1
. Dido Iparisayon oko cokere bute karacel kede jo iwandik mogomogo kowok Iyerusalem.
2
. Gin kiko neeno josiao meege mogo di tie cam kede cing opwokere dwongo mere be kede cing kalikame olwoko gin kiko wudo bal iye.
3
. Pien Iparisayon kede Iyudayan kalikame olwoko cing gi cutucutu likame kicamo pi rikito itok me jo adongo gi.
4
. Dokon kame kidwogo kii atale kwanyo di ki iwokere iber likame kicamo kede jame atot apapat kame gin kigamo pi rikito bala nat iwoko ikompen agunne kede jame me llime kede imesai.
5
. Dido Iparisayon kede joiwandik oko penye be, pinyo bo komio josiao nin likame upere kede itok me jodongo do gin kicamo cam kede cing lakikame kolwoko?
6
. Di en eko dwooko negi di ewaco be, Isaya bin omurao iber ikomun jo isidik bala kite kame owandiko kede be, jogi wora kede dek doggi do cuny gi bor keda.
7
. Iton wor gi da tie me nono pwony gi da tie iswiliaka kame jo en omoko.
8
. Pien iketunu iswiliaka ka Rubanga tenge di ikounu maako itok me jo ajoa bala nat iwoko agune kede ikompen kede tim ace apapat kame wun imarunu timo.
9
. Dokon en eko waco negi be, ikounu do becakino dogi iswil ka Rubanga tetekeny wek igwokunu itokuu.
10
. Pien Musa owaco be, wor papani kede totoni dokon ngat kame lamo papa mere arabo toto mere wekenu etoi to.
11
. Do un iwacunu be, kame dano bino wco ne papa mere kede toto mere be, gini obedo korban kame dwong mere be, gia mia kame koto in iudo kibuta ngo atie ko miino bala gia mia dido danono kobedo agonya.
12
. Di likame ikounu yei ne dokon timo giaber ne papa mere arabo toto mere.
13
. Ikounu miino kop ka Rubanga doko yaga yaga beo kii itok wu kame un ikelunu dokon itimunu jame atot acal kamano.
14
. Dokon kakame en eko lwong kede jo bute ewaco negi be winyanu un dano acel acel ikomu di ikounu niang.
15
. Liame tie gimoro kame wok ki oko me kom dano kame donyo ikome di ko pwokke do kamno kame wok ikome en gigo kame pwoko dano.
16
. Kame dano moro tie kede yite pore ewinyi.
17
. Kakame eyai kede kibut jo di eko donyo iyoti, jo siao mege oko penye kop amako agole nono.
18
. Di en eko waco negi be, benyo usa pwodi itieunu abongo niangi? likame ingeunu be gikame wok ki oko ko donyo ii dano likame twero pwoke.
19
. Pien likame edonyo icunye do i aboi di oko cwane ooko i oduru kede yamo nono en eko iooyo cam dedede.
20
. Dokon en eko waco be gi kame wok ikom dano en kame pwoko dano.
21
. pien kii dano kii cunye wok iye tam kareco adote isapan nek.
22
. Kuuo ingobelel jwok angalo mit karac wang ka rac acae ewaka mingo.
23
. Tim kareco gi dedede wok kii dano ko monao en.
24
. Ikunono en eko yai di eko oot ipiny me Taya kede Sidon di eko donyo iot di oudo like mito ne dano ngeeno do en oudo like etwero pwono.
25
. Pien dako kame nyare oudo tie kede Tipo karac oko wiinyo kop ikome di eko bino di eko poto itiene.
26
. Dako nono oudo wok i Gurik kii ateker me Sairopoenisia di en eko cobuno bako doge ekwae pi riamo cen ikom nyare tenge.
27
V 27. Do Yesu oko waco ne be: wek ber iduwe gei yengi pien likame eber me kanyo cam me iduwe di oko uco ne igwogin
28
. Di dako ni oko dwoko di eko waco ne be Eebo Rwot paka igwogin da idud emesa camo ngide ame poto icam me iduwe.
29
. Doko en eko waco ne dako ni be pi kop iyamo no ooti jwogi otieko yai kibut nyari.
30
. Aso, kakame en ebino kede iode, eudo jwogi otieko yai tenge ikom nyare di etie buto iye itanda.
31
. En dokon eko yai ipiny me taya kede Sidon, di eko bino idog nam me Galilaya, di ebeo idier piny me Dikapolis.
32
. Di gin kiko kelo ne dano kame yite oding di labe da oto, di kiko kwaane pi en keto cinge ikome.
33
. Di en eko tere tenge me ekodet, di eko keto cinge iite dokon eko nguto iau di eko mulo kede lebe.
34
. En eko neeno malo eko oomo wei di eko yamo ne be "Epata" kame dwongo mere be "Yabere"
35
. Awaka awaka di ite yabere dokon iebe da oko gony di eko yamo iber.
36
. Di en eko cikakino gi be kur kiyam ne ngatomoro kop noni, do kakame en ecikakino gi kede be kur kiyami en kakame gin ki tatamo kede kop kadedede.
37
. Doko gin kiko bedo kede ur kame kalamo di kiwaco be, en etimo gi dedede kiber. En emio edingo owinyo kede ebang oyamo.