1
. Do eko waco negi be; ateteni ayamo neu be tie jo mogo kibutu kame nan cungo kar kame likame bino bilo to pakana kakame kibino neno kede jago ka Rubanga di bino kede twer.
2
. Do ingei ceng kanyape Yesu ako tero Petero kede Yakobo kede Yokana di eko telo negi yongayo pi ot malo me wii moru kangi kengi, kom Yesu ako lokere inyun gi ka nono.
3
. Engape mere oko lokere odoko tar liama lianu di en eede ame eda kede tara balan akako ka likame tie ngatamoro kilobo karia ame twero iwoko egoe pakana tar kamanono.
4
. Idieregi Elia kede Musa diko neeno da oudo gi kitie yamo kede Yesu.
5
. Petero oko dwoko ne Yesu be nga dwong eber twatwal ne wan bedo tie kame da wek oger tarbanakulon adek kari aciel meriwi aciel me ka Musa kede aciel meka Elia.
6
. Do Petero oudo likame ngeo kame eyami piento iworo otieko wako gi itek.
7
. Do oudo tie polo me owinyo gi, do dwan oko wokun kipo lo diyamo be man en wodo ame amaro winyenu.
8
. Do kame kingi ngico kakame kitie iye rimaro, likame kineno ngatamoro kwanyo Yesu ken ename tie kedegi.
9
. Dido kitie wor piny, kiwimoru eko minogi aninga cuny be likame kipore waco ne ngatamoro gikame kineno pakana kaka wie wot ka dano bino yaruno kede.
10
. Gin kiko daro kope nogo idieregi di kipe nyere kengi kengi dwongine kop me iyarun.
11
. Di kiko penye eli kiwaco be pinyo be komio jo pwony me kiswil waco be Elia en kame pore dwogo me agege?
12
. Eneko dwoko di ewaco negi be Elia ateteni bino me agegedi eko dwoko jame dedede kakae kede epone kame kowan diko kede kop ka wot kadano be ebino beo iye acano me jame katot meda kotie ko yiko iye esawa kalikangere.
13
. Do ayamon en be ateteni Elia oyaro binodo kitieko ti more macalo ko tero gi kede di lubo iwandik kame kowan diko kede pire.
14
. Do kakame ebino kede but josiao mege eko neno iwak me jo kibut gi di jome iswil tie pepenyo gi.
15
. Ikanono cucuto kakame kimake kede iko bedo kede ur adwong twatwal di kiringo bute kede muine wor.
16
. Eko penyo jo adongo me iswil be apwony nyo kame un itienu kede bute?
17
. Aciel ikom iwak oko dwoko di waco benya dwong ango akeloni atin awobina ame tie kede tipo u arac agenge yamo.
18
. Do kakame tipo woni binone kede rete piny di buo ko donyo kuao idoge en eko dienyo ngururo di ewmodo lake di eko tegerero ngute, ako kwano josiao ni be koto kiriam tipo karac no tenge do likame kiko twero.
19
. Eko dwoko negi di ewacobe okwe un iwakali kede yeini kare karoni nadi ame iunitaun abed kedeu, bobo imitanu angirikino kedeu pikare karom nadi? Kelenu buta.
20
. Kiko kelo awobinu bute do kakame eko nene kede awaka di tipo canyingi len di eko poto piny ilobo di eko bebelo di buo wok kidoge.
21
. Eko penyo papani ere be etero kare karom nadi di ginoni timere ne? Eko dwokone be kom cako di pwodi en atin.
22
. Do didik rwaco imac kede ipi pi dudubo eudo akwai iuni kica waki kede wa di iko konyawa.
23
. Yesu oko waco nebe kame itwero yei gi dedede twerere ibut ngato ngat kame yei.
24
. Awakawaka di papame atin kok di eko yamo kede pige wange di mol be Rwot ayei do konya ikom bongo yei na.
25
. Kakame Yesu oneno kede be jo dedede tie riuginikaraciel, eko retakino tipo karaca di
26
. Cuny diko koko di kidwilao di iko wok kibwe eko dong di ewile ipiny ameda toto me jo ogeno be eto.
27
. Do Yesu oko make (kwanye) icinge di eko kiarao en malo do eko yai.
28
. Do kakame ebino kede iot josiao mege oko penye iye owang, be pinyo komio likame wan otwero riamo tipo tenge?
29
. Eko waco negi be, magi likame timere atatai, do kiyei iyi lego kede kanyo kec.
30
. Dido kiko pokere, di kiko ot pakana Galilaya dodi likame emito ngata moro ngei.
31
. Pien epwonyo josiao mege di ewaco negi be, wot ka dano oyaro keto icing jo kwor da kibino neke, do kame kotieko neke, ebino yaruno iceng me adek.
32
. Do likame kiko niang dwong kop no da kiko bedo lwor pi penye.
33
. Dido ekobino kopere naum din audo etie i ot eko penyogi be, nyoimonono kame un uodo itienu yamo kenu kenu iye omiang?
34
. Do gin kiko dino cuny gi kede omung gi pi en oyongoyo oudo gi kipenyere kengi ke ngi be ngae en kame pore bedo nga dwong?
35
. En ekobedo piny di eko lwongo josiao tomon kiwie are di eko waco ne gi be, kame dano woro winyo icunye pi bedo dano me atiek iwi di bobo etie ngatic me atiekinu.
36
. Di eko kwanyo atin di eko kete diere gi kaka me eketo kede icinge eko waco negi be.
37
. Ngat kame bino atin acel iye epone ka me cal balan wan inyingango udo egawango dongat kame gawango do ngat ngat kame owaango (ogamango).
38
. Yokana okodwokone di eyamo be ngadwong wan oneno dingatamoro riamojwogi inyingin do likame elubo wada wan oko uwine piento lie lubowa.
39
. Do Yesu oko waco be kur ikwienu, pien lika me tie dano moro kame bino timo tangu inyingango cera ame bino tamakino yamo bal moro inyingango.
40
. Pien ngat kalikame dagango udo etie merwa.
41
. Pinga kawe wii ikopowe pime amata inying ango udo etie meka Kristo ateteni awaco ueube likame ebino kei neusala mere.
42
. Do ngat kame bino wango yi atin moro katitidiawe pyeeiango udo ber komo tweno kede ingate di oko uce idier nan.
43
. Do kame cingi wango yii tonge tenge pien ber in donyo ikuo kalika tiek abongo cingi tetuciel akaka wiuni donyo imac kalika tier awe likame twero pi nekere.
44
. Kakame kudiling likame to kiye kede mac da likame to.
45
. Bobon da akame tienu nei awanga ic tonge tenge pien ber in donyo yagoo kalika tiek akaka aine tiek da bobo likame eto.
46
. Kame kudiling likame to kiye bobon wac were da likame to.
47
. Bobo da akame wangi wango yii ber ingare tenge, pien ber in donyo yag ka Rubanga kede wangi aciel akaka wangi are di eko teri iwac kalika to awoto igeana.
48
. Ame kudiling da likame to kiye bobon mac mere da likame nekere.
49
. Pien buli dano acielaciel kobino lonyo kede wunyo, da bobo bali giayala moro kobino lonyo kede mienyo.
50
. Kado ber do ce kame kado okei bero mere epone mene kame bobo in ibino mine bobon bed kede mulem diere diere u (ken u ken u).