1
. Wandiko ne malaika me naisa me Epeso, ngat kame mako acerin kanyare icinge me tetu cam en kowaco gigi en gat kame oto idiere me gicibo italan kanyare me sabu.
2
. Ango angeo ticeni kede came ni kede dire ni kede epone kame likame ikanyakino kede jo katimo raco, Di in iko tamo gin jo ame awaco gin kibedo josia do di li oko udo be gin kibedo jo angalo.
3
. Pien ikanyakino doko idire dok pi nying ango icane iketek do likame lol.
4
. Kamanono da ango atie kede kom ikomi pien in iweo amara ni me agege.
5
. Pi mano yutuno kakame ipoto kiye diko swilaro diko cako timo tic me agege kame li ango ayaro bino ikomi awakawaka di ako kwanyi gi cungo me elala ni ikacungo mere kwanyo kame iswilaro.
6
. Do gikame in itie kide en ine be in idagi tice ka nikolao ame ango da adagi.
7
. Ngat kame tie it ewiny gi kame cuny waco ne kanisan but ngat ko loo ayaro bino mine ecamo yat me kuo. Kame tie idiere diere me kabedo kacil me karubanga.
8
. Wandiko but malaika me kanisa me simina ngat kobedo me agege kede ajikini ngat kabin otoo do ntaman ekuo en ko waco kop gi.
9
. Ango ango tice nin kede acamo ame kocani kede kede can nin do in ibedo ngat kobaro kede anywar me jo kame waco be gin Iyudayan do di li do kara gin kibedo kocokere me sitani.
10
. Neni kur iwor gimoro kame ibino neno can pien sitani bino uco mogo kikome ot kol me wek tamu di oko miou acamo pi ceng tomo do bedunu - jo kagenere tuno itoo di ango ako bino minou ocoro me kuo.
11
. Ngat kame tie iit ewiny kop kame cuny waco ne kanisan, ngat koloo too me are lia bino wandikino en.
12
. Wandiko ne malaika me kanisa me pagamo ngagt kame tie kede pala epima kame pit tuni tuni en ko waco.
13
. Ango angeo ticeni kede kaka me in ibedo iye kede kakame kom Asitin tie iye in imako nyinga kitek doko likame idagi yena akadi iceng kame oneko kede antipa mujura na kame genere idiereu, ikaka me sitani bedo iye.
14
. Do atie kede kope anonok ikonu.Pien in tie jo komako pwony ka babaam, ngat kame bin opwonyo balak pi uco gi kame jo twomere ye inyim idwe me Isirael pi camo kjamo kame koyalo kede cal jwogi kede pi timo caro.
15
. Pien in tie kede jo komako pwony kanikolao kame ango adagi.
16
. Swilaro aso kame li ango ayaro bino bute awakawaka di ako lii kede gi kede pala epima me dogo.
17
. Ngat kame tie kede iit winy kop kame cuny waco ne kanisan ngat ko loo abino mine ecamo emano kame kokano, di ako bino mine engaro katar iye enyaro nono kowandiko iye nying anyen ame liame tie dano moro ame ngee kwanya ngat kame komio.
18
. Wandiko but malaika me kanisa me tuatira be ngat kame wange tie itonge me mac di tiene tie bala titim kame kolio ko bedo wot ka Rubanga en ko waco kop gi.
19
. Ango angeo tice nin Amara kede tice kame itimo nango, kede yei kede dire ni kede ticeni ni me ajikinni itimo iber kato me agege.
20
. Akadi bedo bala kamano da do ango atie kede kope anonok ikomi pien in iyei ne dako kame nyinge Yesebel kame lwongo kome kene be en anabi iye ne pwonyo kede supo ipasoi na kede timo caro kede camo cam kame ko yalo kede cal jwogi.
21
. Ango bin ako mine kare me Swilaro icaro mere di likame eko swilaro.
22
. Nenunu oyaro lwone iye itanda kede jo alem etimo kede gi adote ican Adwong kwanyo kame di iswilaro kitim gi.
23
. Ayaro neko idwe mege kede too di kanisan dedede diko ngeno be ango abedo ngat kame pekeso tam kede cuny di ako mino ngat acel acel ikomu di lubere kede ticeu.
24
. Do kibutin kede kibut jo ace me tuatira ango awaco be, bala kame jo atot ikomu li kede pwony ni, kede likame i ngeo kede mung atut me ka Sitani bala kame kiwaco liame abino keto neu yec moro ace.
25
. Do gikame itie kede cuto make kitek tuno ango bino.
26
. Ngat kame bino lono diko mako tic na tuno iya jikini abino mine tuero ikom atekerin.
27
. En ebino pugo gi kede ebela me lilim. Di oko bino ngingido gi atitino bala giame nga cwei gulu ocweo bala kame ang gamo kede akarinikin kibut papana.
28
. Di ako bino mini acer me odiko.
29
. Ngat kame tie kede iit winy kop kame cuny waco ne kanisan.