1
. Icengo di ekodet oudo obedo dwong, di kili kede gi me acama Yesu olwongo joor mege bute di eko waco ne gi be.
2
. Atie kede kisa kadwong but jo pien nan otie ko kede gi ceng adek di likame kicamo gimoro.
3
. Nan kame ango awaco be acwaigi imiere gi dikitie rikac kec bino bwon gi iyo pien mogo kikom gi owok ikaka papat koboco.
4
. Do joor mege oko dwoko ne be tuai ino kame dano twero pito kie ekodet me jo karom kan kiye itela kede mugati?
5
. En eko penyo gi be, itienu kede mugati adi? gin kiko wacone be, mugati kanyaare.
6
. En eko ciko jo pi bedo piny, eko kwanyo mugati kanyaare di eko mino pwoc, eko tuturo gi, eko mino joor mege pimino jo gin kiko keketo gi inyim jo.
7
. oudo da kitie kede dek nam mogo anonok en ekomino winyo, di eko ciko gi pi keto gi inyimgi.
8
. Gin kiko camo di kiko yeng: di kiko kwanyo ngide me nugati kodong kame romo ibukito kanyaare.
9
. Pi jo kame oudo ocamo romo tutumia ongwon di en eko cwano gi tenge.
10
. Awakawaka en eko donyo iyee kede joor mege kiko tuno iye adulio me Dalmanuta.
11
. Di Iparisayon okobino do di kiko cako penye, di kimookibute gianena kame yai kimalo di ki tame.
12
. Nando en eko oomo cunye kitek di eko waco be pinyo bo kamio iwakni moo gianena? Ateteni awaconeu, likame tie kanen kame obino mino iwak ni.
13
. En eko yai weko gi di eko donyo iyee bobo eko ot loka tucel.
14
. Nan joor mege wigi oudo owil mako mugati do koda likame oudo kitie kede mugati iyee kame kalamo acel.
15
. En eko kwenyoro gi di ewaco be winyunu kwekerenu ikom Arub me Iparasayon kede Arup Erode.
16
. Gin kiko gene paro ken gi, di kiwaco be, man otimere pien wan olikede mugati.
17
. Kakame Yesu ongeo kede ewaco negi be, pinyo bo komio Iparerenu pi mugati lineu? pwodi likame itwerunu ngen akidi koto niang? Pwodi cunyu nuang?
18
. Itienu kede wangu, do likam inenunu? da itien kede itu do likame iwinyunu? da likame iyutunun?
19
. Kakame agabo kede mugati kany ne jotutumia kany, ibukito adi pong me ngide kame icokunu? gin kiko waco ne be tomon kiwie aree.
20
. Kakame agabo kede ne jo tutumia ongwon, ibuito adi pong me ngide kame ikoun coko? Gin kiko waco be kanyaare.
21
. En eko waco ne gi be, Benyo Benyo kame miou likame itweru niang?
22
. En eko bino i Betesaida dikiko kelo ne atowang moro bute, kiko kwane pi keto cinge ikome.
23
. En eko mako ato wang kede cinge, eko wok kede ok me bomba, kakame enguto kede lau iwange di eko keto cinge likame, eko penye kame di eneno gimoro.
24
. Eko neno malo, di eko waco be aneno jo bala yen di kitie ot.
25
. Ki cen mere eko keto cinge bobo iwange, di eko mine neno malo: wange di oko neno, eko do neno buli dano kiber.
26
. Dido eko cwane tenge paco mere di ewaco be, kur ioti ibomba doko kur iyame ngat anoro ki bomba.
27
. Di do Yesu oko ot tenge, kede joor mege ibomba me sisira ipilipi: iyongaya eko penyo joor mege di ewaco be, jo waco be ango abedo ngai?
28
. Gin kiko dwokone be Yokana ngaibtis do mogo waco be Eliya; kede mogo be acel ikm inabin.
29
. Eko waco ne gi be, do wun iwacunu be ango abedo ngai? do Petero oko dwok di waco ne be, in ibedo Kristo.
30
. En eko ciko gi be kur kiyame ngata mero be ngai nen bedo.
31
. En ocako pwonyo gi be wat kadano poore beo iye aramo igiatot di jo dongo jo tel isasirodoti kede jo pwony me iswil di oko bino neke, do icen ngei ceng adek eko bino yaruno bobo.
32
. Eyamo mano kakaler, Petero oko kwanye di ewaco ne be gimoro liko yaro timereni di bunano en.
33
. Do en eko lokere di eko neno joor mege di eko bunano Petero di ewac be, dwog cen ngea in Sitani! pien likame tam ni wok ki but Rubanga do ewok kibut dano.
34
. Kakame elongo kede jo bute joor mege da, en eko waco negi be, ngat kame mito luba ber edogere kene ekwany musalaba mere di eko luba.
35
. Pien ngat kame bino gwokokuo mere kene bino ruenye, do ngat kame bino yei ruenyo kuo mere pira kede pi kop me ejiri ebino lake.
36
. Pien dano bino udo ameda nyo, kame di ebino udo jame me lobo lung, di eko kei kuo mere kiko me?
37
. Arabo nyo kame dano bino mino pi seso kuo mere?
38
. Pi mano, ngat kame lewic bino make kede arabo pi kopena idiere me iwak odubere kede caro ni ada wot kadano da bino make kakame ebino dwogo kede ideyo kapapa mere kede imalaikan kacil.