¹ Di ako neno ibada tetucan ngat kobedo iwi kom kede itabu kame kowandiko iye kede ngee di komwone tien kanyaare. ² . Di ako neno malaika atek di etie tuco kede dwan adwong be ngai kame twero yabo giame omwono kede itabu ni? ³ . Do likame tie dano moro kimalo arabo iwilobo arabo idud lobo kame twero yabo itabu ara neno. ⁴ . Di ango ako koko itek pien liame tie moro oko udere kame twero yabo kede somo itabu moro arabo nene. ⁵ . Di nga acel kikom jo adongo oko waco na be kur ikoku nening enguu me ateker ka Yuda alias ka Daudi en kotieko koono pi yabo itabu kede gonyo amwon kanyaare kame tie iye. ⁶ . Di ango ako neno neningo idiere me kom kede me leini ongwon kede idiere me j dongo di atim me oromo ocungo iye bala kame ongolo di etie kede tunge kanyaare kede wange da kanyaare ame gin en cuny ka Rubanga kanyaare ame ocwao iwi lobo dedede. ⁷ . Di en eko bino di eko kwanyo itabu ibad tetucam me ngat kobedo iwi kom me Ajakanut. ⁸ . Kakame en etieko kwanyo kede itabu leim ongwon kede jodongo ot are iwie ogwon oko poto piny inyim atin oromo di ngat acel acel kikomgi tie kede adunga kede bakuli kame kotimo kede sabu kopong kede odok angwece mere kur en obedo ilega me jo acil. ⁹ . Di kitie wero wer anyen kame wato be in itwero kwanyo itabu kede yabo amwon kame omwone kede pien in oudo kongol di in iko lako wa kibut Rubanga kede remo ni iabiere dedede ileb dedede kibut jo dedede kede iatekerin dedede. ¹⁰ . Di eko mino wan odoko abakai kede Isaseredotin kibut Rubanga wa di wan oko pugo wilobo. ¹¹ . Di ango ako neno ako winyo dwan imalaikan atot di kiluko kom me Ajakanut kede leini kede jo dongo di wel gi tie tutumia tomon tien tutumia tomon kede tutumia iwi tutumian. ¹² . Di kiwaco kede dwan alongo be en en wtero en atin me oromo kame bin ongolo pi gamo twer abar rieko teko woro deyo kede winyo. ¹³ . Di giacwen dedede kame tie malo kede ame tie iwilobo kede atie idud lobo kede kame cal kede kame tie inam kede gi dedede kame tie igi gin kiwinyo di ango awaco be winyo woro kede deyo kede twer bed but ngat kobedo iwikom me ngolo kop kede atin oromo pi nakanaka. ¹⁴ . Di leini ongwon di ko waco be Amen jo dongo ot are iwie ongwon di kopoto piny di ko woren dano kame bedo nakanaka.