¹ . Wandiko but malaika me kanisa me sadis kop gi ngat kame tie kede cuny ka Rubanga kanyare en owaco kede acerin kanyare, ango angeo tice ni, in itie kede nying me kuo do di itoo. ² . Bed ngat anenopiny, mi jame mogo odong go dok tek jamini mogo iyapi too go, piento likame ango oudo tici moro otimere kiber inyim Rubanga. ³ . Do pi mano yutuno kite kame oudo igamo kede kop kite kame iwinyo kede di iko mako gi kitek di iko swilaro do pi mano kame likame ineno piny iber, ayaro ngole bino buti bala akuwo likame iyaro ngeno esawa kame ayaro tuno kede buti. ⁴ . Itui kede nying mog anonok i sadis kame likame omunao igoen gi, gin kiyaro upere keda, di kingapo engape atar. Piento gin kipore upere keda. ⁵ . Ngat kame loo. dano nono kobino ngapo kede egoe atar, doko likame ayaro weno nyinge tenge itabu me kuo doko ayaro tuco nyinge inyim papana, kede inyim imalaikan mege. ⁶ . Ngat kame tie kede ite ewiny kop kame cuny yamo but kanisan. ⁷ . Wandiko buut malaika me kanisa me Piladelpia ngat kacil en oyamo kop gi dano me ateni ngat kame tie kede isumilito ka Daudi; ngat kame yabo, do lika tie dano moroo ako cego kame ecego, ngat kame yabo li. ⁸ . Ango angeo tce ni, neni ango atyeko keto ekeko oyabere anyim ni likame tie dano moro kame twero cego, Piento itie kede teko atididi. do igwoko kkop na, doko lkame idagi nyinga. ⁹ . Nenunu, ango ayaro mino jo me Sinagoga ka Sitani kame waco be gida Iyudayan do di li, do di ingalo angala, nenunu ayaro mino gi kibino di kiko mino woro itienu di kiko ngeno be ango amaro u. ¹⁰ . Piento kite kame in imako kede kop me dire na ango da aayaro gwoki i esawa me atama, kame oyaro bino ilobo dedede, pi tamo jo kame bedo ilobo. ¹¹ . Nenunu, atye bino awaka waka, mak gi kame itie kede no itek, me kur ngatamoro moi ocoro ni. ¹² . Ngat kame loo, ango abino mine ebedo epir itempulo me Rubanga na likame ebino wok oko ayaro wandiko nying Rubanga na ikome. kede nying Bomba ka Rubanga na, en Jerusalem anyen kame bino piny di ewok imalo kibut Rubanga na, ayaro wandiko ikome nying nango anyen. ¹³ . Ngat kame tie kede ite, ewiny gi kame cuny waco ne kanisan. ¹⁴ . Wandiko but Malaika me kanisa me tie Laodesia Amen en oyamo kop ni mijura me ateni di egenere agege me cec ka Rubanga. ¹⁵ . Ango angeo tice u, likame itiet doko likame ingic, ango oudo amito be, ibed liet ara ngic. ¹⁶ . Aso do kite kame in idong di ibwolbwol likame iliet di bobo likame ingic ayaro nguti idoga oko. ¹⁷ . Kite kame in iwaco kede be ango abaro jamini na onyai. gi orem na li do di likame ingeo be un itienu abongo gi moro, piny atatai jo can imuduka jo atie nono abongo egoe. ¹⁸ . Ami tam me wilo Zabu kame otamo kede mackibuta me wek ibari kede iwil igoen atar, me wek ingapi me kur nono ni neno ko kelo ni lweic bobo koto oudo ibido wangi kede moo me otono iwang me koto inen piny. ¹⁹ . Jo atot kame amoro ajuko gi doko abitaro pimano ketunu cunyu di ikounu swilaro. ²⁰ . Nenunu, ango atie cungo idog ekeko di agogo kame ngatamoro owinyo dwana, di eko yabo ekeko ayaro donyo bute ako cam kede eda eko cam keda. ²¹ . But ngat kame loo, ayaro mine ebedo keda ikom me loc na, bala kite kame ango da aloo kede eko keta bedo piny kede papa na i kom me pug more. ²² . Ngat kame tie kede ite, ewiny gi kame cuny yamo but kanisan.