1
. Ingei man ako neno ekeko me malo di oyabere di dwan me agege kame ako winyo oudo cal bala agwara kame yamo keda di ewaco be bia malo kan di ako nyuto ni jamini kame pore timere ingei man.
2
. Cucuto nono cuny di ko pong ikoma di ako neno kom me ajakanut di koketo malo kede dano acel kam obedo iye.
3
. Ngat kame bedo iwi kom nono oudo cal bala jasip kede kidi karnalia di etauloka oluco kom nono di erangi mere cal kede emeradi.
4
. Kominni me ajakanuto ot are iwie ongwon bin oluko kom me ajakanut nono di ako neno jo adongo ot are iwie ongwon di tie iwi komini nogo di gingapo igoen atar kede icoron me saabu iwi gi.
5
. Di meny kede mulomulocun kede dwan oko wokun ikom me ajakanut nono di italan kanyare tie liel inyim kom me ajakanut nono ame gin en cuny ka Rubanga kanyare.
6
. Inyim kom me ajakanut nono bin tie iye nam me gilasi ame cal bala ingaroi amilimili idiere me kom me ajakanut nono oudo bin tie iye iuni ongon oluke di ki tie kede wang-gi inyim gi kede icen ngei gi.
7
. Lee me agege oudo cal bala engulee me are oudo cal bala roya, lee me adek oudo nyim cal bala nyim dano lee me ongwon oudo cal bala ekokom kame por.
8
. Kikom iuni ongwon go acel acel kikom gi bin tie kede bwone kanyape di wang gi tie ikom gi dedede di liame kiwei iwor kede iceng di kiwaco be ecil ecil. Ecil Rwot Rubanga me twer dedede kame bin tie, kame nam tie, kame tie bino.
9
. Di leini nogo mio deyo kede woro kede pwor bute en ngat kobedo iwi kom me ajakanut maka naka.
10
. Jo dongo ot are iwie ongwon di ko poto piny inyim ngat kame bedo ikom me ajakanut di kiko wore en ngat kame kuo naka naka di kiko uco icoron gi inyim kom me ajakanut di kiwaco be.
11
. Okwe Rwot in ipoore udo deyo woro kede twer pien in icueo jame dedede doko pi mit nin en omio gin kicwere.