintu kindi wabula okutumulanga oba okuwuliranga ekigambo ekiyaaka.) ²² Pawulo n'ayemerera wakati wa Aleyopaago n'akoba nti Abasaiza Abaasene, mbaboine mu byonabyona nga mutya inu balubaale. ²³ Kubanga bwe mbaire mbita ne ningirira bye musinza, era ne nsanga ekyoto ekiwandiikiibweku nti KYA KATONDA ATATEGEERWA. Kale kye musinza nga temukitegeera nze kye mbabuulira. ²⁴ Katonda eyakolere ensi n'ebirimu byonabyona, oyo kubanga niiye Mukama w'eigulu n'ensi tabba mu masabo agakolebwa n'emikono, ²⁵ so taweerezebwa mikono gya bantu, ng'eyeetaaga ekintu, kubanga oyo niiye abawa bonabona obulamu n'okwikirirya omwoka ne byonabyona; ²⁶ yakolere okuva ku mumu buli igwanga ly'abantu okutyamanga ku nsi enjuyi gyonagyona, bwe yalagiire n'ayawulamu ebiseera n'ensalo egy'okutyama kwabwe: ²⁷ basagirenga Katonda koizi bawamante okumubona, waire nga tali wala wa buli mumu ku ife: ²⁸ kubanga mu oyo tubba balamu, tutambula, tubbaawo; era ng'abandi ab'ewanyu abayiiya bwe bakoba nti Kubanga era tuli izaire lye. ²⁹ Kale bwe tuli eizaire lya Katonda, tekitugwanira kulowoozanga nti Katonda afaanana zaabu oba feeza oba ibbaale, ebyolebwa n'obukabakaba n'amagezi g'abantu. ³⁰ Kale Katonda ebiseera ebyo eby'obutamanya teyabiringiriranga; naye atyanu alagira abantu bonabona abali wonawona okwenenya, ³¹ kubanga yateekerewo olunaku lw'ayaba okusaliramu omusango ogw'ensonga ensi gyonagyona mu muntu gwe yayawiremu, bwe yamalire okuwa bonabona ekikirizisia bwe yamuzuukizirye mu bafu. ³² Naye bwe baawuliire okuzuukira kw'abafu abamu ne baÅ‹oola; abandi ne bakoba nti Era tulikuwulira ate olw'ekigambo ekyo. ³³ Bwe Pawulo n'abavaamu wakati. ³⁴ Naye Abasaiza abamu ne beegaita naye ne baikirirya: mu abo Diyonusiyo Omwaleyopaago, n'omukali eriina lye Damali, n’abandi wamu nabo.