1
. Kakame en ewok kede kuno en eko ot ilobo me turgi kikome di josiao mege diko lube.
2
. Di ceng me sabato otuno en eko cako pwony ikanisa jo atot kame oudo tie winye diko bedo uro. Diki waco be dano ni oudo gigi kituai doko rieko mene kame omie en omio tice adongo timere kicunge.
3
. Likame en ebedo ngapac wok ka Maria kobedo omime Yakobo kede Yosa kede Yuda kede Simoni amiegu mege likatie kan kede wa? Di gin kiko cweno kop ikome.
4
. Do Yesu diko waco negi be, enabi oworo ilobere dedede do kwanyo ilobo me tur gi en ilikame owore iye kede idiere me jo cwade mege kede kiton jo me ode da kikome.
5
. Di en likame eko karuno timo tice mogo atek kuno kwanyo kenekene eketo cinge ikom jo tuo mogo anonok di eko cango gi.
6
. En eko uro gi pi lime yei di en eko ot di ebeo beo icalere di epwonyo.
7
. Di en eko lwongo jo tomon kiwiere are, di en eko geno cwano gi are, are pi telo ne en yongayo. Di en eko mino gi akarinikin ikom cenyere areco.
8
. Di en eko ciko gi be gin likame kipore mako gimoro me ot gi. Kwanyo kenekene ebela kur kimaki ikapu amoto mugati amoso sente moro iye isau gi.
9
. Di ki ngap amuka di likame kiko ngapo ikotin are.
10
. Di en eko waco negi be ikabedo kame ibinunu donyo iye iiot bedunu kamono tuno kakame iyaunu kede kiye.
11
. Do ngatamoro kalikame bino gamou arabo winyou kame di itienu yai ikuno tengunu adae me tienu pi bedo muijura ikom gi ateteni ango awaco neu be. Pien gikame bino timere ibomba nono iceng me ngolo kop, bino bedo rac kalamo kame bin otimere sodoma kede gomora.
12
. Di gin kiko riamo tipere atot diko wiro jo tuo kede moo. Di kiko cengo.
13
. Di gin kiko riamo tipere atot diko wiro jo tuo kede moo. Dikiko cengo.
14
. Kakame abaka Erode owinyo kede kop ikom en pien nyinge bin osarakin kakabor. Di en eko waco be ko yaruno Yokana ng ibatis kikom too pi mano en ko mio tice adongo dongo timere kibute.
15
. Do joa ace waco be en ebedo Elia doko joa ace waco be en enabi arabo acel kikom inabino.
16
. Do kakame Erode owinyo kop ni eko waco be mane Yokana ngat kame bin ango angolo wie en kame oyaruno kikom jo koto.
17
. Pien Erode kikom en kame bin ocwao jjo pi mako yokona di dako omimere pilipo kame en bin enyomere kede.
18
. Pien Yokana bin owaco ne Erode be iswil likame yei ne li bedo kede dako omini.
19
. En kop no en komio bin kerodia olok kede Yokana di eparo kiton neke do likame eko karuno.
20
. Pien Erode bin lworo Yokana. Di en engeo be ebedo dano kame cil di epore en omio Erode bin gwoke kakame en ewiny kede be en etimo jamno atot. Di en eko winye kede yom cuny.
21
. Dido winyo oko make iceng kame Erode oyutuno kede ceng kame ko nywale kede en bin eko iiko cam ne rwode mege atimo kede jo tet isirikalen kede ijakai kabin pugo Galilaya.
22
. Kakame nyako kobedo nyar kerodia obino kede iiot di eko mieto miel ko yomo cuny Erode kede jo kame bin en ebedo, Abaka diko waco ne nyako penye giame li imito kibuta ango ayaro miu.
23
. En eko ilar di ewaco ne nyako nono be giamoro dedede kame iyaro penyo kibuka ayaro mini akadi adiu me piny kame ango apugo.
24
. Di nyako nono oko ot tenge di eko penyo toto mere be nyo kame ango apeny toto mere di ko dwokene be ot ipeny wii Yokana nga ibatis
25
. Di nyako nono oko bino iot awakawaka but abaka di eko penye anyo amito be imia wii Yokana nga ibatis ibakuli.
26
. Abaka di cunye diko tur, do pien kita kame bin elairo kede kede pi jo ame bin etie bedo kede emio en likame eko karuno dagi kop me nyako.
27
. Dido abaka diko cwano nga nek awakawaka di ecike be eot ekel wii yokana di en eko oot di eko ngolo wie iot kol.
28
. di oko wie di tie ibakuli di eko mino nyako nyako diko mino toto mere.
29
. Kakame joor mege owinyo kede gin kiko bino kwanyo kome dikiko kiko piele iye ateso.
30
. Dido jokame bin winye diko cokere karacel but Yesu diko wacone gi dedede kame gin kitimo kede ame gin kipwonyo.
31
. Di en eko waco negi be bianu un ikomu iye elet kakame okonu wei iye pi kare anonok pien joa atot tie bino di yai en omio bin likame kikaruno udo kiton kare me cam.
32
. Di gin kiko yai iye itela di gin kiko donyo iye imung.
33
. Kakame jo oneno gi di kitie ot doko joa atot oudo nge en gi kiko ringo tien gi oko me bomba dedede di gin kiko bino inyim gi dikiko cokere karacel bute en.
34
. Di Yesu owok oko eko neno joa att di en eko ot but gi kede kisa adwong pien gin kitie bala oromini kame li kede ngakwat en eko cako pwonyi gi jamini atot.
35
. Kakame me do ceng tie donyo kede dido josiao mege diko bino bute diko waco ne neni kan tie itela doko nam esawa da okato.
36
. Cwai jogi tenge tetekeny kiot ipinye me kio kede icalar diko wilo mugati pien kili kede gi me acama.
37
. En eko dwoko di ewaco ne gi munu gi gime acama gi kiko waco ne bee benyo okaruno ot di oko wilo mugati me silingi tol are di oko mino di oko mino gi icami?
38
. Di en eko waco ne gi be itie nu kede mugati adi ot ber inenunu di gin kitieko ngeno di gin kiko waco ne be otie kede mugati kany kede aporogon are.
39
. Di en eko ciko gi be miunu gin dedede kibed piny ilum iye ikodet.
40
. Di gi kiko bedo piny di lubere kede dongo gi ikodeta me jo tol acel kede me jo ot kany.
41
. Kakame en eko kwanyo kede mugati kany kede aporogon are di eko neno malo di emino winyo di eko tuturo mugati di eko mino josiao mege pi keto inyim gi di en eko popoko me gin dedede aporogon are.
42
. Di gin dedede kicamo di kiko yeng.
43
. Di gin kiko kwanyo angidi ngidin kadong me mugati kede me aporogin ppong ibukito tomon kiwie are.
44
. JO kame bin ocamo mugati bin romo jo tutumia kany.
45
. Dido awakawaka en eko mino josiao mege diko donyo iye dikiko ngolo nam loko tuca ibetesaida di pwodi en edong cwano jotenge.
46
. Di en etieko cwano gi teng di en eko ot iwi moru ilega.
47
. Di piny otuno atieno ye oudo tie idier nam, di en etie itela kene
48
. Di en eko neno gi di kitie came kwany pien yamo oudo dwong negi bin oudo esawa tuno tomon me obayi di en eko bino but gi di eoto iwi pi kede tiene di en eko mito bala ebei ekat gi.
49
. Kakame gin kinene kede di etie ot iwi nam kede tiene gin kiko nene bala ebedo tipo moro di gin kiko koko.
50
. Pien gin dedede kinene di kom gi oko miel pi iworo awakawaka di en eko yamo kede gi di ewaco ne gi be man obedo ango kur ibedunu kede lworo.
51
. Di en eko ot but gi iye di yamo diko kwei. Di gin ikom gi kiko bedo ur adwong kame kalamo.
52
. Pien gin likame kibedo kede iyutun ikom giaura me mugati pien cuny gi oudo nuang.
53
. Kakame gin ki ngolo kede nam dikiko tuno ilobo me Genesaret di gin kiko donyo idog nam.
54
. Kakame gin ki wok kede oko me yee jo oko ngeno Yesu awakawaka.
55
. Di gin kiko ringo rimaro bomba dedede kame kio pi kelo jo tuo kede itandana gi kame Yesu tie iye.
56
. Doko kabedere kame en edonyo iye icalere arabo bomban arabo ilobere jo oudo pielo jotuo gi ilak yoo di kikwae be kitwervmulo egue mere bala kita kame joa tot obedo mule kede di ki cango